नेपाल र नेपालीको परिवर्तनका लागि (माओवादी केन्द्र) लाई विजयी बनाउनु पर्दछ ।” –उपाध्यक्ष कृष्णबहादुर महरा

“
मानसिंह विश्वकर्मा
भाद्र २० रोल्पा सुलिचौर

नेपाल कम्यनिष्ट पार्टी (माओवादी केन्द्र) का उपाध्यक्ष कृष्णबहादुर महराले हाल पनि माओवादी आन्दोलन र माओवादी नेतृत्वलाई देशी विदेशीहरुको घेराबन्दी भएको बताउँदै त्यसको विरुद्धमा सबै माओवादी आन्दोलनका शक्तिहरुलाई केन्द्रीत गर्दै अगाडि बढ्नु पर्ने बतताउनुभयो । नेपालको समृद्धिका लागि माओवादी केन्द्रलाई विजयी गराउनु पर्ने बताउनुभयो ।
उहाँले यस्तो विचार नेपाल कम्युनिष्ट पार्टी (माओवादी केन्द्र) रोल्पाले आयोजना गरेको प्रदेश निर्वाचन स्तरीय नेता कार्यकर्ताहरुलाई प्रशिक्षण गर्दै बताउनुभएको हो । उपाध्यक्ष महराले माओवादी केन्द्रकै एजेण्डा र नेतृत्वमा देश अगाडि बढेको बताउँदै प्रतिक्रान्तिकारी टप्कासंग लडेर भए पनि ऐजेण्डालाई स्थापित गर्नका लागि आगामी निर्वाचनमा माओवादी केन्द्रलाई विजय बनाउनका लागि अनिवार्य लाग्नुपर्ने बताउनुभयो ।
उपाध्यक्ष कृष्णबहादुर महराले आगामी मंसिर ४ गते हुने निर्वाचनलाई गठबन्धनलाई विजय बनाएमा मात्रै संघीय लोकतान्त्रिक गणतन्त्रलाई सँस्थागत गर्नका गर्नुपर्ने बताउनुभयो । उपाध्यक्षले महाराले नेकपा (माओवादी केन्द्र) को केन्द्रीय महाधिवेशनले पारित गरेको समाजवादी क्रान्तिलाई पुरा गर्नका लागि हरेक माओवादी केन्द्रका नेता कार्यकर्ता लाग्नका लागि निर्देशन दिनुभएको छ ।

