“शहीदहरुको बलिदानले देश परिवर्तन भएको हो, शहीदहरुलाई अमर बनाउने जिम्मेवारी हाम्रो हो ।” —स्थायी समिति सदस्यः जोखबहादुर महरा

समाचारदाता
मंसिर २३ गते लिबाङ

रोल्पा जिल्ला जनयुद्धको उद्गम स्थल हो , जनयुद्धको समयमा सबैभन्दा बढी बलिदान भएको जिल्ला समेत हो । रोल्पा जिल्लामा शहीद परिवार, घाइते, अपाङ्ग, बन्दी, बेपत्ताहरु भएको जिल्ला हो । १० वर्षे जनयुद्धमा रोल्पा बलिदानको भूमिमा परिणत भएको थियो । त्यही बलिदानको जगबाट संघीय लोकतान्त्रिक गणतन्त्र प्राप्त भएको हो । रोल्पा जिल्लाको उद्योग वाणिज्य संघको हलमा निकै भावकुकता छाएको थियो । कसैको छोरा, कसैको छोरी, कसैको श्रीमति र कसैको आमा बुवाले देश र जनताको लागि बलिदान दिएका थिए । अरु बेलाको कार्यक्रमहरु मुहारमा चम्कीला भए पनि यस कार्यक्रममा भने प्राय सबैको अनुहारमा भावुकता देखिएको थियो । त्यो महान जनयुद्धमा बलिदान गर्ने परिवारहरुको प्रथम भेला थियो । सो ऐतिहासिक प्रथम भेलाका प्रमुख अतिथि नेकपा (माओवादी केन्द्र) रोल्पाका स्थायी समिति सदस्य एवं नेकपा (माओवादी केन्द्र) लुम्बिनी प्रदेश सभा संसदीय दल नेता जोखबहादुर महराले देश र जनताको लागि शहीद हुने ती महान शहीदहरुको योगदानले आज देश परिवर्तन भएकोले गर्दा महान शहीदहरुलाई अमर र स्थापित बनाउने जिम्मेवारी हाम्रो भएको बताउनुभयो । सबैलाई यो परिवर्तनको आन्दोलनलाई गोलबन्द गर्दै समाजतिर अगाडि बढ्नका लागि सबैलाई अपिल गर्नुभयो । उहाँले शहीदहरुको यो देश आमूल परिवर्तन भएकोले शहीदहरुलाई नामहरुबाट सडक, चौतारा, भवन, लगायतको नामाकरण गर्नका लागि समेत अनुरोध गर्नुभयो । रोल्पा जिल्लाका गाउँ गाउँमा शहीदहरुलाई स्थापित गर्नका लगि सबै आम जनतालाई स्थापित गराउन आवश्यक रहेको बताउनुभयो । उहाँले शहीदहरुले बोकेको सपनालाई पूरा गर्नका लागि बाँचेकाहरुका काधमा आएको बताउँदै त्यो सुन्दर सपनालाई साकार बनाउनको लागि सबै लाग्नका लागि अनुरोध गर्नुभयो । साथै उहाँले शहीदको बाटोलाई छोडेर अर्काे वाटो लागेमा शहीदहरुको सपना साकार नहुने बताउनुभयो । उहाँले शहीद परिवारहरुलाई अपमान गर्दै रुवाउन लगाउनेहरुले सपना पूरा गर्न नसक्ने बताउनुभयो । उहाँले नेपालमा सबै माओवादी आन्दोलनलाई र बाम तथा देशभक्तहरुलाई एकीकृत बनाएर लग्नका लागि माओवादी केन्द्रले नै पहल लिनुपर्ने बताउनुभयो । साथै रोल्पा जिल्लालाई आफ्नो आधार किल्ला बनाउनको लागि सबैले फेरी माओवादी केन्द्रलाई साथ दिनका लागि अपिल गर्नुभयो । उहाँले नयाँ नेपाली माटोमा सुहाउँदो नयाँ समाज निर्माणका लागि अगाडि बढाउनको लागि अनुरोध गर्नुभयो । प्रथम जिल्ला भेलालाई सम्वोधन गर्दै नेकपा (माओवादी केन्द्र) का केन्द्रीय सदस्य एवं लुम्बिनी प्रदेश सभा सदस्य दीपेन्द्र कुमार पुनमगरले बलिदान क्रान्तिको उर्जा भएकोले गर्दा शहीदहरुको बलिदानबाट मात्रै क्रान्ति सम्भव भएको बताउनुभयो । उहाँले नेपाली क्रान्तिका नायक प्रचण्डले नै नेपाली जनयुद्धलाई सफल बनाएको र आगामी दिनमा पनि प्रचण्डकै नेतृत्वमा समृद्धि नेपाल बन्ने बताउनुभयो । नेपाली क्रान्तिको वाँकी कार्यभार