२५ प्रतिशत काम भएको धाङ्सीखोला पुल मुख्यन्त्री पोख्रलेद्वारा शिलान्याश हुने

रोल्पा समाचारदाता
माघ १७

This image has an empty alt attribute; its file name is dhnsi-khola-copy.pul-udghatan-1024x724.jpg — **मुख्यमन्त्रीले शिलान्यास गर्ने धाङ्सी खोला पुल यसरी निर्माण हुँदैछ ।**

सदरमुकाम लिबाङ र ह्वामा कुरेली जोड्ने धाङ्सी खोला पुल निर्माण कार्य तिव्ररुपमै भइरहेको छ । करिव २५ प्रतिशत काम भइसकेपछि पुलको शिलान्याश लुम्बिनी प्रदेशका मुख्यमन्त्री शंकर पोख्रेलेले आज ११ बजे गर्र्नुहुने भएको छ । उहाँ शनिबार विहान पुल उद्घाटनसँगै पार्टीको आन्तरिक कार्यक्रममा रोल्पा आउन लाग्नु भएको हो ।
रोल्पा जिल्लामा आज विहान मुख्य मन्त्री लिबाङ आउने कार्यक्रम रहेको छ भने शुक्रबार साझ नै लुम्बिनी प्रदेश सरकारका भौतिक पूर्वाधार विकास मन्त्री बैजनाथ चौधरी लिबाङ आई सक्नु भएको समेत कार्यालयले बताएको छ । योजना सडक पूर्वाधार आयोजना कार्यालय रोल्पा र एसियाटिक÷राज जेवीको बीचमा २०७७ साल असोज २५ गते सम्झौता भएको थियो । एसियाटिक÷राज जेवीले मंसिरको ७ गतेदेखि काम शुरुवागत गरेको सातादेखि काम शुरुवात गरी हालसम्म काम भइरहेको बताउनुभयो । रोल्पाको सदरमुकाम लिबाङ र रोल्पा नगरपालिका वडा नं. ९ ह्वामालाई बाहै्र महिना सडक सञ्जालमा जोड्नका लागि उक्त धाङ्सीखोलाको सामरिक महत्वको पुल निर्माणको गर्न लागिएको हो । सो पुल निर्माण भएपछि लिबाङदेखि ह्वामा कुरेलीसम्मका नागरिकहरु सहजरुपमा यात्रा गर्न पाउने छन् । सडक पूर्वाधार विकास कार्यालय रोल्पाका प्रमुख नविनकुमार श्रेष्ठका अनुसार १४ प्रतिशत काम भइसकेको बताएपनि निर्माण एसिया टिक÷राज जेवीका राजवीर घर्तीले करिव २५ प्रतिशत काम सम्पन्नसँगै भुक्तानी लिएको बताउनुभयो । उहाँले भन्नुभयोः–“कार्यालयलेसँग भ्याट सहित ५ करोड ६१ लाखको सम्झौता भएको हो, हामीले १ करोड २३ लाख र सोको भ्याट १५ लाख ९९ हजार भुक्तानी लिएका छौँ, त्यसलाई आधार मान्ने हो भने करिव २५ प्रतिशत काम भइसकेको छ । अरु विल बनाउँदैछौँ” ।
सडक पूर्वाधार विकास समितिको कार्यालय रोल्पाका प्रमुख नविन कुमार श्रेष्ठले पहिले नै शिलान्यास गर्ने भनेर धेरै पटक अनुरोध गरेपनि उहाँहरुको समय नमिलेपछि अहिले गर्नुपरेको बताउँदै काम शुरु भएको भएपनि औपचारिकरुपमा हुने बताउनुभयो ।

This image has an empty alt attribute; its file name is madikholoa-pul.jpg — **{े धाङ्सी खोला पुलमा पिलर तयार हुँदैछ ।**

निर्माण कम्पनीसँग २ वर्षमा निर्माण गरि सक्ने भनिएपनि निर्माण कम्पनीका राजवीर बुढाका अनुसार १८ अबको करिव १ वर्षमा निर्माण कार्य सकिने बताउनुभयो । करिव २५ प्रतिशत काम भइसकेको पुलको अब उद्घाटन गर्ने बेलामा शिलान्यास हुँदा स्थानीय तथा सरोकारवालाहरु आश्चार्य चकित बनेका छन् । वर्षा याममा थप्प हुने सो सडक पुल निर्माण भएपछि अब सहज हुने छ । जे भए पनि अति आवश्यक धाङ्सी खोलाको निर्माण कार्य छिटो हुनेमा सेवाग्रहीहरु आशावादी रहेका छन् ।