१४७ औँ लखन थापा स्मृति दिवस रोल्पामा मनाइयो

समाचारदाता
फागुन २
लिबाङ, रोल्पा

नेपालका प्रथम सहिद लखन थापामगरको १४७ औँ स्मृति दिवस बुधबा। लिबाङ रोल्पामा मनाइएको छ । नेपाल मगर संघ जिल्ला समन्वय समिति रोल्पाको अध्यक्ष देउकला कुमारी घर्तीको अध्यक्षतामा सम्पन्न उक्त कार्यक्रमको प्रमुख अतिथि तथा नेपाल मगर संघ जिल्ला समन्वय समितिको सल्लाहकार खेम बुढामगरको आतिथ्यतामा सम्पन्न भएको थियो ।
स्मृति दिवसको अवसरमा बोल्नु हुँदै प्रमुख अतिथि सल्लाहकार खेम बुढामगरले सहिद लखन थापामगर समुदायको गौरव गर्ने व्यक्ती भएकाले यसलार्ई राज्यले अझै स्वीकार गर्न नसकेको बताउनुभयो । उहाँले भन्नुभयोः–“यो नेपालको निर्माणको बेलादेखि लिएर हरेक कुरामा आफ्नो जातीको योगदान रहेको कुराहरुलाई सम्झेर गौरब गर्ने, गौरबको अनुभूति गर्ने र सो दिनलाई सम्झिने दिन हो ।” “हामीले हाम्रो भावि पुष्टालाई गौरबमय विरासतको गाथा बोध गराउन सक्ने र अब आउने पुस्तासम्मलाई पु¥याउन सक्नुपर्छ यो हाम्रो दायित्व हो ।” उहाले थप्नुभयो ।
प्रमुख अतिथि बुढामगरले १४७ वर्ष अगाडी राणा शासनको बेला राणा शासनको अन्त्यको लागि शैन्य विद्रोह भएको बेलामा लखन थापालाई झुन्ड्याएर हत्या गरेको बताउनुभयो । थापाको हत्या भएको दिनलाई मगर समुदायले सम्झनाको रुपमा यो दिवस मनाउदै आइरहेको छ । यसलाई राज्यले कुनै पनि रुपमा सम्झने र विदा दिने पनि गर्दैन तर पनि मगर जातिहरुको जातिय संगठनहरु स्मृति दिवसको रुपमा सम्झदै मनाईरहेको छन् ।
कार्यक्रममा नेपाल मगर संघ जिल्ला समन्वय समिति रोल्पाका सल्लाहकारहरु कृष्ण घर्तीमगर, श्रीकुमारी रोकामगर, कुम बहादुर पुनमगर, आदिवासी जनजाती पत्रकार महासंघका अध्यक्ष खुविना सुनारी मगर, नेपाल मगर महिला संघका कोषाध्यक्ष भिमा बुढामगर लगाएको आतिथ्यता रहेको थियो ।
लखन थापा स्मृति दिवसको अवसरमा आयोजित उक्त कार्यक्रमको सञ्चालन जिल्ला सचिव स्मृति रोकामगरले गर्नुभएको थियो ।