रोल्पामा जनतासंग माओवादी विशेष रुपान्तरण अभियान तिव्रतामा चल्दै

लिबाङ रोल्पा
असोज ५ गते रोल्पा

नेपाल कम्युनिष्ट पार्टी (माओवादी केन्द्र) ले सञ्चालन गरेको जनतासँग माओवादी विशेष रुपान्तरण अभियान रोल्पा जिल्लाभरी उत्साहपूर्णक चलिरहेको बताएको छ । गाउँ–गाउँमा अभियानको अन्तरालमा माओवादीहरु जागाराम भएको जनताहरुले प्रतिक्रिया दिनुभएको छ । जनताहरुको बीचमा अभियानको क्रममा संगठन निर्माण, बैचारिक कार्यक्रम र बैठकले रोल्पा जिल्लामा अभियान तीव्ररुपमा सञ्चालन भएको माओवादी केन्द्र रोल्पाका पालिका संयोजक तथा अभियानका जिल्लाका टोलीप्रमुखहरुले बताएका छन् । त्यसलाई निरन्तर रुपमा अगाडि बढायसलाई अझै व्यवस्थित गर्नका लागि सबै लाग्ने निष्कर्षसहित अगाडि बढ्ने गरी कार्ययोजना अनुसार गाउँ–गाउँमा फर्किएको नेकपा (माओवादी केन्द्र) रोल्पाले बताएको छ ।
नेपाल कम्युनिष्ट पार्टी केन्द्र (माओवादी केन्द्र) केन्द्रीय समितिले तय गरेको जनतासँग माओवादी विशेष रुपान्तर अभियानले चलाएमान बनाउँदै त्यसलाई अझै आम जनताको माझमा जान पुगेको नेकपा (माओवादी केन्द्र) अभियानका संयोजक पूर्ण घर्तीमगरले बताउनुभयो । अभियानको भाद्र १६ भन्दा अगाडीको कार्यक्रम, १६ गतेको अभियानको उद्घाटन, उद्घाटनपछिको अभियानका कामहरु सञ्चालन भइरहेको बताउनुभयो । आगामी दिनमा अझै प्रभावकारी रुपमा सञ्चालन गरिने बताउनुभयो ।
रोल्पा जिल्लामा कार्यक्षेत्र लिएर आउनु भएका नेकपा (माओवादी केन्द्र) का केन्द्रीय सदस्य आइपी खरेलले रोल्पा जिल्लामा संगठनात्मक रुपमा निकै आदर्श जिल्ला रहेको रोल्पामा अभियानले आम जनताामा सकरात्म प्रभाव परेको बताउनुभयो । बाँके जिल्ला कार्य क्षेत्र रहेर अभियानमा आउनु भएको रोल्पा जिल्लालाई अझै माथि उठाउनका लागि सबै लाग्नु पर्ने बताउँदै जनतालाई गोलबन्द बनाउनु पर्ने बताउनुभयो ।
रुकुम जिल्ला इन्चार्ज तेजबहादुर वली अभियानकै क्रममा रोल्पा जिल्लामा आउदाँ जनता र माओवादीको समन्धलाई अझै सुद्धित गर्नुपर्ने बताउनुभयो । जनता र माओवादीको समन्धलाई विस्तार नगरीकरण क्रान्तिका वाँकी काम पुरा गर्ने बताउनुभयो ।
यस्तै नेकपा (माओवादी केन्द्र) केन्द्रीय सदस्य सीता आचार्यले रोल्पा जिल्लाको अभियानले पार्टी कार्यकर्तालाई चलायामान बनाउनको लागि महत्वपूर्ण भूमिका निर्वाह गरेको बताउनुभयो । नेकपा (माओवादी केन्द्र)का बैकल्पिक केन्द्रीय सदस्य तथा रोल्पा नगरपालिका नगरप्रमुख सुरेन्द्र थापा घर्तीमगरले अभियानले आम जनतामा आशा जगाएको बताउँदै यसले अझै सत्ता र पार्टीको योजना उचित तालमेल गरेर लग्नु पर्ने बताउनुभयो ।
