गजुलमा अझै जातीय विभेद कायम रहेकाले अब कानूनी रुपमै अघि बढ्न केन्द्रीय सदस्य विश्वकर्माको अपिल

रोल्पा समाचार दाता
रोल्पा गजुल
असोज २४ गते

सुनिलस्मृति गाउँपालिका वडा नं. ६ गजुलमा दलितहरुले जातीय छुवाछुत विभेद अझै कायम रहेको गुनासो गर्दै यदि आगामी दिनमा पनि यस्ता छुवाछुत कायम भएमा संयुक्त रुपमा संघर्ष गर्ने बताएका छन् । यस्तो विचार जातीय छुवाछुत विभेदन विरुद्धको अभियानमा सबै एक जुत होआँै, भन्ने मूल नारासहित जातीय छुवाछुत विभेदको विरुद्ध सामूहिक अन्तरक्रिया कार्यक्रममा यस्तो बताएका हुन् ।
जातीय छुवाछुत विभेद अझै कायम रहेकाले सम्पूणर् राजनीतिक पार्टीमा आस्था राख्ने दलितहरुको सामूहिक अन्तरक्रिया कार्यक्रममा आयोजना गरिएको हो ।
रोल्पा जिल्लाको शैक्षिक, राजनीतिक चेतनाको हिसावले निकै विकास भएको मानिस गजुलमा दलित समुदायमाथि हुने विभेद अझै कायम हुनुले दलित समुदायलाई मात्रै चिन्तित बनाएको छैन कि सबै राजनीतिक दल, जनप्रतिनिधी र सामाजिक अभियान्ताहरुलाई चुनौतीको विषय बनेको छ । बुधबार अन्तरक्रिया कार्यक्रममा दलितका सहभागीहरुले अझै पनि दलितहरुलाई जातीय विभेद कायम रहेको प्रतिक्रिया दिएका छन् । जातीय बिभेदको रुपमा बिहे, शुद्ध लगायतमा दुई तीन वटा भान्छा चलाउनुपर्ने बाध्यता रहेको, बाजा बजाउँदा अपहेलित बन्नु पर्ने, दलित समुदायको व्यक्ति विजुलीको मिटर रिडर भएकै कारणले विद्युत मिटर बाहिर सार्नु पर्ने, स्वास्थ्यकर्मी दलित भएकै कारणले घर बाहिरमात्रै उपचार गर्नु पर्ने लगायको विभेद अझै कायम रहेको संयुक्त राजनीतिक दलित संघर्ष समितिका अध्यक्ष संघर्ष विश्वकर्माले बताउनुभएको थियो । उहाँले दलितहरु एककार भएर अगाडि बढ्नु आवश्यक रहेको रहेको बताउनुभयो ।

कार्यक्रमका प्रमुख अतिथि नेपाल दलित मुक्ति मोर्चा नेपालका केन्द्रीय सदस्य, नेपाल पत्रकार महासंघ रोल्पाका पूर्व अध्यक्ष मानसिंह विश्कर्माले दलितहरुको अधिकारका लागि दलित समुदाय एक हुँदै राजनीतिक पार्टी, स्थानीयतह, जनप्रतिनिधीहरु, सामाजिक अभियान्ताको कार्यभार भएको बताउनुभयो । उहाँले जातिय विभेदलाई सामाजिक जघन्य अपराध राज्यले मानि सकेको अवस्थामा अब सबैलाई कानूनी प्रक्रियाबाट अगाडि निर्देशन अपिल गर्नुभएको छ । बिश्वकर्माले
जातीय छुवाछुत विभेदको विरुद्धमा आम सरोकारको विषय बन्न नसकेको बताउँदै दलितहरु अझै पनि भोटव्याङ्कमा मात्रै प्रयोग भइरहेकोले दलितहरुले पनि सोच्नु पर्ने बेला आएको बताउनुभयो ।
यस्तै कार्यक्रममा एवं संयुक्त दलित अधिकार मञ्च रोल्पाका सचिव समेत रहनुभएका विश्वकर्माले सम्पूणर् राजनीतिक दलमा आस्था राख्ने दलित समुदायहरु एक धिक्का भएर पार्टी भित्र संघर्ष गर्नु पर्ने र अधिकारका लागि एक हुनु पर्ने बताउनुभभयो । सबै पार्टीमा आस्था राख्ने दलित समुदायहरुको पीडा एउटै भएकोले गर्दा त्यसको विरुद्धमा सामुहिक भावना र विचार निर्माण गरी अगाडि बढ्नु पर्ने बताउनुभो ।
उहाँले दलित समुदायको मुक्तिका लागि १० वर्षे महान जनयुद्ध एउटा कोसेढुङगा भएको बताउँदै जनयुद्धको बेलामा गरिएएको संघर्षले गर्दा रोल्पामा जातीय विभेद अझै कम भएको सबैलाई जगजाएर भएको बताउनुभयो । उहाँले सबैसँग सहकार्य गर्दै जातीय छुवाछुत विभेद विरुद्धको अभियानलाई प्रभावकारी रुपमा अगाडि बढाउन र जातीय विभेद भएमा कानूनी रुपमा अगाडी बढ्नु पर्ने बताउँदै त्यसका लागि दलित समुदाय नै बढी सचेत हुनुपर्ने बताउनुभयो ।
कार्यक्रममा नेपाल दलित मुक्ति मोर्चाका केन्द्रीय सदस्य तथा सुनिल स्मृति गाउँपालिका कार्यपालिका सदस्य तुलसी सुनार, नेपाल दलित मुक्तिमोर्चाका प्रदेश सचिवालय सदस्य एवं निवर्तमान गाउँ कार्यपालिका सदस्य चन्द्र मरमथानी, नेपाल श्रमिक संगठनका पूर्व अध्यक्ष एवं नेकपा रोल्पा नगरपालिका इन्चार्ज लालबहादुर सि., वडा सदस्य सौमति परियार, नेपाल दलित मुक्ति मोर्चाका अध्यक्ष पूर्व अध्यक्ष खुमबहादुर सुनार लगायतले जातीय छुवाछुतको विषयमा सबै सवेदनशील बन्दै एक भएर लाग्नु पर्ने बताउनुभयो ।
अन्तरक्रिया कार्यक्रममा मोहनलाल परियार, उषा विक, यामु विक, राजबहादुर विक लगायतले वडामा भएका जातीय विभेदको विषयमा आफ्नो रिपोर्ट राख्नु भएको थियो ।
अन्तरक्रिया तथा भेला कार्यक्रममा संघर्ष विश्वकर्माको अध्यक्षतामा १९ सदस्य संयुक्त राजनीतिक दलित संघर्ष समिति समेत निर्वाचित गरेको छ । समितिको पहिलो बैठकबाट सम्पूणर् दलितहरुलाई हुने विभेदको विरुद्धमा सबै सरोकारवालासँग छलफल गरी कानूनी रुपमा अगाडि बढ्ने निणर्य समेत गरेको छ ।