पुरा गर्नका लागि पनि अझै योगदान आवश्यक रहेको बताउनुभयो । कार्यक्रममा विशिष्ट अतिथि समेत रहनुभएका दीपेन्द्र कुमार पुनमगरले सामाजिक रुपमा अगाडि बढाउँदै सबैलाई गोलबन्द गर्नका लागि अनुरोध गर्नुभयो । उहाँले रोल्पा जिल्लामा बनेको संरचनाहरुलाई आफ्नै सम्पत्तिको रुपमा ग्रहण गर्नका लागि समेत अनुरोध गर्नभयो । रोल्पा जिल्लामा आफ्नो भावना, विचारलाई बचाई राख्नका लागि निरन्तर रुपमा अगाडी बढाउनको लागि अनुरोध गर्नुभयो । आफ्ना नियमित कामहरुलाई व्यवस्थित रुपमा बनाउनको लागि अनुरोध गर्नुभयो । रोल्पा जिल्लाका सबै शहीद परिवार, घाइते अपाङ्ग बन्दी, बेपत्ताहरुलाई गोलबन्द गर्नुपर्ने बताउनुभयो । कार्यक्रममा नेपाल कम्युनिष्ट पार्टीका केन्द्रीय सदस्य एवं रोल्पा नगरपालिकाका नगर प्रमुख सुरेन्द्र थापा घर्तीमगरले नेपालमा महान शहीदहरुको योगदानले नै संघीय लोकतान्त्रिक गणतन्त्र आएको बताउँदै महान शहीदहरुको योगदानले प्राप्त भएको गणतन्त्र उपलब्धीको रक्षा विकास गर्न आवश्यक रहेको बताउनुभयो । उहाँले यसको उपलब्धीको रक्षाको विकासका लागि सबै लाग्न अनुरोध गर्नुभयो । “संघीय लोकतान्त्रिक गणतन्त्र नेपालको आधार, घाइते, अपाङ, बन्दी, र शहीद परिवार भन्ने मुल नाराका साथ शनिबार रोल्पा उद्योग वाणिज्य संघ नेपालको जिल्ला शाखा रोल्पाको प्रथम जिल्ला ऐतिहासिक भेला रोल्पाको लिबाङमा सम्पन्न भएको हो । कार्यक्रममा नेकपा (माओवादी केन्द्र) रोल्पा जिल्ला संगठन समिति रोल्पाका संयोजक पूर्ण केसी, शहीद प्रष्ठिान नेपाल केन्द्रीय समितिका पदाधीकारी सदस्य चित्रम घर्तीमगर (गुलाफ), नेकपा (माओवादी केन्द्र) का प्रदेश समिति सदस्य त्रिपनी बैजाली (हुरी), लगायतले शुभकामना मनव्य दिनुभएको थियो । कार्यक्रममा नेकपा (माओवादी केन्द्र) का केन्द्रीय सल्लाहकार बाबुलाल पुनमगर, प्रदेश समिति सदस्य एवम् प्रेस सेन्टर लुम्बिनी प्रदेश समितिका अध्यक्ष एव नेपाल कम्युनिष्ट पार्टी (माओवादी केन्द्र) प्रदेश समिति सदस्य मानसिंह विश्वकर्मा, नेकपा (माओवादी केन्द्र) का प्रदेश समिति सदस्य एवं माडी गाउँपालिकाका उपाध्यक्ष जुनयामा घर्तीमगर,परिवर्तन गाउँपालिकाका उपाध्पपयक्ष नन्कला घर्तीमगर, प्रदेश समिति सदस्य भानबहादुर घर्तीमगर, नेपाल पत्रकार महासंघ रोल्पा अध्यक्ष नविन लोचनमगर, सुनिलस्मति गाउँपालिका निवर्तमान अध्यक्ष बागमति थापा क्षेत्रीनी लगायतको आतिथ्यता रहेको थियो । शहीद प्रष्तिठान नेपाल जिल्ला शाखा रोल्पाको प्रथम भेलाले अध्यक्ष आसशहादुर पुनमगर, उपाध्यक्ष मौसम रोकामगर, सचिव केशरबहादुर घर्तीमगर, कोषाध्यक्ष देउकला घर्तीमगर, सहसचिव चमेली घर्तीमगर रहनुभएको छ । यस्तै सदस्यमा नमराज रोका मगर, झने घर्तीमगर, भिमबहादुर रोका, देवेन्द्र घर्तीमगर, दिलसरी घर्तीमगर, धनमाली खड्का, खिमबहादुर घर्तीमगर, चन्द्र कुमारी घर्तीमगर लगायत सदस्य रहनुभएको छ । शहीद प्रतिष्ठान रोल्पाको अध्यक्ष आसबहादुर पुनमगरको अध्यक्षतामा भएको थियो भने सञ्चालन सचिव केशरबहादुर घर्तीमगरले गर्नुभएको थियो । स्वागत मनतव्य उपाध्यक्ष मौसम रोकामगरले दिनुभएको थियो ।