रोल्पामा पनि मास्क प्रयोग नगर्नेलाई सङ्क्रमण रोग ऐन अनुसार कारवाहीको तयारी
चैत्र १३ गते
जिल्ला प्रशासन कार्यालय रोल्पाद्वारा छिमेकी मुलक भारतमा कोरोना भाइरस १९ का सङ्क्रमण दर र मृत्यु दर दैनिक वृद्धि भइरहेको समयमा सर्तकता अपनाउन आज जनहितमा एक सूचना जारी गर्दै घर बाहिर निस्कदा मास्क प्रयोग नगर्नेलाई सङ्क्रमण रोग ऐन अनुसार कारवाही गर्ने सूचना जारी भएको छ ।
प्रमुख जिल्ला अधिकारी नरेन्द्र कुमार रानामगरद्वारा हस्ताक्षर सूचनामा घर बाहिर निस्कदा अनिवार्य रुपमा मास्कको प्रयोग गर्ने÷गराउने, व्यवसाय÷उपभोक्ता÷ग्राहकहरुले सामाजिक दुरी कायम गर्ने, मास्क लगाउने, सेनिटाइजर प्रयोग गर्ने जस्ता जनस्वास्थ्य सम्बन्धि मापदण्को अनिवार्य रुपमा प्रयोग गर्ने÷गराउने, गोष्ठी, तालिम, सेमिनार, पाटी प्यालेस, मनरोञ्जन जस्ता जमघट हुने कार्य गर्दा सामाजिक दुरी कायम गरी जनस्वास्थ्यको मापदण्डको अनिवार्य पालना गर्ने÷गराउने र मास्क नलाउनेलाई सङ्क्रमण रोग ऐन बमोजिम कारवाही समेत प्रशासन कार्यालयले सम्बन्धित निकायलाई निर्देशन समेत गरेको छ । पछिल्लो समयमा छिमेकी मुलक भारत र ठूला शहरमा कोरोना भाइरसको सङ्क्रमण र मृत्यु दर दैनिक वृद्धि भइरकेकोले प्रत्येक नागरिक आफ्नो ठाउँमा सजक बन्न जरुरी छ ।