मानसिंह विश्वकर्मा
फागुन १० गते लिबाङ रोल्पा
घुडामाथिबाट दुवै खुट्टा गुमाउनु भएका रोल्पाली हरी बुढामगरले विश्वको सगरमाथा शिखर आरोहण गरेर विश्व कृतिमानी कायम गर्नुभएको छ । पूर्व ब्रिटिस गोर्खा सैनिक हरि बुढामगरले सर्वोच्च शिखर सगरमाथाको सफल आरोहण गरेर रोल्पा जिल्लामा आएपछि उहाँलाई रोल्पालीहरुले विभिन्न स्थानमा सम्मान गरेका छन् ।
रोल्पा जिल्लाको मिरुलमा जन्मिनुभएका हरी बुढामगरले वसन्त ऋतुको जारी आरोहणमा बुढामगरले यही २०८० जेठ ५ गते दिउँसो ३ सगरमाथाको चुचुरोमा पुग्नुभयो । यससँगै पूर्वगोर्खा सैनिक बुढामगर सगरमाथाको चुचुरो चुम्ने पहिलो ‘डबल एम्प्युटी एभोब नी’ (घुँडा माथिबाट दुवै अङ्ग विच्छेदन) व्यक्तिको विश्व रेकर्ड कायम गर्नुभएको हो । उहाँलाई जिल्ला समन्वय समिति रोल्पा र पत्रकार महासंघ रोल्पाले सम्मान पत्रसमेत प्रदान गर्नुभएको थियो । लुम्बिनी प्रदेश सभा सदस्य दीपेन्द्र पुनमगर, जिल्ला समन्वय समिति रोल्पाका प्रमुख कर्मलाल परियार र पत्रकार महासंघ रोल्पाका अध्यक्ष नविन लोचन मगरले प्रमाणपत्र समेत प्रदान गर्नुभएको थियो ।
उहाँलाई रोल्पा जिल्लामा विहीबार जिल्ला समन्वय समिति रोल्पाको आयोजना तथा नेपाल पत्रकार महासंघ रोल्पाको सहआयोजनामा सम्मान कार्यक्रम गरेको हो । कार्यक्रमका प्रमुख अतिथि लुम्बिनी प्रदेश सभा सदस्य दीपेन्द्र कुमार पुनमगरले हरी बहादुर बुढामगर रोल्पा, रोल्पालीको मात्रै नभएर आम नेपाल र नेपालीको गौरवको विषय भएको बताउनुभयो । उहाँले यो हरी बुढामगर रोल्पालीको सम्पत्ती भएकाले यसलाई सकरात्म रुपमा ग्रहण गराउँदै सबैको माझमा यस्तो सकरात्मक सन्देश प्रवाह गर्न आवश्यक रहेको बताउनुभयो । उहाँले कठिन मेहनतबाट मात्रै सम्भव भएको बताउँदै यसलाई नयाँ ढंगले नयाँ पुस्तालाई पनि सिकाउनु पर्ने बताउनुभयो ।
यस्तै कार्यक्रममा सम्मानित सगरमाथा आरोही हरी बुढामगरले जीवनका धेरै कठिन संघर्षबाट मात्रै आफू सगरमाथा आरोहन गर्न सफल भएकोब बताउँदै आफूलाई अझै अगाडि बढ्ने हौसला सबैले दिनुभएको बताउनुभो । उहाँले आफ्नो अतितलाई सम्झिदै भन्नुभयो–ः“रोल्पा जिल्ला भन्दा सबैले अपहेलना गर्दथ्ये र मैले दाङ जिला घर हो भनेर बताउथ्ये, मलाई जो सुरक्षा निकायमा कुनै रहर थिएन त्यही जागिर खानु पर्ने भयो यो पनि नयाँ विषय भयो । तर अहिले गर्व गर्दछु म रोल्पाली भएकोमा गौरव गरेको छु ।” उहाँले विभिन्न निकायले सम्मान गर्दा मलाई निकै हौसला प्रदान भएको बताउँदै त्यसका लागि निकै राम्रो काम भएको बताउनुभयो ।
कृत्रिम खुट्टा (प्रोस्थेटिक)को सहायताले बुढामगरले सगरमाथा आरोहण गर्नुभएको हो । झण्डै पाँच वर्षको प्रयासपछि बुढामगरले सगरमाथाको सफल आरोहण गर्नुकएको थियो । रोल्पाको थबाङ गाउँपालिकाको मिरुल घर भएका बुढामगरले ब्रिटश सेनामा रहँदा अफगानिस्तानको लडाइँमा सन् २०१० मा आफ्ना दुवै खुट्टा घुँडाभन्दा माथिबाट गुमाउनुभएको थियो ।
मगरले बेलायती सेनाको गोर्खा रेजिमेन्टमा १५ वर्ष सेवा गर्नुएको थियो । बेलायती सेनामा भर्ना हुनुअघि सगरमाथा आरोहण गर्ने उहाँको सपना थियो । सगरमाथाको चुचुरोमा पुगेपछि बुढामगरले खुसीका साथ जोडले चिच्चाउँदै भनेका थिए, “हामी सफल भयौँ । सफल आरोहणपछि स्याटलाइट फोनमार्फत बुढामगरले भने, “वास्तवमा मैले सोचेभन्दा धेरै गाह्रो थियो तर हामीलाई अगाडि बढ्नैपर्ने थियो । त्यसैले हामीलाई कुनै फरक परेन । जतिसुकै दुःख भए पनि अन्ततः हामी सफल भयौँ ।”
सगरमाथाको आरोहणपूर्व पूर्वगोर्खा सैनिक बुढामगरले यसअघि मोन्ट ब्लाङ्क (चार हजार आठ सय १० मिटर), चुलु सुदूरपूर्व (छ हजार ५९ मिटर), किलिमन्जारो (पाँच हजार आठ सय ९५ मिटर र लगायतका आरोहण गरेका थिए । साथै सगरमाथा आधार शिविर पुग्ने र सगरमाथामाथि स्काइ ड्राइभ गर्ने ‘डबल एम्प्युटी एभोब एभोब नी’ को रेकर्ड पनि बुढामगरको नाममा छ ।
विश्व कृतिमानी सगरमाथा आरोही हरीबहादुर बुढामगरलाई रोल्पा नगरपालिकाको कार्यालय, बाल कल्याण उ.मा.वि., बालहित आधारभूत विद्यालय रोल्पा न.पा. ७, मिरुलका विभिन्न सामाजिक संघ सँस्थाले सम्मान गरेको छ । यस्तै थबाङ गाउँपालिका, विरभद्र मा.वि. थबाङ लगायतले सम्मान गरको थियो ।कार्यक्रममा पूर्व माननीय बमकुमारी बुढामगर, निवर्तमान नगरप्रमुख पूर्ण केसी लगायतको आतिथ्यता रहेको थियो । कार्यक्रममा जिल्ला समन्वय समितिका निमित्त समन्वय अधिकारी तुलबहादुर कुवरले स्वागत गर्नुभएको थियो ।
रोल्पाली र रोल्पाको गौरवको साहसिक हरीबहादुर बुढामगर गरेको कृतिमानीबाट रोल्पालाई अझै नयाँ उचाईमा पु¥याएको छ । त्यसैले उहाँको यो मेहनत र अथक प्रयासको सधै सम्मान गर्ने हामी जो कोहीले पनि सिक्नु पर्दछ ।
