गुरुकुल एक्याडेमी दाङद्वारा रोल्पाका सरोकारवाला निकायसँग शैक्षिक अन्तरक्रिया

गुरुकुल एक्याडेमी दाङद्वारा रोल्पाका सरोकारवाला निकायसँग शैक्षिक अन्तरक्रिया

१९ असोज, लिबाङ ।
गुरुकुल एक्याडेमी दाङद्वारा रोल्पा जिल्लाका सरोकारवाला निकायसँग शैक्षिक अन्तरक्रिया कार्यक्रम आज लिबाङमा सम्पन्न भएको छ ।
कार्यक्रममा बाल कल्याण नमूना माध्यमिक विद्यालय लिबाङ रोल्पाका व्यवस्थापन समिति अध्यक्ष महेश न्यौपानेले गुरुकुल एक्याडेमी दाङद्वारा आयोजित शैक्षिक अन्तरक्रियाले विगतदेखि नै संस्थागत र सामुदायिक विद्यालयहरू बिच बढेको दुरीलाई घटाउन सहयोग पुग्ने बताउनुभयो । सामुदायिक र संस्थागत विद्यालयहरुले शैक्षिक गुणस्तरीय सुधारका महत्वपूर्ण योगदान पु¥याउँदै आएकोले यि विद्यालयको सिकाई नियमित आदन प्रदान गर्न सकिएमा शैक्षिक गुणस्तर सुधारमा टेवा पुग्ने उहाँको धारणा छ ।

रोल्पा जिल्लाको शैक्षिक गुणस्तर सुधारका लागि गुरुकुल एक्याडेमीसँग नियमिति सहकार्य, समन्वय गर्नुपर्ने जोड उहाँले दिनुभयो । जिल्लाका शैक्षिक गुणस्तरीय सुधारमा गुरुकुल एक्याडेमीको भूमिकालाई रोल्पा जिल्लाका विद्यालयहरुले प्रशंसा सहित अनुसरण गर्ने धारणा व्यक्त उहाँले गर्नुभयो । पछिल्लो समयमा सामुदायिक विद्यालय र समुदायिको दुरी बढेको अवस्थामा गुरुकुल एक्याडेमीले जस्तै समुदायलाई विद्यालयसँग जोड्नु पर्ने आवश्यकता उहाँले औल्याउनुभयो ।
कार्यक्रममा बालकल्याण नमूना माध्यमिक विद्यालय लिबाङ रोल्पाका प्रधानाध्यापक मधुसुधन पोख्रेल, तारा माध्यमिक विद्यालय बामरुक रोल्पाका प्रधानाध्यापक ओविलाल महरा, तुल्सि आवासीय माध्यमिक विद्यालय लिबाङ रोल्पाका प्रिन्सिपल डिवी घर्तीमगर, नेपाल पत्रकार महासंघ जिल्ला शाखा रोल्पाका संस्थापक अध्यक्ष काशिराम डाँगी, तुल्सि आवासीय माध्यमिक विद्यालय लिबाङ रोल्पामा कक्षा १० अध्ययनरत जेशिका सेन लगायतका अतिथिहरुले मनतव्य राख्नुभएको थियो ।

वक्ताहरुले शैक्षिक गुणस्तरमा गुरुकुल एक्याडेमीले महत्वपूर्ण भूमिकालाई प्रशंसा सहित अनुसरण गर्नुपर्ने धारणा व्यक्त गर्नुभएको थियो । शिक्षण विधि परम्परागतशैलिमा पठ्याक्रममा तय भएका विषयवस्तुलाई मात्र अध्यापन गराउँदा विद्यार्थीमा सार्वङ्गीन विकास नहुने भएकोले शिक्षा सँगसँगै संसकार र संस्कृतिलाई पनि प्राथमिकता दिन सकिए मात्र विद्यार्थी सक्षम बन्न सक्ने वक्ताहरुले जोडले दिनुभयो । जिल्लाको शैक्षिक गुणस्तर सुधारका लागि रोल्पा जिल्ला स्थित बालकल्याण नमूना माध्यमिक विद्यालय लिबाङ, तारा माध्यमिक विद्यालय बामरुक, तुल्सि आवासीय माध्यमिक विद्यालय लिबाङ, होलिभिजन आवासीय माध्यमिक विद्यालय लिबाङ र व्राइट फ्युचर आवासीय माध्यमिक विद्यालय लिबाङ रोल्पासँग सहकार्यका लागि एक्याडेमीले छनोट गरेको भन्दै वक्ताहरुले धन्यवाद व्यक्त गर्नुभएको थियो ।

