सम्बृद्ध रोल्पा बनाउने हो । रोल्पा क्षेत्र नं. २ का बाम गठबन्धनका साँझा उमेद्वार एवं नेकपा माओवादी केन्द्रका सचिवालय सदस्य दिपेन्द्र कुमार पुनमगर ‘सिजल’

सम्बृद्ध रोल्पा बनाउने हो । रोल्पा क्षेत्र नं. २ का बाम गठबन्धनका साँझा उमेद्वार एवं नेकपा माओवादी केन्द्रका सचिवालय सदस्य दिपेन्द्र कुमार पुनमगर ‘सिजल’
कात्तिक २६ गते रोल्पा
रोल्पा समाचार साप्ताहिकका सम्पादक मानसिंह बिकले आगामी मंसिर १० गते सम्पन्न हुने प्रतिनिधि र प्रदेशको निर्वाचनमा रोल्पा क्षेत्र नं. २ का बाम गठबन्धनका साँझा उमेद्वार एवं नेकपा माओवादी केन्द्रका सचिवालय सदस्य दिपेन्द्र कुमार पुनमगर ‘सिजल’ सँग निर्वाचन रोल्पाको आगामी कार्यक्रम र प्रतिवद्धताका बारेमा गरिएको कुराकानीको सारसंक्षेप प्रस्तुत गरिएको छ ।
तपाईको राजनीतिक पृष्ठभूमि बताईदिनुहोस् ?
कलिलै उमेरमा परिवर्तनको पक्षमा उभिदै २०४३ सालमा अ.ने.रा.स्व.वि.यू (छैठौ) को साधरण सदस्यता प्राप्त गरी राजनीति जीवनको शुरुवात गरेको थिए । २०४३ सालको कथिट राष्ट्रिय चुनाव विरोधमा कार्यक्रमहरुमा संलग्न हुँदै २०४६ सालको पंञ्याती व्यवस्थाको अन्त्यका लागि न.क.पा. (मसाल) ले लिएको निर्णयलाई भूमिगत रुपमा कार्यन्वयन गर्दै आएको थिए । २०४६ सालमा पञ्चायको अन्त्य पश्चात विद्यार्थी संगठनकै जिल्ला सदस्य हुँदै २०४८ सालमा ने.क.पा. (एकता केन्द्र) को सदस्यता प्राप्त २०५० सालमा ने.क.पा( एकता केन्द्र) को सदस्यता प्राप्त गरेको थिए । २०५० साल देखि २०५६ सालमा विद्यार्थी संगठनको केन्द्रीय सदस्यतामा रही काम गरेको थिए । २०५८ सालमा ने.क.पा. (माओवादी) रोल्पा जिल्ला संगठन समितिको सेक्रेटरी भएर २०५९ सालसम्म काम गरको थिए । पाल्पा जिल्लाको इञ्चार्ज २०६३ देखि हालसम्म रोल्पा जिल्लाको इञ्चार्ज रुपमा कार्यरहत रहेको थिए । ०५९ सालमा पार्टीको केन्द्रीय सदस्य, २०६२ सालमा पार्टीको पोलिट व्यूरो सदस्य, पार्टीको चुनबाङ बैठकले विग्रेड कमिसारको जिम्मेवारी दिएको थियो । २०६२ चैत्रमा पाल्पामा माइन विष्फोट हुँदा बायाँ हात पुरै र दायाँ हात अधिकांश गुमेको छ भने दायाँ कान फुटेको अवस्थामा रहेको छ । २०६४ सालदेखि जनक्रान्तिका घाइते तथा अपाङ्ग सङ्गठनको अध्यक्ष पदमा रहँदै आएको छु ।
जनताको सेवा कहिलेदेखि गर्न थाल्नुभयो ?
