“जनयुद्धको जगमा आएको गणतन्त्रको केपी ओली हत्या गर्दैछन्” पूर्व सभामुख कृष्णबहादुर महरा

मानसिंह विश्वकर्मा/रेशम विश्वकर्मा
गैरीगाउँ टिला/ लिबाङ

–पूर्व सभामुख नै गणनेपाल कम्युनिष्ट पार्टी (नेकपा) का स्थायी समिति सदस्य एवं पूर्व सभामुख कृष्ण बहादुर महराले संघीय गणतन्त्र नेपालको जग जनयुद्ध नै भएको दावी गर्दै आज त्यही गणतन्त्र र परिवर्तनका एजेण्डालाई केपी शर्मा ओलीले हत्या गर्ने प्रयास गरिरहेको बताउनुभयो ।
यस्तो विचार जन साँस्कृतिम महासंघ लुम्बिनी प्रदेशको आयोजनामा रोल्पाको टिलामा भएको महान जनयुद्धको २६ औँ वार्षिकोत्सवलाई सम्वोधन गर्ने क्रमममा बताउनुभएको हो ।
प्रमुख अतिथि कृष्णबहादुृर महराले जनयुद्धलाई कुनै पनि बेला अपमान गरे सैह्य नहुने बताउँदै जनयुद्ध सत्य र जनताको युद्ध भएको बताउँदै भन्नुभयोः– ‘महान जनयुद्वको २६ औं वार्षिक उत्वसको अवसरमा महान शहीदहरुप्रति भावपूर्ण श्रद्वाञ्जली अपर्ण गर्दै महान घाइते, अपाङ्ग योद्वाहरुको सिघ्र स्वास्थ्य लाभको कामना व्यक्त गर्दछु । साथै जनयुद्वको समयमा वेपत्ता पारिएका महान योद्वाहरुको स्वास्थ्य भौतिक अवस्था सार्वजनिकको माग सम्बन्धित निकायलाई गर्दछु । ”
उहाँले रोल्पा एउटा विद्रोह र क्रान्तिको प्रतिक हो त्यसलाई अझै यो बेला सुद्धित गर्दै अगाडि बढ्नु पर्ने बताउँदै भन्नुभयोः–“२१ औं जनवादको कार्य दिशा पारित भएको रोल्पा जिल्ला हो, जनयुद्वको समयमा यस जिल्लामा ऐतिहासक पार्टीको बैठक, तत्कालीन सात राजनीतिक दल र शहीद मार्गको सुरुवात भएको थियो । ”
उहाँले विगतमा रोल्पा जिल्लामा तत्कालीन नेकपा (माओवादी) बाट प्रचण्ड, बाबुराम भट्टराई र आफू सहभागी र तत्कालीन एमालेबाट बामदेव र युवराज ज्ञावलीले वाताका लागि रोल्पाको घर्तीगाउँको लोसेबाङमा पुगेर सहमति गरी अगाडि बढाएको बताउनुभयो ।
उहाँले भन्नुभयो,‘रोल्पा निरन्तर राष्ट्रिय स्वाधिनता र समाजवादको पक्षमा छ । जनयुद्वको बाँकी सपनाहरु पूराको निम्ति रोल्पालीहरुको भूमिका आवश्यक छ । हामी जनयुद्वमा महान सपना बोका थियौं । हामीले जनयुद्वबाट खोजेको के हो ? जनवाद हुँदै समाजवाद हो । र राष्ट्रिय स्वाधिनताको विषय हो । हामी बलिदान गर्न तयारी छौं तर शिर झुकाउँदैनौं ।’
उहाँले नेपालीको बलिदानबाट जारी संघीय लोकतान्त्रिक गणतन्त्र नेपालको संविधानको मर्म विपरित प्रधानमन्त्री खद्क प्रसाद शर्मा ओली अगाडि बढेको बताउनुभयो । ओलीकै कारण समाजवाद उन्मुख राष्ट्र आज प्रतिगनतिर उन्मुख भएकोले यो प्रतिगमनलाई रोक्नु पर्ने आवश्यक औल्याउनुभयो । इतिहासमा प्रतिगमनकारीहरु असफल भएको उहाँले बताउँदै ओली पनि जनताको अगाडि टिक्न नसक्ने उद्घोष गर्नुभयो । हामीले शहीदलाई सम्झनु, शहीद परिवारलाई अभिनन्दन गर्दै छौं ? जनयुद्वको बाँकी कार्यहरु पूरा गर्नु नै भएको प्रमुख अतिथि महराले बताउनुभयो । ओलीले प्रतिनिधिसभा विघटन कदम प्रतिगामी शक्तिहरुलाई सहयोग पुगेपनि पछिल्लो राष्ट्रिय राजनीतिक घट्ना क्रमले विस्तारै जनताको पक्षमा वातावरण सिर्जना भएको उहाँको धारणा थियो । इतिहासमा प्रतिगामी शक्तिहरु अन्तिममा जनतानै विजयको भएको भन्दै ओलीको प्रतिकदम पनि २ महिना नटेक्ने उहाँले उद्घोष गर्नुभयो । पार्टीले जनयुद्वको नछाडेको भन्दै उहाँले जनयुद्वको स्वरुप परिवर्तन गर्दै तत्कालीन नेकपा (एमाले) पार्टीसँग वार्ता भएको थियो ।
यसैगरी नेपाल कम्युनिष्ट पार्टी (नकपा) स्थायी समिति सदस्य एवं लुम्बिनी प्रदेशका इन्चार्ज युवराज ज्ञावलीले देशमा परिवर्तनका लागि जनयुद्धको महत्वपूर्ण योगदान गरहेको चर्चा गर्दै ती विरतापूर्णं इतिहास बोकेको जनयुद्धलाई सबैले सम्मान गर्न सिक्नु पर्ने बताउनुभयो । उहाँले जनयुद्धका सकरात्मक कुराहरुलाई पार्टीले ग्रहण गरी अगाडि बढेर आज देशैभरी जनयुद्ध दिवस मनाई रहेको बताउनुभयो ।
