फुलिवन नमूना वस्तीमा पहिरोले २ घर बगायो, अन्य घर पनि उच्च जोखिम

रोल्पा समाचारदाता on २०७८ भाद्र ५, शनिबार ११:२५ गते

This image has an empty alt attribute; its file name is p7-2.jpg

जुनिश कुमार विष्ट
५ भाद्र पोबाङ– रोल्पा ।
सुनछहरी गाउँपालिका १ सेरमको फुलिवन नमुना बस्ती पहिरोले दुई घर बगाएको छ भने दुई वटा घरमा आंशिक क्षति पु¥याएको छ ।

This image has an empty alt attribute; its file name is p4-1.jpg

नमूना बस्तीको ५ घर पहिरोको उच्च जोखिममा रहेको इलाका प्रहरी कार्यालय पोबाङका इञ्चार्ज सुर्यलाल गुरुङले बताउनुभयो । गए राती गएको पहिरोले मानवीय क्षति भने भएको छैन । स्थानीय रणबहादुर घर्तीमगर र तेकमला घर्तीको घर पहिरोले बगाएको छ । आंशिक क्षति हुनेमा गजमा घर्ती र मनपुरा घर्तीको रहेको छ भने जोखिममा दिलबहादुर घर्ती, चिमा घर्ती, धनमाला घर्ती, विजयी घर्ती र दलबहादुर घर्तीको घर रहेको उहाँले जानकारी दिनुभयो ।

This image has an empty alt attribute; its file name is p3-1.jpg

गाउँपालिकाले शनिबार पहिरो प्रभावित परिवारलाई गैर खाध सामाग्रीहरू वितरण गरेको गाउँपालिका प्रमुख प्रशासकीय अधिकृत वीर बहादुर पुनले बताउनु भयो । पीडितहरुको क्षति पुर्तिको लागि तत्काल प्रदेश सरकार, जिल्ला प्रशासन कार्यालय र गाउँपालिका विपद् व्यवस्थापन समितिमा पहल गर्ने बताउनुभयो ।
पहिरोबाट विस्थापित ४ घरलाई गैर खाद्यन्न सामाग्री हस्तान्तरणको क्रममा वडा नम्बर १ सेरमका अध्यक्ष महावीर रानाले पुर्ण क्षति भएको घरका सामाग्री लगाएर जोखिम घरका सामाग्री र जोखिम भएको घरमा मानिसहरु नबस्न अनुरोध गर्नुभयो । साथै विस्थापित परिवारलाई बस्नको व्यवस्थापनको काम भैरहेको उहाँको भनाइ छ ।

आर्थिक वर्षमा २०७६÷२०७७ मा लुम्बिनी प्रदेश सरकारको आर्थिक सहयोगमा फुलिवन वस्तिका ४० घर परिवारलाई स्थानान्तरण गरि नमुना बस्तीको रुपमा विकास गर्दै गर्दा नमुना बस्तीनै पहिरोले बगाएपछि गाउँपालिका अध्यक्ष आशबहादुर पुन पनि निकै दुःखित भएको बताउनुभयो । पहिरो पीडितहरुको राहतको लागि तत्कालै मुचुल्क बनाई अगाडि बढाउने र गाउँपालिकाले आवश्यक बसोबासको प्रबन्ध मिलाउनुको साथै पुर्नबासको लागि प्रक्रिया अगाडि बढाउने बताउनुभयो । सुरक्षित मानिएको स्थान रोजेर घर बनाईयो । तर, अहिले यहाँ पनि पहिरोले घर बगाएपछि आफु निकै दुःखित भएको पहिरो पीडित रणबहादुर घर्तीमगर गुनासो व्यक्त गर्नुभयो । घर निर्माण गर्दा ऋण लागेको र अहिलेसम्म पनि तिर्न नसकेको ऋण भन्दा पहिले घर नै पहिरोले बगाई दिँदा दःुखि भएको पीडित तेकमला घर्तीमगरको भनाइ छ । साथै पहिरोको कारण सेरम, उवा लगाएत थबाङ जाने सडक खण्डहरू समेत अवरुद्व भएका छन् ।