देश हालसम्म पार्टीको विभिन्न जिम्मेवारी क्षेत्रमा रहँदै काम गर्दै आएको छु । जनताको सेवा अविचलित वा निरन्तर रुपमा गर्दै आइयो । तर जनप्रतिनिधिको रुपमा होइन पार्टी प्रतिनिधिको रुपमा जनताको सेवा गरे भने अब जनप्रतिनिधिको रुपमा जनताको सेवा गर्ने अवसर प्राप्त गर्दैछु ।
रोल्पाली जनताले तपाई र तपाईको पार्टीलाई किन भोत दिने ?
मलाई र मेरो पार्टीलाई मात्रै भोत दिने होइन । म वाम गठबन्धनको साझा उम्मेद्वार हँु र हाम्रो पार्टी नेकपा (माओवादी केन्द्र) र नेकपा (एमाले) को प्रस्तावित उम्मेद्वार भएकोले हाम्रो संयुक्त घोषणा पत्रद्वारा हाम्रो कार्यक्रमहरु सार्वजनिक गर्ने छौं ।
तपाईको पार्टी किन बाम एलान्स गरेको हो ?
वाम एलाइन्स गर्नुको उद्वेश्य दुई ओटा छन् । एक तत्कालिन उद्वेश्यमा सम्भव भए दुई तिहाई लिएर शासकीय स्वरुपमा हेरफेर गर्ने नभएर कम्तिमा बहुमत लिएर भएपनि पार्टी वर्षिय कार्यकालद्वारा जनतालाई सेवा गर्ने छ । ६ महिनाको अन्तरमा सरकार परिवर्तन गर्ने हालको राजनीतिक जो अवस्था छ त्यसलाई अन्त्य गर्ने ।
तपाई र तपाईको पार्टी चुनावी एजेण्डा के–के हुन् ?
भौतिक क्षेत्रको विकास र आत्मिक चेतनाको विकास गर्नु हाम्रो चुनावी एजेण्डा हुन् । यी दुबै काम भविश्यको लागि अपुग भएता पनि विगतको भन्दा राम्रो गरिनेछ ।
जिल्ला र निर्वाचन क्षेत्रमा गरिने कार्यहरु के–के हुन् ?
मैले माथि नै भनि सके हाम्रो प्रतिवद्वताद्वारा सार्वजनिक गरिनेछ ।
उमेद्वारको प्रतिवद्धतापत्र एव अपिल
अपिल

संविधानको रक्षा र कार्यान्वयन !
वामपन्थीको सरकार हाम्रो अभियान !!

नेपाली जनताले जहानिया राणाशासन, निरंकुश पञ्चायती व्यवस्था र २४० वर्षिय सामन्ति राजतन्त्रको विरुद्ध लामो सशस्त्र तथा जनआन्दोलन गरी हाल लोकतान्त्रिक गणतान्त्रिक व्यवस्था प्राप्त गरेका छौं । यी उपलब्धि प्राप्त गर्दासम्म हजारौं वीर नेपाली सपुतहरुले राष्ट्रको लागि बलिदान गर्नुभएको छ । वेपत्ता, घाइते, अपाङ्ग र जेल जीवन व्यतीत गर्नुभएको छ । यसरी जनताको त्याग, तपस्या र बलिदानको जगमा आज संविधानसभा मार्फत संविधान जारी भई यसको प्रारम्भिक कार्यान्वयन हुँदैछ । भर्खरै स्थानीय तहको निर्वाचन सम्पन्न भएको छ । अब यही मंसिर १० र २१ गते प्रतिनिधिसभा र प्रदेशसभाको चुनाव एकैपटक दुई चरणमा सम्पन्न हुँदैछ । विगत २००७ सालदेखि ०४६ सालसम्मको प्राप्त उपलब्धिलाई संस्थागत हुन नदिने र संस्थागत हुनथालेपछि विध्वंश मच्चाएर पुरानै अवस्थामा फर्काउने बारम्बार कोशिस हुँदै आएका छन् । यसपटक पनि जनताद्वारा निर्मित संविधानको कार्यान्वयन हुन नदिन र ध्वंश गर्ने उद्देश्यका साथ देशी विदेशी प्रतिक्रियावादी तत्वहरु अन्तिम बलबुटाले भ्याएसम्म लागिपरेका छन् ।
