तुल्सिपुरबाट रोल्पाको राँकको लागि छुटेको जीप सल्यानको दिवांगघारी नजिक दुर्घटना हुँदा तीनकाे मृत्यु
कार्तिक २२ गते
लिबाङ राेल्पा
दाङको तुल्सिपुरबाट रोल्पाको गंगादेव गाउँपालिका राँकको लागि छुटेको लु १ ज २९११ नम्बरको जीप सल्यानको छत्रेश्वरी गाउँपालिका–४ दिवांगघारीको भिर नजिकै आज दुर्घटना भएको छ ।
उक्त दुर्घटना हुँदा रोल्पाका चालक सहित ३ जनाको ज्यान गएको गंगादेव गाउँपालिका अध्यक्ष वीर बहादुर खत्रीले जानकारी दिनुभयो । दुर्घटनामा परि ज्यान गुमाउनेहरुमा गाडी चालक रोल्पा गंगादेव गाउँपालिका–७ निवासी ३५ वर्षीय भिम बहादुर वली, सोही ठाउँका १७ वर्षीय भिमराज बुढा र गंगादेव गाउँपालिका –५ निवासी ६५ वर्षीय गंज बहादुर बुढा रहेको रहेका छन् । गाडीमा सवार अन्य ५ जना भने सकुशल रहेका छन् । घटनास्थलमा प्रहरी पुगी सकेको र घटनाबारे थप अनुसन्धान भइ रहेको जिल्ला प्रहरी कार्यालय सल्यानले बताएको छ ।
