वाइसिएल नेपाल माडी गाउँपालिका २ नं.वडा घर्तिगाउँ रोल्पा कमिटीको भेला सम्पन्न
२ असोज, लिबाङ ।
नेकपा (माओवादी केन्द्र) निकट युवा संगठन वाइसिएल नेपाल माडी गाउँपालिका २ नं. वडा घर्तिगाउँ रोल्पा कमिटीको वडा भेला आज घर्तिगाउँमा सम्पन्न भएको छ ।
उक्त कार्यक्रमको प्रमुख अतिथि नेकपा (माओवादी केन्द्र) माडी गाउँपालि कमिटी रोल्पाका इञ्चार्ज शेर बहादुर बुढामगर, नेकपा (माओवादी केन्द्र) माडी गाउँपालिका कमिटी रोल्पाका अध्यक्ष अमरसिंह घर्तीमगर, सोही पार्टीको माडी गाउँपालिका कमिटी २ नंं. वडा कमिटी इञ्चार्ज ललित घर्तीमगर, गाउँपालिका कमिटी सदस्य मधुसुधन बुढामगर, २ नं. वडा कमिटीको सचिव कमल घर्तीमगर, वाइसिएल नेपाल माडी गाउँपालिका कमिटी संयोजक दिपेन्द्र घर्तीमगर लगायतको आतिथ्यता थियो ।
भेलाले मनोज बुढामगरको संयोजकत्वमा ५५ सदस्यीय वाइसिएल वडा कमिटी गठन समेत गरेको आयोजकले बताएको छ । मनोज बुढामगरको अध्यक्षतामा सम्पन्न वडा भेलाको सञ्चालन वडा कमिटी इञ्चार्ज लालबीर घर्तीमगरले गर्नुभएको थियो भने स्वागत वाइसिएलका वडा सह इञ्चार्ज प्रेम बि.क.ले गर्नुभएको थियो ।
