लुम्बिनीमा माओवादी केन्द्रका नेता जोखबहादुर महराको नेतृत्वमा सरकार बन्ने सम्भवाना

रोल्पाबाटै मुख्यमन्त्री र मन्त्रीमा पुन समेत हुन सक्ने
मानसिंह विश्वकर्मा
२०८० चैत्र १७ रोल्पा लिबाङ

नेपालको पछिल्लो राजनीतिक समिकरण अनुसार लुम्बिनी प्रदेश सरकारको नेतृत्व नेकपा (माओवादी केन्द्र) ले पाउने निश्चित झै बनेको छ । हालसम्मको छलफल अनुसार माओवादी केन्द्रले लुम्बिनी सरकारको नेतृत्व गर्ने सम्भावना बढेको छ । यदी माओवादी केन्द्रले सरकारको नेतृत्वमा पाएमा रोल्पा निर्वाचन १ (क) बाट निर्वाचित जोखबहादुर महरा मुख्यमन्त्री हुने पक्का भएको छ । उहाँकै नेतृत्वमा बन्ने सरकारमा रोल्पा १ (ख) बाट निर्वार्चित रोल्पा दीपेन्द्र कुमार पुनमगर ‘सिजल’ पनि मन्त्री बन्ने सम्भावना बढेको छ । २३ गते भित्र सरकारको नेतृत्व परिवर्तन हुन सक्ने भएको छ ।
केही दिनदेखि लगातार रुपमा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्ड, एमाले अध्यक्ष केपी शर्मा ओली र एकीकृत समाजवादीका अध्यक्ष माधवकुमार नेपालबीच भइरहेको वार्ता तथा सम्वादको आधारमा लुम्बिनी प्रदेश सरकारको नेतृत्व माओवादीले गर्ने सम्भावना बढेको छ ।
सम्भावित भागबन्डामा लुम्बिनी प्रदेश सरकारको नेतृत्व माओवादी केन्द्रले लिने गरी छफल घनीभुत रुपमा भएको नेकपा (माओवादी केन्द्र) लुम्बिनी संसदीयका नेता जोखबहादुर महराले बताउनुभएको छ । उहाँले भन्नुभयोः“नेकपा (माओवादी केन्द) पार्टी, संसदीय दल, मुख्य नेतृत्वहरु सबैले सरकारको नेतृत्व पार्टीले लिनु पर्दछ भन्ने छ । हालसम्म पार्टीका उच्च नेतृत्वहरुपनि लुम्बिनीमा पार्टीले नै लिनुपर्ने पक्षमा रहेको छ ।” उहाँले भन्नुभयोः–“पार्टीका नेताहरु लाग्नुभएको छ त्यसमात्रै होइन सत्ता समिकरण दल पनि माओवावादी केन्द्रलाई दिनु पर्दछ भन्नेमा सकरात्मक रुपमा रहेको रहनुभएको छ । ”
यस्तै लुम्बिनी प्रदेशका इन्चार्ज एवं नेकपा (माओवादी केन्द) का सचिव चक्रपानी खनाल ‘बलदेव’ ले विहीबार सम्पन्न नेकपा (माओवादी केन्द्र) लुम्बिनी प्रदेश समितिको बैठकमा लुम्बिनीमा माओवादी केन्द्रकै नेतृत्वमा सरकार बन्ने कुरामा कार्यकर्तालाई आश्वस्त हुन अनुरोध गर्नुभयो । उहाँले भन्नुभयोः–“हामीले दुईपटक अरुलाई बनायौँ, हाम्रो पार्टीको नेतृत्वमा नै सरकार बन्दछ, सरकारबाट जनताको जनजिविकाको सवाललाई नयाँ ढंगले सम्वोधन गर्नुपर्दछ । सिंगो लुम्बिनी प्रदेशबासीका जनतालाई समृद्ध बनाउने यात्रामा लाग्न लुम्बिनी प्रदेशका नेता तथा कार्यकर्तालाई आग्रह गर्नुभयो ।
यस्तै बैठकमा नेकपा (माओवादी केन्द्र) का स्थायी समिति सदस्य, लुम्बिनी प्रदेशका सहइन्चार्ज एवं पूर्व मुख्यमन्त्री कुलप्रसाद केसी ‘सोनाम’ले क्रान्तिको आधारभूमीबाट सरकारको नेतृत्व गरी जनताको मागलाई सम्वोधन गर्न आवश्यक रहेको बताउँदै अब सरकार माओवादीकै नेतृत्वमा बन्ने दावी गर्नुभयो ।
