रोल्पाको पार्टी नयाँ उचाईबाट निर्माण गर्नु पर्दछ’ नेकपा (माओवादी केन्द्र) उपमहासचिव पुन

‘समाचादाता कात्तिक २५ रोल्पा

नेपाल कम्युनिस्ट पार्टी (माओवादी केन्द्र) का उप महासचिब बर्षमान पुनले जनताको जनयुद्धमा निस्वार्थ रुपमा बलिदान दिन तयार रहेकोलेले आफूलाई कुनै स्वार्थ नभएको बताउँदै आगामि दिनमा अझै जनताको सेवामा निश्वासर्थ रुपमा लाग्ने प्रतिबद्ता ब्यक्त गर्नु भयो । साथै रोल्पाको पार्टी निर्माणमा नयाँ उचाईबाट गरिने समेत बताउनुभयो ।
यस्तो कुरा शनिबार नेपाल कम्युपनिष्ट पार्टी (माओवादी केन्द्र) जिल्ला समन्वय समिति रोल्पाको बैठकलाई सम्वोधन गर्दै बताउनुभएको हो । उहाँले आफुलाई नेता बनाउनको लागि शहिदहरुको बलिदान, घाइतेको अपांग र आम जनताको योगदान भएको बताउदै जनताको हित बिपरित कहिल्यै नगर्ने बताउनुभयो
उहाँले रोल्पालाई सिध्याउन र माओवादीलाई सखाप पार्नका लागि ठूलो सडयन्त्र भइरहेकोले यसमा नबहकिनका लागि अनुरोध गर्नुभयो । उहाँले आपूmलाई जनताको पक्षमा काम गर्दै आउँदा अझै जनताको सेवक बन्ने विचार सधै आई रहेको बताउनुभयो ।
अभियानमा मुख्यकुरो आन्तरिक रुपमा रुपान्तरण भएको बताउँदै त्यसका लागि सबैलाई एक हुनका लागि अनुरोध गर्नुभयो । माओवादि केन्द्रको आन्तरिक जीवनमा सुधार आउने बताउनुभयो । उहाँले रोल्पाको विकास निर्माणमा आफूहरुले पहल गरिरहेको बताउनुभो ।
माओवादीहरुलाई कमजोर बनाउनको लागि रोल्पामा बनाउनको लागि विभिन्न नेतृत्वहरुको बीचमा फाटो पार्ने लगायतको कामहरु गरिरहेको बताउँदै रोल्पाको लिडरहरु एकताबद्ध नै रहेको बताउनुभयो । उहाले राजनितिक रुपमा पार्टी बिधान सम्मेन मार्फत सबै बिषयमा टुंगोमा लगाउने समेत बताउनुभयो ।

उहाँले सुनकाण्डको विषयमा जसरी बजारमा आएको आफू लगायत माओवादी नेतृत्वमा लगाएएको आरोप निराधार भएको बताउँदै यदी अझै पनि छानबीन गर्न जरुरी रहेको त्यसमा आफ्नो कुनै संलग्न भएको प्रमाणति भएमा सजायको भागेदार हुने समेत बताउनुभयो ।
उहाँले रोल्पा जिल्लाको विशाल आमसभा पार्टीका अध्यक्ष एवं सम्माननीय प्रधानमन्त्रीको सम्वोधनले रोल्पालाई निकै उत्साहित भएको बताउँदै त्यसका लागि अध्यक्ष प्रचण्ड पनि उत्साहपूर्ण शन्देश लिनुभएको थियो ।
बैठकमा स्थायी समिति सदस्य एवं लुम्बिनी प्रदेशका संसदीय दलका नेता जा जोखबहादुर महराले लुम्बिनीमा मन्त्रीपरिषद विस्तारमा कांग्रेस नै वाधक रहेको बताउनुभयो । उहाँले आफूहरुले निरन्तर लागेको बताउँदै अब विस्तार गर्नका लागि केन्द्रीय रुपमै हल गरि दिनका लागि अनुरोध गर्नुभयो ।
बैठकमा स्थायी समिति सदस्य ओसरी घर्तीमगर, केन्द्रीय सदस्यहरु दीपेन्द्रकुमार पुनमगर, तेजबहादुर वली, सीता आचार्य, बैकल्पिक केन्द्रीय सदस्य सुरेन्द्र थापा घर्तीमगर, गुणेन्द्र घर्तीमगर, आसबहादुर पुनमगर, केन्द्रीय सल्लाकार बाबुलाल पुनमगर लगायतको समेत आतिथ्यता रहेको थियो ।
बैठकमा गाउँपालिकाका संयोजकहरुले रिपोर्ट तथा समीक्षा समेत गर्नुभएको थियो । माओवादीसँग जनता विशेष रुपान्तरण अभियानका रोल्पा जिल्ला इन्चार्ज तथा संयोजक पूर्ण घर्तीमगरको अध्यक्ष्यतामा सम्पन्न भएको थियो भने सञ्चालन जिल्ला संयोजक पूर्ण केसी सञ्चालन गर्नुभएको थियो ।