टेकम प्रसाद वली
(रोल्पा समाचारदाता)
बैशाख २९ रोल्पा जिनाबाङ
रोल्पाका वडा अध्यक्षहरुमा नयाँ काम गर्दै चर्चा कमाउँदै अगाडि बढिरहेका जलेश केसीले फेरी अर्काे नयाँ काम गरेका छन् । रोल्पाको गंगादेब गाउँपालिका वडा नं ३ का अध्यक्ष जलेश कुमार केसी अहिले आफ्नो वडाभित्रका जेष्ठ नागरिकलाई तिर्थ यात्रामा घुमाउदै छन् । उनले वडा भित्रका रहेका ७५ बर्ष उमेरभित्रका ३८ जना बृद्धबृद्धालाई तिर्थयात्रा गराएका हुन । साथमा उनलाई स्याहार गर्ने परिवारका सदस्य पनि सहयोगि छन् । यसरी बृद्धबृद्धाहरुले जलेशलाई बृद्ध अवस्थामा घुमाएपनि धेरै खुसी भएका छन् ।
हालसम्म अरुलाई मात्रै भ्रमणको परम्परालाई तोड्दै आव २०७५÷०७६ योजना तर्जुमा मार्फत जेष्ठ नागरिकको मागलाई सम्बोधन गर्दै वडा कार्यालयबाट बजेटको ब्यवस्था मिलाएका थिए । बृद्धबृद्धालाई धार्मिक महत्वको विभिन्न स्थानमा घुमाउन ३÷४ दिनसम्मको लागि भन्दै अनुमानित बजेट ३ लाख छुट्याएका थिए । त्यो सुनेपछि वडाका जेष्ठ नागरिकहरुले नगएको तिर्थ सरकारले लग्ने भयो भनेर खुशी भएका थिए । त्यो सपना पुरा गर्नका लागि वडा अध्यक्ष निरन्तर लागेका थिए ।
बैशाख २७, २८ २९ गते अझै जेष्ठ नागरिकको माग भएपछि ३० गतेसम्म भ्रमण गराउने गरी भ्रमणमा निस्किएका छन् । जेष्ठनागरिकहरुलाई यस वर्ष उनले देवघाट, लुम्बिनि, स्वर्गद्वारी र भैरहवामा रहेको अष्ट्रिज फारमको समेत अवलोकन गराए घर फर्काउने उद्देश्य रहेको वडा अध्यक्ष जलेश कुमार केसीले जानकारी दिनुभयो । उनले बृद्धबुद्धालाई भ्रमण गराएर मनको इच्छा पुरा गरि दिने र घर परिवारका जान नसकेका सबैलाई सरकारको तर्फबाट लगेर मनको ढोको पुरा गरि दिने नै भएको बताउनुभयो ।
उनले गरेको यस कामलाई स्थानीय यूवा जमातले सकारात्मक दिदै सामाजिक सन्जालमा बहस समेत चलाएका छन् । अन्य युवाहरुले वडा अध्यक्ष केसीबाट केही सिक्न अरु वडा अध्यक्षलाई सुझाव समेत दिएका छन । उहाँले यस अघि नै आफ्नो वडालाइ एकै प्रकारको हरियो रङ लगाएको घरहरु भएको हरियालि वडा र पूर्ण सरसफाई उन्मुख वडा समेत घोषना गरिसकेका छन् । जनताको मनमा नविझाउने अध्यक्षका रुपमा सबैले चिनेका केसीले थप नयाँ नयाँ काम गर्ने वडावासीलाई जानकारी दिनुभयो ।
