दलित आन्दोलनलाई एकताबद्ध गर्न आवश्यक छ केन्द्रीय अध्यक्ष दलजीत श्रीपाली

समाचारदाता, देउखुरी
चैत्र १६ गते

नेपाल दलित मुक्ति मोर्चाका केन्द्रीय समितिका अध्यक्ष दलजित श्रीपालीले माओवादी र समाजवादी आन्दोलन सफल भएपछि मात्रै दलित मुक्तिहरुको मुक्ति हुने बताउँदै सिंगो माओवादी आन्दोलाई सफल बनाउनको लागि सबै दलित समुदाय लाग्नुपर्ने बताउनुभयो । दलित आन्दोलनलाई एकताबद्ध गर्न आवश्यक रहेको बताउनुभयो । अब दलित आन्दोलनलाई एकताबद्ध गरेर सिंगो दलित मुक्तिको सम्भव रहेको बताउनुभयो ।
उहाँले यस्तो कुरा नेपाल दलित मुक्तिमोर्चा लुम्बिनी प्रदेश समितिको तेस्रो पूर्ण बैठकलाई सम्वोधन गर्दै राप्ती उपत्यका देउखुरीमा बताउनुभएको हो । उहाँले नेपाल दलित मुक्ति मोर्चा नेपालले नेपालको दलित आन्दोलनको मुल नेतृत्व गर्दै अगाडी बढिरहेको बताउनुभयो । उहाँले नेपालको दलितमुक्तिको आन्दोलनलाई नयाँ ढंगले उठाउनको लागि राजनीतिक सुझबुझ आवश्यक रहेको बताउनुभयो ।
उहाँले अब आफ्नो जातीय मुक्ति लिएरको ऐजेण्डा लिएर सबै जनताको घरमा जाने जनताको ऐजेण्डाहरुलाई स्थापित गर्नुपर्ने बताउनुभयो । कार्यक्रममा प्रमुख अतिथिका रुपमा बोल्दै माओवादी आन्दोनलन क्रान्तिको भूमि र शान्तिको भूमि लुम्बिनीबाट जातीय विभेदको विरुद्धमा लड्नुपर्ने बताउनुभयो ।
बैठकमा नेपाल कम्युनिष्ट पार्टी (माओवादी केन्द्र) लुम्बिनी प्रदेश समिति अध्यक्ष सुर्दशन बरालले नेपालको राजनीतिक परिवर्तनमा दलित समुदायको ठूलो योगदान रहेको चर्चा गर्दै आगामी दिनमा अझै प्रभावकारी भूमिका निर्वाह गर्नका लागि लाग्नु पर्ने बताउनुभयो । माओवादी आन्दोलनले दलित मुक्ति सम्भव भएको बताउँदै यसलाई अझै बलियो बनाउनुपर्ने बताउनुभयो ।

यस्तै कार्यक्रममा विशिष्ट अतिथ नेकपा (माओवादी केन्द्र) लुम्बिनी प्रदेश समितिका सचिव कृष्ण अधिकारी प्रकाशले लुम्बिनीमा दलितहरुको अधिकारलाई स्थापित गर्नका लागि पार्टीले योगदान गर्ने बताउनुभयो । यस्तै आइसीटी फोरम दलित मुक्तिमोर्चाका केन्द्रीय अध्यक्ष मानसिंह विश्वकर्माले आज भइरहेको सामाजिक विभेदको विरुद्धमा एकधिक्का भएर अगाडी बढ्न अपिल गर्नुभयो ।
बैठकले लुम्बिनी प्रदेश समितिका अध्यक्ष कर्मलाल परियार उपमहासचिवको जिम्मेवारी पाउनुभएकोले गर्दा दुर्गाबहादुर विश्वकर्मालाई अध्यक्षको जिम्मेवारी प्रदान गरेको छ । यस्तै वडा सम्मेलन गर्ने, जिल्ला समन्वय समिति बैठक बसाल्ने, सदस्यताको नविकरण गर्ने लगायतका कामहरु अगाडि बढाउने निर्णय गरेको छ ।
बैठक प्रदेश अध्यक्ष कर्मलाल परियारको अध्यक्षतामा भएको थियो भने सञ्चालन सचिव दुर्गाबहादुर विश्वकर्माले गर्नुभएको थियो ।