रोल्पा समाचारदाता
जेठ १२ गते लिबाङ
नेपाल पत्रकार महासंघका केन्द्रीय अध्यक्ष विपुल पोख्रेल सवार रहेको गाडी दुर्घटनामा परेको छ। दाङ्ग तुलसीपुर उद्योग बाणिज्य संघ जाने सडक चोकमा रा १ च ९५५ नम्बरको स्कारपियोले प्रदेश ३–०१०२२ च ९२२६ नम्बरको कारलाई ठक्कर दिंदा केन्द्रिय अध्यक्ष संगै सवार रहेका नेपाल पत्रकार महासंघ दाङका पूर्व अध्यक्ष सुदिप गौतम घाइते भएका छन ।
गौतमको टाउकोमा चोट लागेको छ । गौतमको राप्ती प्रादेशिक अस्पताल तुलसीपुरमा उपचार भइरहेको ईलाका प्रहरी कार्यालय तुलसीपुरका डिएसपी शिवबहादुर सिंहले जानकारी दिए । घटना पश्चात् रोल्पा समाचार अनलाईन संग कुरा गर्दै केन्द्रीय अध्यक्ष विपुल पाख्रेलले आफूहरु अन्य सबै जना सकुलशल रहेको बताउनुभयो । उहाँले ठूलो दुर्घटनाबाट बचेको प्रतिक्रिया दिनुभएको छ ।
कारमा नेपाल पत्रकार महासंघका केन्द्रीय अध्यक्ष विपुल पोख्रेल, नेपाल पत्रकार महासंघ दाङका अध्यक्ष दुर्गालाल केसी, उपाध्यक्ष सन्तोष सुवेदी लगाएतको टोली सवार रहेको थियो । पत्रकारको टोली नेपाल पत्रकार महासंघ दाङका साधारण सदस्य हेमन्त शर्मालाई भेटेर फर्किदै थियो । ठक्कर दिने गाडीलाई ईलाका प्रहरी कार्यालय तुलसीपुरमा राखिएको छ ।