स्वर्ण पदक बिजेता बीरेन्द्र डाँगी र कास्य पदक बिजेता तेक्वान्दो खेलाडीलाई सम्मान

खुमबहादुर सुनार
फागुन २ गते लिबाङ रोल्पा

रोल्पा त्रिवेणी गाउँपालिका वडा नं. ७ गैरीगाउँमा जन्मनु भएका बिरेन्द्र डाँगीले आफ्नो खर्चमै देशको नाम राख्नको लागि थाइल्याडमा भएको चियाङ माई अन्तर्राष्ट्रिय तेक्वान्दो च्याम्पियन सीप–२०२४ प्रतियोगितामा सहभागी भएर स्वर्ण पदक जित्न सफल तेक्वान्दो खेलाडी वीरेन्द्र डाँगीलाई रोल्पा जिल्ला तेक्वान्दो संघले सम्मान गरेको छ ।
“स्वास्थ्यका लागि खेलकुद, राष्ट्रका लागि खेलकुद” भने मुल नाराका साथ रोल्पा जिल्ला तेक्वान्दो संघले बधाई तथा सम्मान कार्यक्रम सम्पन्न गरेको छ । रोल्पा जिल्ला तेक्वान्दो संघले बुधबार कार्यक्रमको आयोजना गरेर देशका लागि र रोल्पाको लागि स्वर्ण पदक जितेर नेपालको नाम उच्च राख्न सफल खेलाडी दुई खेलाडीहरूलाई सम्मान गरेको छ ।
हाम्रो देश नेपाल अविकसित देशको रूपमा चिनेता पनि अहिले रोल्पालीले विभिन्न खेलकुद क्षेत्रमा भने नेपालमै होस् वा विदेशमा खेलमा सहभागी भएर स्वर्ण पदक र रजक लिएर रोल्पा र देश नै चिनाउने खेलाडीलाई स्थानीय तहमा पनि खेलाडीलाई सम्मान गरे पछि खेलाडीको मनोबल उच्च हुने कार्यक्रम प्रमुख अतिथि जिल्ला समन्वय समितिका उप–प्रमुख कर्मलाल परियारले बताउनुभएको छ । परियारले आफ्नो लक्ष्य बोकेको हुन्छ त्यसैले नै आफ्नो लक्ष्य पूरा गरेको देखिने बताउनुभयो ।
जसरी ९ वटा देशका खेलाडीहरु सहभागी भएको मध्ये उक्त प्रतियोगितामा डाँगीले ५४ केजी तौल समूहहतर्फ स्वर्ण पदक जित्न सफल भएकोमा धुई खेलाडीहरूले रोल्पाको नाम राखेकोमा दुवै खेलाडीलाई बधाई तथा शुभकामना दिनुभएको थियो ।
कार्यक्रम विशिष्ट अतिथि समाजसेवी तथा बुद्धिजीवी कृष्ण घर्तीले जसरी खेलाडीले खेल क्षेत्रबाट अगाडि बढेकोले त्यसैमा स्थानीय सरकारले पनि खेलाडी सम्मान गर्नुपर्ने बताउनुभयो । विरेन्द्र डाँगीले ५४ के.जि. तौल समूहमा स्वर्ण लिएकोमा सम्मान—पत्र सम्मान पत्रले सम्मान गरेको छ । यसैगरी रिमोट झाँकृ मगरले ५१ के.जी. लिएर कास्य लिएर दोस्रो स्थान लिएकालाई जिल्ला तेक्वान्दो संघले सम्मान गरिएको छ ।
कार्यक्रममा जिल्ला खेलकुद विकास समितिका पूर्व अध्यक्ष नेप बहादुर वली, नेपाल पत्रकार महासंघ रोल्पा सस्थापक सभापति काशीराम डाँगी, नेपाल पत्रकार महासंघ रोल्पा पुर्व अध्यक्ष महेश न्यौपाने, लेखापढी कानून व्यावसायी एसोसिएसन जिल्ला समन्वय समिति रोल्पाका संयोजक अर्जुन डाँगी लगायत जिल्ला तेक्वान्दो संघका सदस्य र खेलाडी, समाजसेवी बुद्धिजीवी, खेलप्रेमी, सुरक्षाकर्मी, होटेल व्यवसायीक संघका प्रतिनिधि, पत्रकार लगायतको उपस्थिति रहेको थियो ।
जिल्ला तेक्वान्दो संघ रोल्पाका अध्यक्ष हेमन्त खत्रीको अध्यक्षतामा भएको कार्यक्रम सजिकरण जिल्ला तेक्वान्दो संघ रोल्पा सचिव लोकेन्द्र सेनले गर्नुभएको थियो ।