खेलाडीहरुले देश चिनाउन सक्ने नै हुनु पर्दछ —लुम्बिनी प्रदेश सभा सदस्य जोख बहादुर महराले

भरत नेपाली
कार्तिक –२१ रोल्पा

लुम्बिनी प्रदेश सभा सदस्य जोख बहादुर महराले खेलाडीले उत्कृष्ट खेल प्रदर्शन गरेमा आफू, आफ्नो परिवार र सिङ्गो देशलाई चिनाउन सक्ने बताउनु भएको छ । मंगलबार हार्जङ युवा क्लबको ५ औं वार्षिकोत्सव को अवसरमा आयोजित विविध खेलकुद कार्यक्रमको उदघाट्न गर्दै सो कुरा बताउनु भएको हो ।
कार्यक्रमको प्रमुख अतिथि महराले स्वस्थका लागि खेलकुद रास्ट्रका लागि खेलकुद भन्ने नारालाई सफल पार्नको लागि युवा क्लबले खेलकुद आयोजना गरेको बताउदै कुनै पनि खेल जित्नको लागि मात्र खेल्नु भन्दा पनि खेलाडीहरुले सभ्य र अनुशासित भै उत्कृष्ट खेल प्रदर्शन गर्न सकेमा खेलाडी र देशको पहिचान बढ्ने बताउनु भयो । त्यस्तै प्रमुख अतिथि महराले गाउँ—गाउँमा सयौंको संख्यामा युवा क्लब गठन गरिएको र ति युवा क्लबहरु खालि खेल खल्ने मात्र नभै समाजमा हुने वालविवाह, जातीय विभेद लगाएत अन्य विभिन्न सामाजिक विकृतिहरुको अन्त्य गर्न लाग्नु पर्ने बताउनु भयो । युवा क्लबहरुले स्थानीय, प्रदेश र संघीय सरकार सग समन्वय सहकार्य गरि आफ्नै गाउँ घरमा विभिन्न ब्याबसाय संचालन गर्न सकेमा युवाहरु नोकर नभै मालिक बन्ने बताउनु भयो ।
कार्यक्रममा बोल्दै महराले नेपालका केहि पार्टीहरुले सयौंको सख्यामा जनतालाई मार्ने गरेको हजारौंको सख्यामा दुःख, यातना दिएको उनिहरु बिर्सिने शान्तिको लागि क्रान्ति गरेको माओवादी पार्टीलाई विभिन्न आरोप लगाउन खोजेको बताउदै माओवादी पार्टी सङ्ग धेरै जोडी नखोज्न समेत अनुरोध गर्नुभयो हामिले २०५२ सालमा जनयुद्ध संचालन नगरेको भए देशमा यति ठूलो परिवर्तन नहुने र देश अहिले यो अबस्थामा नआउने जिकिर गर्नु भयो ।
कार्यक्रमको विशिष्ट अतिथि नेकपा माओवादी केन्द्रका बैकल्पिक केन्द्रिय सदस्य आसबहादुर पुनले देशमा संघीयता, धर्मनिरपेक्षता लगाएतका कुराहरु प्राप्त गर्न हार्जङ गाउँले ठुलो भुमिका खेलेको बताउनुभयो । उहाँले भन्नुभयोः—“पछिल्लो समय संचारको पहुचमा छौ, यातायातको सुबिधा पाएका छौ । यो सबै परिवर्तन माओवादीको कारण आएको अताउनु भयो । नेता पुनले खेल, रमाइलो, मनोरञ्जनमा मात्र युवाहरु पछिल्लो समय लागेको बताउदै खेल खेलको लागि मात्र नभै समाज बिकास र समाजमा जागरण र सम्पुर्ण युवाहरुमा एकरुपता ल्याउनमा लाग्नु पर्ने बताउनु भयो । हिजो हामिहरुले ब्यबस्था परिवर्तन गर्नेमा लाग्यो अबको हाम्रो अभियान आफ्नो अवस्था बदल्नेमा लाग्नु पर्ने बताउदै बैकल्पिक केन्द्रिय सदस्य पुनले हिजो मसान घाटमा पुगेका लास हरु फर्किन लागेको भन्दै केहि मान्छेहरु गलत प्रचार गर्दै हिडि रहेका हामि सुन्छौ तर मसान घाट गइ सकेको लास कहिले नफर्किने भन्दै त्यस्तो भ्रममा नपर्न अनुरोध गर्नु भयो ।
त्यस्तै कार्यक्रममा बोल्दै लुङ्ग्री गाउँपालिका अध्यक्ष भरत कुमार थापाले युवा क्लब हरुले खेल सगै समाज परिवर्तन गर्नको लागि निरन्तर लाग्नु पर्ने बताउदै लुङगृ गापाको सबै वडाहरुमा युवा क्लबले वर्सेनि खेलकुद संचालन गर्ने गरि रहेको क्लबहरुले संचालन गर्ने यस्तै खेलकुद कार्यक्रमले हामीहरु लाई जनतासँग भेटघाट गर्ने जनताको समस्या जानकारी लिने र समाधानको लागि सहज हुने भएको बताउनुभयो ।

त्यस्तै नेकपा माओवादी केन्द्रका केन्द्रिय सल्लाहकार बाबुलाल पुनले कार्यक्रममा बोल्दै देश बिकासको मेरु दन्ड को रुपमा स्वास्थलाई लिनु पर्दछ स्वास्थ लाइ राम्रो गर्न खेलकुदको माध्यम बाट युवाहरु लागेको बताउदै हामिले युवाहरु लाइ प्रोत्साहन गर्ने र युवा हरुले देशको नेतृत्व गरेमा देशको बिकासमा सहयोग पुग्ने बताउनुभयो । युवा वर्ग यो समाजको अभिन्न अङ्ग भएकोले समाज बिकासमा युवाले महत्त्वपूर्ण भुमिका खेल्नु पर्नेमा जोड दिनु भयो । त्यस्तै पछिल्लो समय युवाहरु सामाजिक बिकृतिमा लाग्ने गरेको बताउदै त्यस्ता बिकृति बाट युवा टाढा रहि राम्रो र स्वच्छ समाज निर्माणमा लाग्न अनुरोध गर्नु भयो ।

कार्यक्रममा युवा नेता तथा थ्ऋी नेपाल जिल्ला समन्वय समिति रोल्पाका गोबिन्द पुन, लुङ्ग्री गाउँपालिका १ नं। वडा अध्यक्ष गणेश पुन, लुङग्री गाउँपालिका ७ नं। वडा अध्यक्ष हिरा ब पुन लगाएतले शुभकामना मन्तव्य राख्नु भएको थियो । हार्जङ युवा क्लबका अध्यक्ष विजय पुनको अध्यक्षतामा भएको कार्यक्रमको संचालन ओम प्रकास पुन गर्नु भएको थियो ।