गंगादेव गाउँपालिकालाई नेपाली सेनाद्वारा निर्मित हेलिकप्टर प्याड हस्तान्तरण

रोल्पा समाचारदाता on २०७७ असार २४, बुधबार ०५:०७ गते

गंगादेव गाउँपालिकालाई नेपाली सेनाद्वारा निर्मित हेलिकप्टर प्याड हस्तान्तरण
असार २४ गेत
सुखओडार–रोल्पा

गंगादेव गाउँपालिका रोल्पालाई नेपाली सेनाद्वारा गंगादेव गाउँपालिका रोल्पा सुख्खा ओढारमा निर्माण हेलिकप्टर प्याड हिजो हस्तान्तरण गरिएको छ । प्राकृति विपत्ति र आपतकालीन अवस्थामा पीडितहरुको उद्वार कार्यमा यस गाउँपालिका सहित छिमेकी गाउँपालिकाहरुलाई पनि सहज बन्ने भएको छ ।
यस गाउँपालिका अध्यक्ष विर बहादुर खत्रीले नेपाली सेनाले यो हेलिकप्टर प्याडको निर्माणको कार्य निर्धारित समयमा सम्पन्न गरेको प्रति खद्गदल गण रोल्पा र बजेट बिनियोजन गरेको प्रति आन्तरिक मामिला तथा कानुन मन्त्रालय ५ नं. प्रदेश नेपाल सरकारलाई धन्यवाद व्यक्त गर्नुभएको थियो । उहाँले सेनाले गरेको निर्माणको कामबाट स्थानीयले पनि प्रेरणा लिनु पर्ने बताउनुभयो । खद्गदल गण रोल्पाका सह–सेनानी अमिर लामाले बुझ बोदार्थको भर्पाइ सहित यस गाउँपालिका अध्यक्ष वीर बहादुर खत्रीलाई हेलिकप्टर प्याड निर्माणको फाइल हस्तान्तरण गर्नुभएको हो । प्राकृतिक विपत्ति र आपतकालीन घटनाको उद्वारको लागि हेलिकप्टर प्याड निर्माणको लागि आन्तरिक मामिला तथा कानुन मन्त्रालय ५ नम्बर प्रदेशको ५ लाख बजेट बिनियोजन गरे सङगै जिल्ला प्रशासन कार्यालय रोल्पाले उक्त हेलिप्याड निर्माणको जिम्मा खद्गदल गण रोल्पालाई दिएको थियोे ।

यस कार्यक्रममा गाउँपालिका उपाध्यक्ष रीता घर्ती, निमित्त प्रमुख प्रशासकीय अधिकृत सक्कलदेव यादव, २ नं. अध्यक्ष भुपाल दमाइ, ३ नं. वडा अध्यक्ष जलेश कुमार के.सी. ५ नं. वडा अध्यक्ष मान बहादुर डाँगी, ६ नं. वडा अध्यक्ष वीर बहादुर वली, ७ नं. वडा अध्यक्ष तुल बहादुर घर्ती, गाउँपालिका प्रेस संयोजक अशोक वली परिवर्तन सहित सरोकारवाला निकायहरुहरको उपस्थिति थियो । गाउँपालिकामा पहिलो पटक हेलिकप्टर प्याड निर्माण भएपछि गाउँपालिकाबासीहरुले खुसी व्यक्त गरेका छन् । साथै नेपाली सेनाद्वारा नै जिल्लाका सुनछहरी गाउँपालिकाको पोवाङ, रुन्टीगढी गाउँपालिकाको होलेरी, परिवर्तन गाउँपालिकाको धामाचौर र गङ्गादेव गाउँपालिकाको सुखाओडारमा हेलिकप्टर प्याड निर्माण कार्य सम्पन्न भएका छन् । भने रोल्पा नगरपालिका रोल्पाले हेलिकप्टर प्याड निर्माण गत वर्षनै सम्पन्न गरेको थियो । तर, निर्माण भएको केही समयमा नै भित्किएपछि पुनः यस वर्ष पनि निर्माण कार्य शुरुवात नगरपालिकाले बताएको छ ।