“नेपाल कानून र नैतिकतामा कमजोर भएको छ”

प्रदेश सभा सदस्य दीपेन्द्र कुमार पुनमगर ‘सिजल’
रोल्पा समाचारदाता
लिबाङ, रोल्पा
साउन १२

लुम्बिनी प्रदेशका प्रदेशसभा सदस्य दीपेन्द्र कुमार पुनमगर ‘सिजल’ ले नेपालमा नैतिक र कानूनमा कमजोर भएको देशकोले गर्दा सुधार गर्नका लागि आफैलेबाट शुरुवात गर्नुपर्ने बताउनुभयो ।
उहाँले यस्तो कुरा नेपाल रेडक्रस सोसाइटी जिल्ला शाखा रोल्पाको आयोजनामा भएको रक्त सञ्चार सेवा दिवस तथा सम्मान कार्यक्रमलाई सम्वोधन गर्दै शुक्रबार लिबाङको जिल्ला समन्वय समितिको नयाँहलमा बताउनुभएको हो । दिबसको अवसरमा सञ्चार सेवा दिवस’ को अवसरमा रेडक्रस रोल्पाले सञ्चार माध्यम तथा सहयोगीदातालाई सम्मान कार्यक्रममा प्रमुख अतिथिको रुपमा सम्वोधन गर्नुभएको थियो ।

उहाँले नेपाललाई विकास गर्नका लागि नेपाल र नेपालीहरु एक भएर सामाना गर्नुपर्ने बताउनुभयो । उहाँले भन्नुभयोः–“हाल देशमा कानून पनि कमजोर भएको छ, जहाँ दिन दहादै सुनतस्करहरुले सुन लिन सफल हुन्छन्, अनि नैतिकता पनि कमजोर भएको छ, जनतालाई नागरिकता पनि दिनुहोहोस् तपाइलाई विदेशी नागरिक बनाउँछाँै छाँै भन्नेहरु पनि छन् । हामीले सुधारर्नका लागि कसैलाई भनेर हुँदैन आफैबाट शुरुवात गर्नुपर्दछ ।”
कार्यक्रमका प्रमुख अतिथि प्रदेश सभा सदस्य दीपेन्द्र कुमार पुनमगरले नेपाली जनता एवं मतदाताहरु पनि सचेत हुनु पर्ने बताउनुभयो । उहाँले भन्नुभयोः–“हामी नागरिकहरु पनि नागरिता पनि दिने उल्टो २५ लाख रुपैया पनि अर्काे देशको नागरिक बनाई पठाई देऊ भन्ने हामी नागरिक पनि छौँ ।” राष्ट्रियताप्रति पनि बलियो नैतिक प्रर्दशन गर्नुपर्ने उल्लेख गर्नुभयो ।
कार्यक्रममा प्रमुख अतिथि दीपेन्द्र कुमार पुनमगरले नेपाल रेडक्रस आपत विपतमा सबैले सम्झने सँस्था भएकोले गर्दा यसको विकास र विस्तारका लागि सबैले योगदान गर्नुपर्ने बताउनुभयो । उहाँले रोल्पा जिल्लामा नेपाल रेडक्रस जिल्ला शाखा रोल्पाको आयोनामा आकस्मिक रक्त सञ्चार सेवाका लागि सकरात्मक कार्य भएको बताउँदै भन्नुभयोः–‘नेपाल रेडक्रसको आकस्कि रक्त सञ्चार सेवा संकलन ब्लड बैंक स्थापनाका लागि उद्घाटन भएको बेला पनि आफूले नै गरेको थिए, हाल त्यसलाई पूर्णताका लागि ब्लड बैंक भवन निर्माणका लागि प्रदेशबाट बजेटको व्यवस्थापन गरेका थियौँ, रेउघामा निर्माण भई सकेको छ । अब त्यसलाई पूर्ण रुपमा सञ्चालनका लागि सबै लाग्नुपर्दछ । ” उहाँले सहयोग दातालाई सम्मान गर्ने कार्यक्रमा प्रमुख अतिथि आफू र ब्लड बैंक स्थापना गर्ने कार्यक्रममा पनि प्रमुख अतिथि आफै भएकोले गर्दा त्यसलाई पूर्णता दिनका लागि थप कर्तव्य भएको बताउनुभयो ।
रोल्पा क्षेत्र नं. १ (ख) बाट निर्वाचित प्रदेशसभा सदस्य समेत रहनुभएका दीपेन्द्र कुमार पुनमगरले उहाँले आगामी दिनमा सबैको सहयोग र साथ पाएमा आफूले पनि जनताको सेवा निरन्तर गर्ने प्रतिवद्धता समेत व्यक्त गर्दै सधै रोल्पाली जनताको हितमा लागेको बताउनुभयो । सहयोग गर्ने सबैलाई धन्यवाद व्यक्त समेत गर्नुभयो ।
नेपाल रेडक्रस सोसाइटी जिल्ला शाखा रोल्पाले ‘रक्त सञ्चार सेवा दिवस’को अवसर पारेर सहयोगीदाताहरु लगाएत स्थानीय पत्रपत्रिका तथा रेडियोहरुलाई सम्मान गरेको छ । नेपाल रेडक्रस सोसाइटी जिल्ला शाखा रोल्पाले रक्त सञ्चार सेवा केन्द्रलाई दीगोरुपमा सञ्चालन र व्यवस्थापनको लागि एक अक्षयकोष स्थापना गर्ने उद्देश्यले आर्थिक सहयोग संकलन अभियान सञ्चालनमा पु¥याएको योगदानको कदर गर्दै आर्थिक संकलन अभियानमा सहयोग गर्ने सहयोगिदाताहरु स्थानीय पत्रपत्रिका तथा रेडियोहरुलाई सम्मान गरेकोे हो ।
“रगतको अभावमा कुनै पनि मानिसले जीवन गुमाउन नपरोस” भन्ने उदेश्यका साथ रोल्पा जिल्लास्थित स्थानीय तहहरूको सहयोग तथा नेपाल रेडक्रस सोसाइटी रोल्पा जिल्ला शाखाको पहलमा गत वर्ष २०७८ असार ९ गते रोल्पा अस्पताल रेउघामा रक्त सञ्चार सेवा केन्द स्थापना गरि नियमित रूपमा सेवा प्रवाह गरिरहेको छ ।
कार्यक्रममा नेपाल रेडक्रस सोसाइटी जिल्ला शाखा रोल्पाका सभापति डि.बि घर्तिमगरको अध्यक्षतामा भएको कार्यक्रममा बिशिष्ट अतिथिहरुमा रोल्पा नगरपालिकाका नगर प्रमुख सुरेन्द्र थापा, प्रमुख जिल्ला अधिकारी परमानन्द घिमिरे, लुङग्री गाउँपालिखका अध्यक्ष भरतकुमार थापा, रुन्टिगढि गाउँपालिका अध्यक्ष जनक पुन रहनुभएको थियो ।