एक्याडेमीको गतिविधिहरुको बारेमा एक्याडमीका भ्वाइस प्रिन्सिपल मुकुन्द गिरीले गर्नुभएको थियो । उहाँले अन्य शैक्षिक संस्थाहरुभन्दा फरक उद्वेश्य अनुसार शिक्षा, संस्कार र संस्कृतिलाई विशेष जोड दिएर एक्याडेमी सञ्चालन गरेको बताउनभयो । एक्याडेमीले समयको माग अनुसार विभिन्न गतिविधिहरू सञ्चालन गर्दै आएको छ । एक्याडेमीसँग सहकार्य गरेका विद्यालयका विद्यार्थीहरुलाई २०८७ सलाको एस.ई.ई. परीक्षार्थीहरुलाई मध्यनजर गर्दै संयुक्त कक्षा सञ्चालन, प्लस टुमा अध्ययनरत विद्यार्थीहरुलाईका लागि नियमिति प्रवेशिका परीक्षाको तयारी, मंसिर महिनादेखि भाइबहिनी मिलन जस्ता महत्वपूर्ण योजनाहरू तय गरेको उहाँको प्रस्तुतीमा प्रस्तुत गर्नुभयो ।

विभिन्न जिल्लाका सामुदायिक तथा संस्थागत विद्यालयहरुको राम्रा पक्षहरू एक्याडेमीले सिकेर शैक्षिक गुणस्तर सुधार गर्ने प्रमुख उद्वेश्य रहेको उहाँले बताउनुभयो । यस जिल्लाबाट एक्याडेमीमा प्लस टुको पहिलो वर्षमा तुल्सि आवासीय माध्यमिक विद्यालयबाट २ जना विद्यार्थीले प्रवेश परीक्षामा उत्तर्ण हुन सफल भएका छन् भने तल्लो कक्षाहरुमा जिल्लाका धेरै विद्यार्थीहरुले अध्ययन गर्दै आएको उहाँले प्रस्तुतीमा तथ्याङ्क प्रस्तुत गर्नुभयो ।
रोल्पा जिल्लाका साझेदारी शैक्षिक संस्थाका शैक्षिक सत्र २०७७ को कक्षा ९ को वार्षिक परीक्षामा प्रथम स्थान ल्याउन सफल छात्राछात्रहरुलाई पुरस्कार समेत एक्याडेमीका भ्वाइस प्रिन्सिपल मुकुन्द गिरीले हस्तारण गर्नुभएको थियो । जुन पुरस्कारले अध्ययनमा थप प्रेत्साहन भएको तुल्सि आवासीय माध्यमिक विद्यालय लिबाङ रोल्पाका कक्षा १०मा अध्ययनरत छात्रा जेशिका सेनको धारणा छ । साथै एक्याडेमीको शैक्षिक अभियानमा सहकार्यमा साथ सहयोगी भूमिका निर्वाह गरेको भन्दै बालकल्याण नमुना माध्यमिक विद्यालय लिबाङ, तारा माध्यमिक विद्यालय बामरुक, तुल्सि आवासीय माध्यमिक विद्यालयलाई मायाको चिनो एक्याडेमीका भ्वाइस प्रिन्सिपल मुकुन्द गिरीले प्रदान गर्नुभएको थियो । कार्यक्रम एक्याडेमीका भ्वाइस प्रिन्सिपल मुकुन्द गिरीको अध्यक्षमा सम्पन्न कार्यक्रमको सञ्चालन इमानन्द गैरेले गर्नुभएको थियो ।