उहाँले यो राजनीतिक परिवर्तनका लागि रोल्पाको ठूलो योगदान गरेको बताउँदै भन्नुभयोः–“ रोल्पा एउटा नेतृत्व निर्माणमा महत्वपूर्ण योगदान गरेको जिल्ला हो, आज उपराष्ट्रपति नन्दबहादुर पुनमगर, दुइवटै सभामुख कृष्णबहादुर महरा र नेपालकै महिला सभामुख ओनसरी घर्तीमगर लगायत नेतृत्वको खानी रहेको छ, त्यसलाई अझै गोलबन्द र एकधिक्का गरेर लग्नुपर्दछ । रोल्पा जिल्ला विकासको सम्भावना बोकेको जिल्ला भएको बताउँदै रोल्पा जिल्ला एक भएर अगाडि बढ्नको लागि अनुरोध गर्नुभयो ।
उहाँले झापा आन्दोलन, जनयुद्ध र जनआन्दोलनमा बलमा केपी शर्मा ओली प्रधानमन्त्रीमा पुगेका आझै त्यही आन्दोलन र वलिदानबाट प्राप्त उपलब्धीको हत्या गरिरहेकोले त्यसका विरुद्धमा लाग्नका लागि सबैलाई अपिल गर्नुभयो । उहाँले शान्ति वार्तामा आफू पनि सहभागि भएकोले त्यसलाई निष्कर्षमा पु¥याएको समेत बताउनुभयो ।
त्यसैगरी कार्यक्रमको विशिष्ट अतिथि लुम्बिनी प्रदेशको आन्तरिक मामिला तथा कानुन मन्त्री कुल प्रसाद के.सी.ले २६ वर्ष पहिले हामीले शान्तिपूर्ण आन्दोलनबाट राजन्त्रात्मक बुहदलीय व्यवस्था अन्त्य गरी गणतन्त्र स्थापनाको निम्ति जनयुद्वको दिशामा अगाडि बढाऔं र जनवादी सरकार स्थापना गर्ने उद्वेश्य सहित जनयुद्व सुरुवात गरेको बताउनुभयो । महान जनयुद्वको जगबाट विभिन्न आन्दोलनका उपलब्धिहरु संघीय लोकतान्त्रिक गणतन्त्र संविधान कार्यन्वयनको चरणमा छौं । विभिन्न चरणमा कम्युनिष्ट पार्टीहरु सरकारको नेतृत्वसहित सरकारमा पुग्ने अवसर पाएका थियौं तर आज जनताले कम्युनिष्ट सरकारले के काम गरे ? भन्ने प्रश्न पनि व्यापक उठेको छ । शान्ति प्रक्रियापछि महान जनयुद्वका भौतिक संरचनाहरु पनि लोपउन्मुख अवस्थामा पुगेको छन् तर जनमुक्ति सेना नेपालको अस्थायी व्यारेक जिर्ण अवस्थामा पुगेको अवस्थामा पाँचौ डिभिजन अन्तर्गत ज्वार स्मृति विग्रेडको व्यारेक आज जनयुद्व राष्ट्रिय स्मृति सङ्ग्रालय बनेको छ । यस सङ्ग्रालयले जनयुद्वको प्रतिनिधि गरेको छ । जनयुद्व सहित अन्य आन्दोलनका उपलब्धिहरुलाई संस्थागत भएको संघीय लोकतान्त्रिक गणतन्त्र संविधानको मर्म विपरित प्रधानमन्त्री खद्क प्रसाद शर्मा ओली अगाडि बढेको भन्दै आपत्ति व्यक्त गर्नुभयो । ओलीको प्रतिकदमको विरोधमा आज मानव सागर उलिएको छ, अब प्रतिगामी ओलीलाई मानव सागरबाट नै असफल बनाउने उद्घोष गर्नुभयो । साथै देश दुर्घटनामा जाने भएकाले त्यसबाट पछाडि हत्नका लागि ओलीलाई अनुरोध गर्नुभयो । केसीले प्रतिगमन कदम समयमा असफल नभएमा संवैधानिक संकटले समस्या निमत्याउने भन्दै ओलीलाई प्रतिगमन कदम सच्याउन समेत सुझाव दिनुभयो ।
यस्तै नेपाल कम्युनिष्ट पार्टी (नेकपा) का केन्द्रीय समिति सदस्य जयपुरी घर्तीमगर, नेपाल कम्युनिष्ट पार्टी (नेकपा) का केन्द्रीय समिति सदस्य एवं लुम्बीनी प्रदेश अध्यक्ष ओनसरी घर्ती, नेपाल कम्युनिष्ट पार्टी (नेकपा) का केन्द्रीय समिति सदस्य एवं रोल्पा जिल्ला इन्चार्ज दिपेन्द्रकुमार पुनमगर, नेपाल कम्युनिष्ट पार्टी (नेकपा) का केन्द्रीय समिति सदस्य दामा शर्मा, नेपाल कम्युनिष्ट पार्टी (नेकपा) का केन्द्रीय समिति सदस्य तारा घर्तीमगर, अखिल नेपाल जनसाँस्कृतिक महासंका केन्द्रीय अध्यक्ष सरल यात्री लगायतले शुभकामना मनतव्य दिनुभएको थियो । साथै कार्यक्रममा नेपाल कम्युनिष्ट पार्टी (नेकपा) जिल्ला अध्यक्ष सुरेन्द्र थापा घर्तीमगर, जनबादी कलाकार सिता आचार्य, कर्ण परियार विद्रोही, एलिना, झन्कार अखिल नेपाल जनसाँस्कृतिम महासंघ कर्णाली प्रदेशका संयोजक भिम कुमाखी लगायत पार्टीका नेता कार्यकर्ताहरुको सहभागि रहेको थियो ।