पूर्वी रोल्पामा कार्य क्षेत्र लिनुभएको पार्टीका अर्का बैकल्पिक केन्द्रीय सदस्य आसबहादुर पुनमगरले कार्यतालिमका अनुसार नै अभियान गाउँपालिकामा अगाडि बढेको बताउँदै अझै दोस्रो चरणमा प्रभावकारी रुपपमा सञ्चालन गरिने गरी तयारी रहेको बताउनुभो । अभियानको क्रममा आम जनताले माओवादी नेता र कार्यकर्ताको रुपान्तरण चाहेका माओवादी आन्दोलनमा निरन्तर सहभागी जेष्ठ कम्युनिष्ट मञ्चका सदस्य चन्द्रबहादुर बुढामगरले बताउनुभयो । माओवादी आन्दोलनलाई रक्षा र विस्तार गर्ने हो भने जनताको पार्टी निर्माणका लागि नै रुपान्तरणको दिशाामा अगाडि बढ्नुपर्ने जेष्ठ कम्युनिष्ट मन्चका सदस्य एवं केन्द्रीय सल्लाहकार बाबुलाल पुनमगरले बताउनुभयो ।
यस्तै समीक्षात्मक बैठकमा अभियानका रोल्पा नगरपालिकाका संयोजक रेशम पुन ‘चत्याङ’, सुनिलस्मृति गाउँपालिकाका संयोजक बालवुलाल पुनमगर, थबाङ गाउँपालिका संयोजक ऋषि केशव बुढामगर, परिवर्तन गाउँपालिकाका संयोजक विरबहादुर घर्तीमगर, माडी गाउँपालिकाका संयोजक नरसिंङ राना, गंगादेव गाउँपालिका संयोजक नन्दबहादुर पुनमगर, रुन्टीगढीका संयोजक ऋषिराम रोका, त्रिवेणी गाउँपालिकाका संयोजक कर्मलाल परियार, सुनछहरी गाउँपालिकाबाट संयोजक तुलाराम खड्का, लुंग्री गाउँपालिकाबाट शिवराम केसी लगायतले लिखित रुपमा रिपोटिङ भएको थियो ।
रिपोटिङको क्रममा अभियानको उद्घाटन हुनुभन्दा अगाडि संगठनात्मक कार्य बैठक नियमित रुपमा नै बैठक बसेर कार्य विभाजन गरी उद्घाटनको तयारीका लागि सबैवडामा पार्टी कार्यकर्ता परिचालन गरिएको नेकपा (माओवादी केन्द्र) रोल्पाका संयोजक पूर्ण केसीले बताउनुभयो ।
यो अभियानका बारेमा कसरी सञ्चालन भइरहेको छ भनि सोधिएको प्रश्नको जवाफमा रोल्पा न.पा. ७ का घापाका आइतराम विश्वकर्माले वडाहरुमा क्रियाशील भइरहेको बताउँदै आम जनतामा उत्साह पैदा गरेको बताउनुभयो ।
नेकपा (माओवादी केन्द्र) ले सञ्चालन गरेको अभियानले रोल्पा जिल्लाको संगठन, निर्माण, जनश्रमदान गरी जनता र पार्टीको सम्बन्ध विस्तार गरेको छ । गाउँ–गाउँमा शहीद परिवार, कार्यकर्ता, माओवादी आन्दोलनमा सहभागीहरुसँग भेटघाट लगायतले समन्ध सुद्धित हुने आशा गरिएको छ । माओवादीहरुले रुपान्तरणको लागि विशेष प्रश्न उठेकोले माओवादी नेता तथा कार्यकर्ताहरु राजनीतिक, साँस्कृतिक, आर्थिक लगायत विचार र सँस्कार संस्कृतिमा रुपान्तरण हुन्छ की हुँदैनन् भन्ने कुरा माओवादी केन्द्रका नेता तथा कार्यकर्ताहरु अग्नी परिक्षामा पास हुन्छन् कि हुँदैनन् यो त भने हेर्न वाँकी नै छ ।