कार्यक्रममा स्थायी समिति सदस्य एवं लुम्बिनी प्रदेश सरकारका मुख्यमन्त्री कुलप्रसाद केसीले लुम्बिनी प्रदेश सरकारले रोल्पा जिल्लालाई पहिलो प्राथमिकतामा दिई बजेट प्रदान गरेको बताउनुभयो । उहाँले रोल्पा जिल्लाको आवश्यकता र जनताको आबश्यकता धेरै भएकाले गर्दा सोचेजस्तो विकास हुन नसकको बताउनुभयो । स्थायी समिति सदस्य केसीले रोल्पा जिल्लाबाट फेरी पनि लुम्बिनी प्रदेश सरकारको नेतृत्व गर्न सक्ने उमेद्वार छनौट गर्नका लागि रोल्पा सम्वेदनशील बन्नु पर्ने बताउनुभयो ।
लुम्बिनी प्रदेश सरकारका मुख्यमन्त्री कुलप्रसाद केसीले लुम्बिनी प्रदेशसभा सदस्यमा उमेद्वार हुँदा रोल्पाली जनताको शीर झुुक्ने गरी काम नगर्ने प्रविबद्धता व्यक्त गरेकोमा अब पुरा गरेको स्मरण गर्दै फेरी पनि देश र जनताको सेवा गर्ने व्यक्त गर्नुभयो ।
लुम्बिनी प्रदेश सरकारको नेतृत्व आफैले गरेको बेला लुम्बिनी प्रदेशको नामाकरण, राजधानी स्थापना, लुम्बिनी प्रादेशिक अस्पताल निर्माण, लुम्बिनी प्राविधिक टेक्निकल विश्वविद्यालय खजुरामा स्थापना, रामपुर जिनाबाङ पाटीहाल्नासम्मको सडक निर्माणका गौरवको योजनालाई शुरुवात गरेको बताउनुभयो ।
उहाँले रोल्पा जिल्लाको विकास र समृद्धि गर्नका लागि आगामी दिनमा पनि माओवादी केन्द्रकै उमेद्वारलाई विजयी बनाउनको मंसिर ४ को निर्वाचनमा होमिन आग्रह गर्नुभएको छ ।
यस्तै कार्यक्रममा नेकपा (माओवादी केन्द्र) स्थायी समिति सदस्य जयपुरी घर्तीमगरले रोल्पा जिल्लाको विकास मात्रै भन्दा पनि समग्र देशको विकासका लागि सोच्नु पर्ने बताउनुभयो । उहाँले शिक्षा तथा स्वास्थ्य समितिको सभापति हुँदा ८ वटा ऐन निर्माण गरेको बताउँदै आगामी दिनमा पनि देशकै सेवा गर्ने बताउनुभयो ।
नेता जयपुरी घर्तीमगरले नेपाली जनताको शिक्षा र स्वास्थ्यमा आमूल परिवर्तनका गर्नका लागि नै लागेको बताउँदै फेरी पनि आफूले जनताको सेवामै काम गर्ने प्रतिबद्धता व्यक्त गर्नुभयो ।
राजनीतिक प्रशिक्षण तथा बैठकलाई सम्वोधन गर्दै स्थायी समिति सदस्य जोखबहादुर महराले राजनीतिक कार्यदिशाको आधारमा सबै ठोस हुने भएकोले गर्दा राजनीतिक कार्य दिशा सही भएकाले क्रान्ति सफल भएको बताउँदै आगामी दिनमा पनि माओवादी केन्द्रको कार्य दिशालाई पुरा गर्ने गरी अगाडि बढ्नका लागि निर्देशन दिनुभएको छ ।
बैठकमा सहभागी कार्यकतालाई समाजवादी क्रान्तिको यात्रा पुरा गर्नका निरन्तर क्रान्तिको मैदानमा होमिनु पर्ने चुनौतीलाई सबैको एकताको मात्रै सामना गर्न सकिने बताउनुभयो । स्थायी समिति सदस्य महराले विकास र समृद्धिका लागि राज्यसत्ताको आमूल परिवर्तन गर्नका लागि कार्यकारी राष्ट्रपतिको ऐजेण्डालाई जनताको बीचमा लगेर जानु पर्ने बताउनुभयो ।
बैठकमा पोलिट व्यूरो सदस्य दिपेन्द्र कुमार पुनमगरले रोल्पा जिल्लामा विकास समृद्धिको यात्रामा प्रमुख भूमिका खेलेको बताउँदै आगामी दिनमा पनि माओवादी केन्द्रकै नेतृत्वहरुलाई विजयी बनाउनको लागि कार्यकर्ताहरुलाई निर्देशन दिनुभएको छ । रोल्पा जिल्लाका इन्चार्ज पुनमगरले जनयुद्धमा रोल्पालीले गरेको त्याग र तपस्या बलिदानले मात्रै रोल्पा बनेको बताउँदै फेरी नयाँ गतिका साथ अगाडि बढ्नु पर्ने बताउनुभयो ।
कार्यक्रममा नेकपा (माओवादी केन्द्र) केन्द्रीय सदस्य सीता अचार्य, बैकल्पिक केन्द्रीय सदस्य सुरेन्द्र थापा घर्ती, माओवादी केन्द्र लुम्बिनी प्रदेश कमिटिका उपाध्यक्ष विरबहादुर खत्री लगायतका नेताहरुको आतिथ्यता रहेको थियो ।
नेपाल कम्युनिष्ट पार्टी (माओवादी केन्द्र) का रोल्पाका संयोजक गुणेन्द्र घर्तीमगरको अध्यक्षतामा सम्पन्न बैठकको सञ्चालन सचिव पूर्ण केसीले गर्नुभएको थियो ।
जनयुद्धको उर्वरभुमी मानिएको रोल्पामा नेपाल कम्युनिष्ट पार्टी (माओवादी केन्द्र) रोल्पाले प्रतिनिधिसभा र प्रदेशसभाका लागि उम्मेदवार सिफारिस टुंगो लगाएको छ ।
नेपाल कम्युनिष्ट पार्टीको यही २० गते प्रदेश सभा (क), निर्वाचन क्षेत्र (ख) निर्वाचन क्षेत्रको २१ गते घर्तीगाउँमा र २२ गते जिल्ला समन्वय समिति रोल्पाको लिबाङमा बसेको पार्टीका तर्पmबाट आगामी मंसिर ४ गते हुने प्रतिनिधिसभा र प्रदेशसभाको निर्वाचनका लागि उम्मेदवार टुंगो लागेको हो ।
प्रतिनिधि सभाको प्रत्यक्ष तर्फ नेकपा (माओवादी केन्द्र) का उपाध्यक्ष कृष्णबहादुर महरा, उपमहासचिव वर्षमान पुनमगर, लुम्बिनी प्रदेशका मुख्यमन्त्री कुलप्रसाद केसी, नेकपा (माओवादी केन्द्र) का स्थायी समिति सदस्य जयपुरी घर्ती मगर, स्थायी समिति सदस्य ओनसरी घर्तीमगर र पोलिट व्यूरो सदस्य झक्कुप्रसाद सुवेदीको नाम सिफारिस गरिएको छ भने प्रतिनिधिसभाको समानुपातिक तर्फ तारा घर्तीमगरको एकल नाम सिफारिस गरेको छ । रोल्पामा प्रतिनिधि सभाका लागि एक निर्वाचन क्षेत्रमात्र रहेको छ ।
भाद्र २० गते सुलिचौरमा बसेको संघीय निर्वाचन १ प्रदेश (क) समितिको समितिले सिफारिस गरेको हो । (क) निर्वाचन क्षेत्रका सचिव बीरबहादुर घर्तीमगरको अनुसार प्रदेश सभा (क) मा प्रत्यक्षतर्फ जोखबहादुर महरा, सुकबहादुर वुढामगर, गुणेन्द्र घर्तीमगर र पूर्ण केसीको नाम जिल्ला समन्व समितिमा सिफारिस भएको छ । यसैगरीसमानुपातिकतर्फ आशबहादुर पुन, मिना खड्का र कुष्मा पुनमगरको नाम सिफारिस भएको छ ।