साथै कार्यक्रममा अखिल नेपाल जनसाँस्कृतिक महासंघ लुम्बिनी प्रदेशका अध्यक्ष प्रगति महराको अध्यक्षतामा भएको थियो भने सञ्चालन झन्कार बुढामगरले गर्नुभएको थियो । साथै कार्यक्रमका सहभागीहरुलाई स्वागत नेपाल कम्युनिष्ट पार्टी (नेकपा) का त्रिवेणी गाउँपालिका सचिव शेरसिंह बन्दीपुरेले गर्नुभएको थियो ।

जनवादी कलाकारहरुले प्रगतिवादी गीतहरु प्रस्तुत गर्नभएको थियो । साथै अखिल नेपाल जनसाँस्कृति संघ कर्णाली प्रदेशका संयोजक भिमकुमाखीको मञ्जिल चुम्ने यात्रा र गंगादेव गाउँपालिकाको अध्यक्ष विरबहादुर खत्रीको कविता निरन्तर कविता संग्रह पनि विमोचन गरिएको थियो । जनयुद्ध दिवशको अवसरमा जनमुक्ति सेनाका व्रिगेड कमाण्डार दिलकुमार पुनमगर (ज्वार) को शालिकमा माल्यार्पण समेत गर्नुभएको थियो ।

राष्ट्रिय युवा संघ नेपालका केन्द्रीय सदस्य जितेन्द्र पुनमगरले व्यवास्थान गर्नुभएको दोसल्ला र सिल्पीङ व्यागले शहीद परिवारहरुलाई अभिनन्दन प्रमुख अतिथिहरुले गर्नुभएको थियो ।

यसैगरी रोल्पाको सुनिलस्मृति गाउँपालिका, थबाङ गाउँपालिका लगायतकोको स्थानमा जनयुद्ध दिवश मनाईएको छ ।