रोल्पा अस्पताल रेउघाबाट रिफर एक विरामी वुटवलमा कोरोना पुष्टि
कार्तिक १६ गते
लिबाङ–रोल्पा
रोल्पा अस्पताल रेउघाबाट थप उपचारका लागि वुटवल रिफर भएका करीव ५५ वर्षीय एक पुरुषमा कोरोना भाइरस पोष्टि भएको छ । वुटवलको स्थित एक अस्पताल उपचार भइरहेको छ ।
यस अस्पतालबाट रिफर विरामीको जेण्डेसको उपचारको क्रममा २ हप्तासम्म भर्ना भएको अस्पतालको सूचना अधिकारी एवम् सिनियर अहेव कुल बहादुर डाँगीले बताउनुभयो । अस्पतालबाट रिफर विरामीमा कोरोना भाइरस पुष्टि भएको छ भने विरामीको सहयोगीहरुको अवस्था कस्तो छ जानकारी नआएको उहाँले जानकारी दिनुभयो । विरामीमा कोरोना भाइरस पुष्टि भएपछि अस्पतालमा भाइरस फैलिन सक्छ भनेर थप सहजकता अपनाएको उहाँले जानकारी दिनुभयो । विरामीको उपचारमा सहभागि डाक्टर सहित अन्य स्वास्थ्यकर्मीहरुको होम क्वारेन्टाइनमा रहेको सूचना अधिकारी डाँगीले बताउनुभयो । त्यसैगरी यस अस्पतालमा भर्ना भएका विरामीको उपचारमा सहभागि स्वास्थ्यकर्मीहरुलाई होम क्वारेन्टाइनको व्यवस्था गरी सेवा निरन्तरता तयारी गरेको जिल्ला प्रमुख जिल्ला अधिकारी नरेन्द्र कुमार राना मगरले बताउनुभयो । उहाँले स्वास्थ्यको मापदण्ड पूरा गर्दै अस्पतालबाट प्रदान सबै सेवाहरु सञ्चालन गर्नु सम्बन्धित निकायलाई अनुरोध गर्नुभयो ।
