सुनछहरी गाउँपालिकाद्वारा विद्यार्थीहरुलाई स्वास्थ्य सामाग्री र सिआइसिटी अभिमुखिकरण
जुनिश कुमार विष्ट
माघ १३ गते (पोबाङ) रोल्पा
रोल्पा, सुनछहरी गाउँपालिकाको आयोजनामा गाउँपालिकाका सबै विद्यालयमा सिआइसिटी (ऋक्ष्ऋत्) सम्बन्धि सचेतनामुलक तथा स्वास्थ्य सामाग्री वितरण कार्यक्रम आज पोबाङमा सम्पन्न भएको भएको छ ।
यस गाउँपालिका अध्यक्ष आश बहादुर पुनमगरले देवि मन्दिर माध्यमिक विद्यालयलाई हस्तान्तरण गर्नुभएको थियो । यो कार्यक्रम यस महिनाको ७ गतेदेखि जनता माध्यमिक विद्यालय गामबाट गाउँपालिकाले शुरुवात गरेको थियो । माध्यमिक विद्यालय तहमा अध्ययन गर्ने सबै छात्रछात्राहरुलाई गाउँपालिकाको कार्यक्रम अनुसार कोरोना भाइरसको लक्षणहरु, भाइरसबाट बच्ने उपायहरुको बारेमा सहजिकरण पोबाङ स्वास्थ्य चौकीमा कार्यरत स्टाफ नर्स बिनिता कंवर र बसन्ती महराले गर्नुभएको थियो । सरसफाइ सम्बन्धि हात धुने र मास्क लगाउने तरिका अभ्यास सहित पोबाङ स्वास्थ्य चौकीमा कार्यरत अनमी देउमा पुनमगरले सहजिकरण गर्नुभएको थियो । कार्यक्रममा सिआइसिटी (ऋक्ष्ऋत्) सम्बन्धि अन्य जानकारी पोबाङ स्वास्थ्य चौकीका इञ्चार्ज जनक गिरीले विद्यार्थीहरुलाई सहजिकरण गर्नुभएको थियो ।
उक्त कार्यक्रममा गाउँपालिकाभित्रका सबै सामुदायिक विद्यालयमा स्वास्थ्य सामाग्री वितरण गाउँपालिकाले गरेको हो । सामाग्रीहरुमा सर्जिकल मास्क, विद्यार्थीका लागि गार्मेन्ट, स्यानिटाइजर, ग्लोभ्स, हात धुने साबुन रहेका छन् । माध्यमिक विद्यालयमा सचेतना मुलक सामाग्रीहरु फ्लेक्स प्रिन्टरमा कोभिड–१९ का लक्षणहरु, महामारी जनस्वास्थ्य मापदण्ड–२०७७ र साबुन पानीले हातधुने ६ चरणहरु समेत वितरण गरिएको छ । गाउँपालिका स्वास्थ्य संयोजक जगत बुढाले स्वास्थ्य सामाग्री प्रदान गर्नुभएको थियो भने कार्यक्रम सञ्चालन सामाजिक विकास शाखाका प्रमुख अधिकृत बलराम पौडेलले गर्नुभएको थियो ।