मानसिंह विश्वकर्मा
रोल्पा लिबाङ
भाद्र २५ गते
रोल्पाको सुलिचौरमा गोली हानेर मृत्यु भएका २९ वर्षिय रोहित पुनमगरको हत्याको विरोधमा आज रोल्पा जिल्ला बन्द भएको छ । रोल्पा रोल्पा न.पा. १० धबाङका देबबहादुर घर्तीमगरले प्रहार गरेको गोलीबाट पुनमगरको मृत्यु भएपछि विरोध स्वरुप नेपाल तरुणदलले आज बन्दको आयोजना गरेको हो ।
बन्द भएपछि रोल्पाबाट बाहिर जाने र आउने यातायाताका सवारी साधन, बजार सबै बन्द भएका छन् रोल्पा जिल्लाका घर्तीगाउँ, सुलिचौर, होलेरी थबाङ लगायतका सबै बजारहरु बन्द भएका छन् । तरुण दल नेपाल जिल्ला कार्यसमितिले आज ५ बजेबाट मात्रै बन्द खुल्ने जानकारी दिएको छ ।
करिव ५ बजेतिर गरेको ३ राउण्डको गोलीबाट करिव २९ वर्षिय रोहीत पुनमगरको मृत्यु भएको हो । सुनिल स्मृति गाउँपालिका वडा नं. ४ सुलिचौरमा रहेको रेशप्वाइन्ट होटेलमा दुवैे जनारहेका बेलामा विगतदेखिको केही मनमुताव भएपछि होटेलमै गोली हानी हत्या गरेका हुन सक्ने प्रहरी श्रोतले बताएको छ । सुलिचौर इलाका प्रहरी कार्यालय अगाडि नै गोली हानी हत्या भएको हो ।
गोली लागेर मृत्यु हुने रोहित पुनमगर नेपाल तरुणदलका रोल्पा नगर अध्यक्ष समेत रहेका छन् । रोहितपुनमगर केही दिनको भ्रमणपछि सुलिचौरमा आएको र देवबहादुर पनि त्यही सुलिचौरमा भएको बेलामा झडव भएको हो । कि गोली हानेको भन्ने प्रारम्भिक बयानमा देवले आफूलाई केही समूहले आक्रमण गरेको र आफूले प्रतिरक्षाका लागि गोली हानेको मात्रै बयान दिएको जिल्ला प्रहरी कार्यालय रोल्पाले बताएको छ । जिल्ला प्रहरी कार्यालय रोल्पाका प्रहरी प्रमुख दिपक खड्काले केही समयपछि पत्रकार सम्मेलनको आयोजना गरी घटनाको सार्वजनिक गरिने बताउनुभयो ।