प्रदेश निर्वाचनमा २०७९ नेकपा (माओवादी के
न्द्र) र नेपाली कांग्रेसको चुनावी तालमेल एवं सहकार्य भएको थियो । निर्वाचन सकेपछि केन्द्रीय सरकार गठन र राष्ट्रपति निर्वाचनमा कांग्रेससँग केही विषयमा मतभेद भएपछि माओवादी केन्द्रले एमालेसँग सत्ता समिकरण बनाएको थियो । सोही बेलामा पहिलो कार्यकालमा नेकपा एमालेका लिला गिरीलाई नेकपा (माओवादी केन्द्र) को सर्मथनमा सरकारको मुख्यमन्त्री बन्नुभएको थियो । फेरी एमालेसँगको सहकार्य पनि दीगो रुपमा अगाडि बढ्न नसके पछि पछिल्लो पटक नेपाली कांग्रेसका डिल्लीबहादुर चौधरीलाई पनि माओवादी केन्द्रकै समर्थनमा मुख्यमन्त्री बन्नुभएको थियो ।
अब माओवादीकै पालो रहेकोले नेकपा माओवादी केन्द्र लुम्बिनीले आफ्नो पार्टीमा हुने कुरामा ढुक्क देखिएको छ । । प्रधानमन्त्रीका प्रेस सल्लाहकार गोविन्द आचार्यले यही विषयलाई टुङ्गो लगाउनको लागि प्रधानमन्त्र िलागेको बताउनुभयो ।
हालसम्मको छलफलहरुको आधारमा माओवादी केन्द्रले लुम्बिनी प्रदेश पाउने निश्चित बनेको छ । सरकारको नेतृत्वमा संसदीय दलको नेता जोखबहादुर महराले गर्ने पक्का पक्किी बनेको छ । उहाँले नेतृत्व गरेपनि रोल्पाका दीपेन्द्र कुमार पुनमगर पनि सरकारमा सहभागी हुन सक्ने माओवादी केन्द्र लुम्बिनी प्रदेश समितिको श्रोतले बताएको छ । हाल लुम्बिनी प्रदेश सभामा रहनुभएका माओवादी केन्द्रबाट प्रतक्ष्य निर्वाचित सदस्यहरु दाङका इन्द्रजित थारु (भौतिक पूर्वाधार मन्त्री) धनबहादुर मास्की (अर्थमन्त्री) बाँकेका कृष्णा केसी, (शहरी विकास मन्त्री) र जोखबहादु महरा अर्थमन्त्री भइसक्नु भएको छ । यसैगरी पाल्पाका तुतालारा घर्ती (सभामुख) भइ सक्नु भएको छ । अब रोल्पाबाट निर्वाचित दीपेन्द्र कुमार पुनमगर पूर्वी रुकुमबाट निर्वाचित सरुल पुनमगर मात्रै वाँकी रहेको उहाँहरुको सम्भावना बढेको छ । यसमा पार्टीले पठाउने विषयमा व्यापक छलफल भइरहेको समेत बुझिएको छ ।
२०७४ सम्पन्न भएको निर्वाचनबाट रोल्पा १ (क) बाटै निर्वाचित कुलप्रसाद केसीले मुख्यमन्त्री भइ सरकारको नेतृत्व गर्नुभएको थियो भने अहिले पनि रोल्पा १(क) का जोखबहादुर महराले नै नेतृत्व गर्नुहुने भएको छ ।
लुम्बिनीमा कांग्रेस संसदीय दलका नेता डिल्ली चौधरी नेतृत्वको सरकार छ । ८७ सदस्यीय प्रदेशसभामा बहुमतका लागि ४४ सांसद चाहिन्छ । कांग्रेससँग २७ सांसद छन् । राप्रपा (४), लोसपा (३), जनमत (३), जनमोर्चा (१) को समर्थन जुटाउँदा पनि मुख्यमन्त्री चौधरीले बहुमत जुटाउन सक्ने अवस्था छैन ।
एमाले–माओवादी गठबन्धनसँग पनि प्रष्ट बहुमत छैन । एमाले (२९) माओवादी (सभामुख बाहेक ८), जसपा (३) र एकीकृत समाजवादी (१) जोड्दा ४१ हुन्छ । नागरिक उन्मुक्ति पार्टीको समर्थन लिएर सरकार बनाउने एमाले र माओवादी नेताहरुको तयारी छ ।