राेल्पा समाचार जेठ १३ गते बिहीवार
नेपाल रेडक्रस सोसाइटी उपशाखा पोबाङले सुनछहरी गाउँपालिका भित्र कोरोना संक्रमित भएकाहरुको बारेमा टेलीफोन मार्फत सम्पर्क गरि स्वास्थ्य अवस्था बारे जानकारी लिने कार्य भएको छ ।
सुनछहरी गाउँपालिका स्वास्थ्य शाखाको आयोजनामा गाउँपालिकाको केन्द्र पोबाङ, वडा नम्बर ५ कसला, वडा नम्बर ३ बाहिरीगाममा गरिएको एन्टिजेन परिक्षणमा ५३ जनालाई कोरोना पोजेटिभ देखिएको थियो । ती संक्रमितहरुको बारेमा उपशाखा पोबाङले ३५ जनासंग टेलीफोन सम्पर्क गरि संक्रमितहरुको अवस्था बुझि, आवश्यक सल्लाह सुझाव दिनुको साथै उपशाखाले संक्रमितहरुलाई कुनै किसिमको स्वास्थ्य समस्या भएमा स्वास्थ्य संस्थामा सम्पर्क गर्न अनुरोध गरेको छ । परामर्श सहित सुझाव दिइएको र अन्य सहयोग र समन्वयको लागि उपशाखा सभापति खिमबहादुर बिष्टको मोबाईल नम्बर ९८४७९३३९३० मा सम्पर्क गर्न समेत अनुरोध गरिएको उपशाखा सभापति बिष्टले बताए ।
अन्य संक्रमितहरुलाई पनि भोलि सम्पर्क गरि अवस्था बुझ्नुको साथै परामर्श दिने कार्यक्रम रहेको सभापति बिष्टले बताए । साथै संक्रमितहरुको स्वास्थ्य अवस्था सबैजनाको सामान्य रहेको बताईएको छ ।
