‘केपी शर्मा ओलीले माओवादी आन्दोलनलाई सखाप पार्नका लागि मात्रै एकता गरेका हुन्’ स्थायी समिति सदस्य कृष्णबहादुर महरा

मानसिंह विश्वकर्माा
बैशाख २ रोल्पा लिबाङ

नेकपा (माओवादी केन्द्र) का स्थायी समिति सदस्य एवं संघीय सांसद कृष्णबहादुर महराले कृष्णबहादुर महराले पार्टी एकता हतारमा गर्नुभन्दा पनि पार्टी एकता मजवुत दीगो रुपमा गर्नुपर्ने बताउँदै केपी शर्मा ओलीले माओवादी आन्दोलन र विचार सखाप पार्नका लागि ठूलो षडयन्त्र गरेको कारण ओलीले हतारमा एकता स्वीकारेको बताउनुभयो ।
नेता कृष्णबहादुर महराले नेपाल कम्युनिष्ट पार्टी (माओवादी केन्द्र) रोल्पाको बैठक तथा प्रशिक्षण कार्यक्रम रोल्पाको लिबाङमा बताउनुभएको हो ।
उहाँले आफ्नो पार्टीलाई युनिफाइड गर्ने, देशभक्त, क्रान्तिकारी शक्तिहरुलाई गोलवन्द गर्दै जानु पर्ने बताउँदै केपी ओलीले माओवादी आन्दोलनलाई सखाप पार्नका लागि पार्टी एकता गर्न ओली सहमत भएको खुलासा गर्नुभयो । उहाँले भन्नुभयोः–“ हामीले वादलसंग पार्टी एकता गर्नका लागि ६ महिना लाग्ने र केपी ओलीसँग गर्नका लागि पार्टीका नेताहरुमा छलफल नै नहुने गरी गर्नु नै गलत थियो, केपी शर्मा ओली माओवादी विचार र आन्दोलनलाई सखाप पार्ने षडयन्त्रमा लागेका थिए त्यसपछि पार्टी एकता हतारमा ओली नै सहमत देखिएका हुन् ।”
पूर्व सभामुख कृष्णबहादुर महराले केपी शर्मा ओलीले परिवर्तन, व्यवस्था, उपलब्धीलाई धरापमा पार्न प्रतिगमन गरेको बताउँदै ओली नेपाली राजनीतिबाट असफल भएको बताउनुभो ।
नेपाली राजनीतिका प्रभावशाली नेताको रुपपमा रहनुभएका महाराले नयाँ सरकार निर्माण एवं केपी शर्मा ओलीलाई हटाउनको लागि केन्द्रीय स्तरमा माओवादी केन्द्र, नेपाली कांग्रेस र जसपासंग निकै घनिभूत रुपमा छलफल चलिरहेको बताउँदै केही दिनमै सकरात्मक रुप लिने बताउनुभयो ।
स्थायी समिति सदस्य महराले केपी शर्मा ओलीले आफ्नै नेतृत्वमा चुनाव गराउने योजनामा रहेका बताउँदै ओलीको नेतृत्वमा चुनावमा जादा देखावटी रुपमा चुनाव गराउने र पडयन्त्रपूर्वक आफ्नो टिमलाई घोषणा गर्ने योजना रहेकाले नेकपा एमाले र ओलीको नेतृत्वमा चुनाव बनाउनु घातक रहेको बताउनुभयो । साथै उहाँले निर्वाचन गराउनु पर्ने भएपछि प्रतिगमनकारी विरुद्धको पार्टीको नेतत्वमा नै गर्नुपर्ने बताउनुभयो ।
रोल्पा एउटा विद्रोहको किल्ला, जनयुद्धको आधार इलाका भएको बताउँदै रोल्पा श्रमजिवी जनताको लागि मुक्तिको जिल्ला र सामन्तवाद र समाराज्यवाद आखामा काडाँको रुपमा भएको टिप्पनी गर्नुभयो । उहाँले भन्नुभयोः–‘रोल्पाको बारेमा वासिङटन, दिल्ली र बेजिङमा समेत चर्चा हुन्छ, त्यसैले रोल्पा अन्तर्राष्ट्रियकरणका रुपमा रोल्पा अगाडि बढेको छ हामीले आफ्नो स्वाभिमान र इतिहास कायम गर्नुपर्दछ सिंगो रोल्पाली एकधिक्का हुनुपर्दछ । ”
उहाँले रोल्पालाई नै तत्कालीन नेकपा (माओवादी) पार्टी हेडक्वाटरले रोल्पालाई छनौट गरे परिवर्तनको आन्दोलनमा पहिलो जिल्ला बनेको रुपमा भूमिका निर्वाह गरेकोले रोल्पाको स्वाभिमान बचाई राख्नु पर्ने बताउनुभयो ।
नेता महाराले नेकपा (माओवादी केन्द्र) ले भनेको समाजवाद सबै मिली उत्पादन गर्ने र सबै मिलेर उपभोग गर्ने नीति रहेको बताउँदै आफ्नो दर्शण अनुसार अगाडि काम गरी जनतालाई वास्तविक समाजवादतिर उन्मुख गराउनु पर्ने बताउनुभयो ।
रोल्पालीका अभिभावको रुपपमा चिनिनुभएका नेता कृष्णबहादुर महराले आफ्नो श्रम र साधान श्रोतको प्रयोग गरी थोरै लगानीबाट पनि धेरै काम गरी जनताको विकासका लागि ध्यान दिनुपर्ने बताउँदै समृद्धि र शुखी रोल्पालीका लागि लाग्नका लागि सबै नेता कार्यकर्तालाई आह्वान गर्नुभयो ।

