समाचारदाता
भाद्र भाद्र २७ गते
रोल्पा जिल्लामा पहिलो पटक ५० सैयाको अस्पताल भवन निर्माण सम्पन्न भएपछि निर्माण कम्पननीले रोल्पा अस्पताल विकास समितिलाई हस्तारण गरेको छ । मंगलबार रोल्पा अस्पताल विकास समितिका अध्यक्ष फविन्द्र आचार्य लगायतको टिमलाई हस्तातरण गरेको छ ।
रोल्पा जिल्ला अस्पतालको स्तरउन्नतीसँग भवन निर्माण समेत गरेको थियो । रोल्पा अस्पताल नेपाल सरकारकारको संघीय बजेटबाट निर्माण भएको हो । २०७४ असोज ३० गते श्री आशिष, श्री जयन्ती, ड्राइगन जे.भी. काठमाण्डौँले सम्झौता गरेको थियो । सो कम्पनीका २०८० साल जेठ ३२ गतेसम्म सम्झौता मिति रहेको थियो ।
रोल्पा अस्पताल भवन निर्माणका लागि नेपाल सरकार शहरी विकास मन्त्रालय शहरी विकास तथा भवन निर्माण विभाग सघन शहरी भवन आयोजना कार्यालयबाट भ्याट रकमसहित ३५ करोड ६ लाख ९७ हजार २५९ रुपैयाको लागतमा निर्माण भएको हो । रोल्पा अस्पतालमा भवन निर्माणका लागि केही समय काममा गति लिन नसकेपनि पछिल्लो समयमा तिव्रगतिमा काम भएको थियो । निर्माण कम्पनीले समयमा तीव्रगतिमा काम नगर्दा रोल्पाका जनप्रतिनिधी तथा नेताहरुलाई समेत तिव्र दवाव तथा जनगुनासोको पनि चाप परेको थियो । जनप्रतिधिहरु, प्रशासनहरुको पहलमा नै समयमा काम सकिएको थियो । सो भवनमा मुख्य अस्पताल भवन, स्टाफ भवन, क्यान्टीन भवन, जेनेटर भवन, सुरक्षा गार्ड भवन लगायतको रहेको छ ।
सो भवनको उद्घाटन गर्नका लागि प्रधानमन्त्री पुष्पकल दाहाल रेउघा आउनु हुने कार्यक्रम रहेको छ । सो भवन उद्घाटनका लागि प्रधानमन्त्रीको समय मिलाउन आफूले प्रस्ताव गरेको पूर्वमन्त्री एवं संघीय साँसद वर्षमान पुनमगरले जानकारी दिनुभएको हो । संघीय साँसद वर्षमान पुनमगरले प्रधानमन्त्री प्रचण्ड नै लिएर नै रोल्पा अस्पतालको विकासलाई केन्द्रीत गर्न आवश्यक रहेको बताउनुभयो । उहाँले असोज महिनाको दोस्रो सातासम्म उद्घाटन गर्ने जानकारी दिनुभएको थियो ।
यस्तै अस्पताल विकास समितिका अध्यक्ष फविन्द आचार्यले कठिन मेहनतका साथभवन निर्माण कार्य सकिएपछि सबैलाई धन्यवाद समेत दिनुभएको छ । अब केही समयमै सो भवनबाट सेवा सञ्चालन समेत हुने अध्यक्ष आचार्यले जानकारी दिनुभएको छ ।