त्यस्तै अन्य अतिथिहरुमा नेपाली कांग्रे्रेस रोल्पाका सभापती किशोरकुमार आचार्य, नेकपा (माओबादी केन्द) रोल्पाका प्रतिनिधि तथा रोल्पा अस्पताल ब्यबस्थापन समितीका अध्यक्ष फबिन्द्र आचार्य (क्षितिज), रोल्पा स्वास्थ्य कार्यालय रोल्पाका प्रमुख विशासल सुवेदी, समाजसेवी तथा राजनीतिज्ञ कृष्णबहादुर घर्तीमगर, रोल्पा उद्योग वाणिज्य संघका अध्यक्ष केशव आचार्य, गैर सरकारी सँस्था महासंघ रोल्पाका उपाध्यक्ष सुभद्रा रेग्मी, नेपाल पत्रकार महासघ रोल्पाका अध्यक्ष नविन लोचन मगर लगायतले शुभकामना मनतव्य राख्नुभएको थियो ।
कार्यक्रममा नेपाल रेडक्रस सोसाइटी जिल्ला शाखा रोल्पालाई सहयोग गर्ने सहयोगी व्यक्तिहरु, जिल्ला प्रहरी कार्यालय रोल्पाका प्रहरी नायब उपरीक्षक श्याम कुमार शारु मगर, ससत्र प्रहरी बल रोल्पाका प्रहरी नायब उपरीक्षक बिष्णु दत्त अवस्थी, ग्लोबल आईएम इ बैंकका प्रवन्धक दिने घर्तीमगर, नेपाल पत्रकार महासंघ रोल्पाका सस्थापक सभापती काशीराम डाँगी, पुर्व अध्यक्ष खेम बुढा, महेश न्यौपाने, निवर्तमान अध्यक्ष मानसिंह विश्वकर्मा, नेपाल पत्रकार महासंघ रोल्पाका सचिव लोकेन्द्र, विभिन्न सञ्चार माध्यममा आबद्ध क्रियाशिल पत्रकार तथा प्रतिनिधि लगाएतको कार्यक्रममा सहभागीता रहेको थियो ।

नेपाल रेडक्रस सोसाइटी जिल्ला शाखा रोल्पाका उपसभापती टिकाकुमारी बुढाको स्वागत मन्तव्यबाट सुरु भएको कार्यक्रमको सञ्चालन नेपाल रेडक्रस सोसाइटी जिल्ला शाखा रोल्पाका सचिव मन्त्री अमर घर्तिमगरले गर्नुभएको थियो ।
रोल्पा जिल्लमा ब्लड बैंक स्थापनाका लागि नेपाल रेडक्रस सोसाइटी र रोल्पा अस्पतालको समन्वयममा अगाडि बढिरहेको छ । ब्लड बैंकलाई दीगो रुपमा सञ्चालन गर्नका लागि लुम्बिनी प्रदेश सरकारका मुख्यमन्त्री कुलप्रसाद केसीको कार्यकालमा तत्कालीन मुख्यमन्त्री केसी र प्रदेश सभा सदस्य दीपेन्द्र कुमार, मुख्यमन्त्री कुलप्रसाद केसीको प्रेस संयोजक मानसिंह विश्वकर्माको पहलमा भवन निर्माणले पूर्णता पाएको थियो । अब नेपाल रेडक्रसलाई सो भवन हस्तातरण भएमा सजिलो हुने भएको छ ।