“प्रचण्ड सरकार जनताको हितमा काम गरिरहेको छ ।” –ईन्चार्ज राजबहादुर बुढामगर

रोल्पा समाचारदाता असार १६ लिबाङ, नेपाल कम्युनिस्ट पार्टी (माओवादी केन्द्र) का रोल्पा जिल्ला ईन्चार्ज राजबहादुर बुढाले जनताको मुक्तिका लागि जीवनको बाजी राख्नुभएका जनयुद्धका सर्वाेच्च कमाण्डर प्रचण्डको नेतृत्वको सरकारले जनहितका काम गरिरेहको बताउँदै त्यसका लागि सम्पूर्ण उत्पीडित समुदाय गोलबन्द हुनु पर्ने बताउनुभयो । उहाँले प्रचण्डको नेतृत्वमा रहेको सरकारले भ्रष्टचारी, घुसखोरी, दलालहरुका फाईललाई अगाडि बढाएर जनताको पक्षमा काम गरिरहेको बताउँदै त्यसको सकरात्मक सन्देश आम दलित समुदायमा प्रवाह गर्नका लागि निर्देशन गर्नुभयो ।
यस्तो विचार नेपाल दलित मुक्तिमोर्चा जिल्ला समन्वय समिति रोल्पालाई सम्वोधन गर्दै रोल्पाको लिबाङमा शुक्रबार बताउनुभएको हो । इन्चार्जले बुढामगरले दलित समुदाय यो देशको उत्पीडित समुदाय भएकोले यसको मुक्तिका लागि सिंगो समाजलाई रुपान्तरणको दिशामा अगाडि लग्नु पर्ने बताउनुभयो । उहाँले दलित समुदायको मुक्तिका लागि नेपाल कम्युनिष्ट पार्टी (माओवादी केन्द्र) बाहेक अरुले सही दिशा दिन नसकसेको बताउनुभयो ।
कार्यक्रममा नेपाल कम्युनिष्ट पार्टी (माओवादी केन्द्र) बैकल्पिक केन्द्रीय सदस्य पूर्ण केसीले दलित मोर्चा आधारभूत बर्गको संगठनभएकाले यसलाई पार्टीले पहिलो प्राथमिकताका साथ अगाडि बढाइरहेको बताउँदै आगामी दिनमा समेत पार्टीले भरपुरमात्रामा सहयोग गर्ने बताउनुभयो । यस्तै बैैठकमा केन्द्रीय उपमहासचिव कर्मलाल परियारले दलित मुक्तिमोर्चाको केन्द्रीय बैठकपछि देशैभरी संगठन चलायमा भएको बताउनुभयो । उहाँले रोल्पा जिल्लालाई जसरी भएपनि क्रियाशील बनाई राख्नका लागि सबै लाग्नु पर्ने बताउनुभयो ।
बैठकमा नेपाल दलित मुक्ति मोर्चाका केन्द्रीय सदय तथा रोल्पा जिला इन्चावै मोहवीर विक, केन्द्रीय सदस्य इन्द्रबहादुर सिटिमहर, प्रदेश समिति सदस्य टेकबहादुर सुनार, चन्द्र मरमथानी, रेशम विक, जिल्ला समन्वय समिति सदस्य मिना सुनार लगागायतको आतिथ्यता रहेको थियो ।
बैठक नेपाल दलित मुक्ति मोर्चा केन्द्रीय समिति सदस्य एवं रोल्पा जिल्लाका संयोजक तुलसी सुनारको अध्यक्षतामा सम्पन्न बैठकले जिल्ला संयोजकमा खड्खलाल पात्ध्यौटी, सचिवमा भरत नेपालीलाई चयन गरेको छ । बैठकले सबै पालिकामा कार्यक्रम सञ्चालन गर्ने, आगामी दिनमा दलित संगठनहरुलाई अझै प्रभावकारी रुपमा सञ्चालन गर्ने निर्णय गरेको छ ।