रोल्पा जिल्ला समन्वय समितिको बुधबार वैठक बसेर प्रदेश सभा र प्रतिनिधि सभाको प्रत्यक्ष र समानुपातिकतर्फ सिफारिस गर्ने नेकपा (माओवादी केन्द्र) रोल्पाका अध्यक्ष गुणेन्द्र घर्तीमगर जानकारी दिनु भएको छ ।

यसैगरी २१ गते रोल्पाका प्रदेश सभा (ख) को निर्वाचन क्षेत्रको आयोजनामा भएको बैठकले प्रत्यक्ष तर्फ (वर्णानुक्रम अनुसार)१) कुलप्रसाद केसी, २) दीपेन्द्र कुमार पुनगर, ३) निमकान्त डाँगी, ४) राजबहादुर बुढामगरलाई सिफारिस गरेको छ ।
यसैगरी समानुपातिकतर्फ (वर्णानुक्रम अनुसार) १) गोविन्द पुनमगर, २) घनिकला घर्ती, ३) पूर्णबहादुर दमाई, ४) भक्तबहादुर वली, ५) मानसिंह विश्कर्मा, ६) रामबहादुर वली
७) लालसरी घर्तीमगर, ८) शान्तराज बोहरा, ९) भागीसरा बन्दीपुरे खड्का, १०) हितकुमारी बुढा, ११) त्रिपणी बैजाली, १२) विरबहादुर खत्रीलाई सिफारिस गरेको छ ।
यसै प्रदेश निर्वाचन समितिबाट आएकोलाई जिल्ला सम्वनय समितिले २२ गते बैठक बसेर अन्तिम नामावली सिफारिस गरेका हो । जिल्ला समन्वय समिति रोल्पाका संयोजक गुणेन्द्र घर्तीमगरको अध्यक्षतामा बसेको बैठकले प्रदेशमा सिफारिस गरेका जिल्ला समन्वय समितिका संयोजक गुणेन्द्र घर्तीमगरले बताउनुभएको हो ।