यस्तो जतिल अवस्थालाई पार लगाई जनताको शान्ति, समृद्धि र विकासको तीब्र आकांक्षालाई पुरा गर्न हामी वामपन्थी पक्षधरहरुले चुनावी तालमेल गरेका छौं । र निर्वाचन लगत्तै पार्टी एकता गर्ने महान उद्देश्यका साथ यो तालमेल निहित रहेको छ । यस सन्दर्भमा रोल्पा जिल्ला क्षेत्र नं. २ बाट प्रदेशसभा सदस्यको उम्मेदवारको रुपमा नेकपा एमाले र नेकपा (माओवादी केन्द्र)को संयुक्त उम्मेदवारको रुपमा माओवादी केन्द्रको पोलिटव्यूरो सदस्य एवम् रोल्पा जिल्ला इन्चार्ज म दिपेन्द्र कुमार पुनमगर ‘सिजल’ले उम्मेदवारी दिएको छु । साथै सम्पूर्ण आदरणीय मतदाताहरुसँग मेरो निम्न प्रतिवद्धताहरु प्रस्तुत गर्दछु ।
ड्ड समाजवाद उन्मुख सामाजिक, आर्थिक र सांस्कृतिक आधार निर्माण गर्न ।
ड्ड जनसहभागितामुलक समावेशी लोकतन्त्रको आत्मलाई सार्थकता प्रदान गर्न, प्राथमिकक्रममा भौतिक पूर्वाधारको विकास गर्न ।
ड्ड आम जनसमुदायलाई सुशासनको प्रत्याभूति दिलाउन ।
ड्ड कृषि क्षेत्रलाई ग्रामीण विकास र आर्थिक उपार्जनको मुल आधार बनाउन ।
ड्ड निर्वाचन क्षेत्रभित्र पर्ने घना बस्तीहरुलाई व्यवस्थित शहरको रुपमा योजनावद्ध विकास गर्न ।
ड्ड वैदेशिक रोजगारलाई क्रमशः प्रतिस्थापन र स्वदेशी रोजगारलाई प्रवद्र्धन गर्न ।
ड्ड आम्दानी बढाउने खर्च घटाउने, बचत गरी रोजगारको सिर्जना गर्न ।
ड्ड युवाहरुको लागि खेलकुद मार्फत सर्वाङ्गिन विकासको आधार तयार पार्न ।
ड्ड राजनीतिक, धार्मिक, सांस्कृतिक र प्राकृतिक क्षेत्रको पहिचान र विकास गरी आन्तरिक र बाह्य पर्यटकलाई आकर्षित गर्न ।
ड्ड हाम्रो सांस्कृतिक सम्पदाको संरक्षण गर्न ।
ड्ड शिक्षा र स्वास्थ्य लगायतका क्षेत्रमा राज्यको दायित्वलाई प्रभावकारी कार्यान्वयन गर्न प्राकृतिक स्रोतको संरक्षक र उपभोगलाई व्यवस्थित गर्न ।
ड्ड जनयुद्ध, जनआन्दोलनका सहिद, वेपत्ता, घाइते, बन्दी योद्धाहरुलाई परिवर्तनको मुख्य वहाकको रुपमा स्थापित गर्न ।
ड्ड निष्पक्ष र जनउत्तरदायी न्याय सेवाको पद्धतीको थालनी गर्न ।
ड्ड सूचना सञ्चारको विकास एवम् पहुँच विस्तार गर्न ।
ड्ड सबै गाउँपालिकामा बैंक स्थापना गर्न ।
ड्ड अपाङ्गता भएका व्यक्तिहरुका लागि अवसरको प्राथमिकता निर्धारण गर्न ।

You may also like