बैठकमा नेकपा(माओवादी केन्द्र) स्थायी समिति सदस्य वर्षमान पुनमगर, केन्द्रीय समिति सदस्य कुलप्रसाद केसी, केन्द्रीय समिति सदस्य झग्गु प्रसाद सुवेदी, केन्द्रीय समिति सदस्य जोखबहादुर महरा, केन्द्रीय समिति सदस्य दीपेन्द्र कुमार पुनमगर, केन्द्रीय समिति सदस्य जयपुरी घर्तीमगर, केन्द्रीय समिति सदस्य ओनसरी घर्तीमगर, केन्द्रीय समिति सदस्य शुकबहादुर रोका, केन्द्रीय समिति सदस्य तारा घर्तीमगर लगायतको आतिथ्यतामा रहेको थियो ।
कार्यक्रममा रोल्पा नगरपालिका नगरप्रमुख पूर्ण केसी, सुनिलस्मृति गाउँपालिका अध्यक्ष गुणेन्द्र घर्तीमगर, सुनछहरी गाउँपालिका अध्यक्ष आसबहादुर पुनमगर, परिवर्तन गाउँपालिका अध्यक्ष निमकान्त डाँगी, गंगादेव गाउँपालिका अध्यक्ष विरबहादुर खत्री, माडी गाउँपपालिका अध्यक्ष नन्दबहादुर केसी, थबाङ गाउँपालिका अध्यक्ष विरबहादुर घर्तीमगर लगायतले अन्य वडा अध्यक्षहरुले पनि रिपोटिङ राख्नुभएको थियो ।
यस्तै पार्टी संगठनको रिपोटिङको क्रममा रोल्पा नगरपालिका फविन्द्र आचार्य, सुनछहरी गाउँपालिकाबाट धनबहादुर पुन, परिवर्तन गाउँपालिकाबाट सुकबहादुर बुढा, माडी गाउँपालिका अमरसिंह घर्तीमगर, रुन्टी गढीबाट जगत पुनमगर, लुंग्री गाउँपालिका तुलाराम खड्का, थबाङ गाउँपालिबाट रामधन पुन, त्रिवेणी गाउँपालिकाबाट शेरसिंह बन्दी पुरे, रुन्टीगढी गाउँपालिकाबाट ज्ञानु पुनमगर लगायतले रिपोटिङ गर्नुभएको जिल्ला अध्यक्ष सुरेन्द्र घर्ती थापाले बताउनुभयो ।
पहिलो पटक रोल्पा जिल्लामा सरकार प्रमुख, पार्टी प्रमुखहरुलाई एकै स्थानमा राखेर समिक्षा र आगामी योजना निर्माण गर्ने कार्यक्रम रहेको छ ।