उत्पीडित समुदाय र परिवर्तनको रक्षाका लागि फेरी लड्न तयार छु, –पूर्व प्रधानमन्त्री पुष्पकमल दाहाल ‘प्रचण्ड’

रोल्पा समाचारदाता
फागुन २९ गते, बुटवल

पूर्व प्रधानन्त्री पुष्पकमले दाहाल ‘प्रचण्ड’ आफू परिवर्तनको आन्दोलनको नेतृत्व गरी निरन्तर उत्पीडित दलित समुदायको लागि मुक्तिकका लागि अगाडि बढेको कारणले हाल परिवर्तनको हत्या हुन र आफूलाई चौतर्फी घेरा बन्दी भएको बताउँदै फेरी आफू परिवर्तन र उत्पीडित समुदायहरुको लागि लड्न तयार रहेको बताउनुभयो ।
यस्तो विचार राष्ट्रिय दलित पत्रकार संघ, नेपालको प्रथम महाधिवेशन उद्घाटन गर्दै शुक्रबार बुटवलमा बताउनुभएको हो ।
उहाँले नेपालमा दलित समुदाय नै सबैभन्दा बढी उत्पीडित समुदाय भएको बताउँदै आफूले उत्पीडित समुदायको मुक्तिका लागि आन्दोलनको नेतृत्व गरेको बताउँदै त्यस आन्दोलनले दलित समुदायहको मुक्तिको बाटो कोरेको बताउनुभयो ।
नेपाल कम्युनिष्ट पार्र्टी (माओवादी केन्द्र) का अध्यक्ष समेत रहनुभएका दाहालले भन्नुभयोः“हजारौँ हजार बलिदानबाट प्राप्त उपलब्धीको हत्या गर्ने, तानाशाह बन्ने, संघीय लोकतान्त्रिक गणतन्त्र र संविधानको हत्या हुने भयो भने त्यसका विरुद्धमा नेपाली जनता र दलित समुदायको मुक्तिका फेरी लडने बेला आएको छ, त्यसमा आन्दोलनको नेतृत्व मैले गर्नेछु तपाईहरुले पनि साथ दिनुपर्दछ होइन भने हाम्रो उपलब्धी गुम्ने छ ” । प्रचण्डले जीवनको धेरै समय उत्पीडित दलित समुदायको हक र अधिकारका लागि लडेको स्मरण गराउँदै बाँकी जीवन पनि निरन्तर लड्ने बताउनुभयो ।
पूर्व प्रधानमन्त्री कमल दाहालले फेरी उपलब्धीहरुलाई सिध्याउने खेल भएमा शान्तिपूर्ण आन्दोल र क्रान्तिको अनिवार्य भएको बताउँदै त्यसको त्यसको नेतृत्व आफुले फेरी गर्ने बताउनुभो ।
उहाँले नेपालका दलित, आदिवासी, जनजाती, महिला, मधेशी समुदायले प्राप्त गरेको हक अधिकारलाई धस्त पार्नका लागि ठूलो सडयन्त्र भइरहेको बताउनुभो । त्यसको विरुद्धमा क्रान्तिको आधिवेशरी सृष्टि गर्नु पर्ने र त्यसका लागि सबै तयार हुनु पर्ने बताउनुभयो ।

उहाँले शान्ति सम्झौतालाई पूर्णनता दिनका लागि परिवर्तनलाई संस्थागत गर्नका लागि आफू र गिरीजा प्रसाद कोइलालाले हस्ताक्षरहरु गरेको स्मरण गर्दै गिरीजा बाबु स्वर्गीय भइसकेको स्मरण गर्दै हस्ताक्षरकर्ताको हैसियतले अझै वाँकी रहेको बताउनुभयो । परिवर्तनलाई उल्याउने कसरतमा लागेको बताउँदै उहाँले परिवर्तनको ऐजेण्डा लिएको आफूलाई देश भित्र र बाहिरका प्रतिगामी तत्वहरु लागेर घेरा बन्दी गरेको बताउनुभयो । आफूलाई चौतर्फी घेराबन्दी भइरहेकोको बताउँदै त्यसको विरुद्धमा लाग्नका लागि अपिल गर्नुभयो ।
उहाँले संसद पुनस्थापर्ना भएपछि संविधान र नेपाली जनताको जीवन भएको बताउँदै पछिल्लो चरणमा फेरी देशलाई अध्यारो तिर लग्ने प्रयास प्रतिगामी तत्वहरुले गरिरहेका बताउनुभयो ।
उहाँले दलित समुदायहरुमाथी विगतदेखि राज्यले दमन, उत्पीडन, विभेद भएकै कारणले दलित समुलाईलाई क्षति पूर्ति दिनुपर्ने बताउनुभयो । उहाँले आफ्नो पार्टी आफूले दलित समुदायको विकास र प्रतिनिधित्वको सवालमा आफू निकै सकरात्मक रहेको बताउनुभयो । त्यसका लागि दलित समुदायहरु पनि सशक्त संघर्षमा अगाडि बढ्नका लागि सबैलाई अपिल गर्नुभयो ।
कार्यक्रममा नेपाली कांग्रेसका प्रमुख सचेतक बालकृष्ण खान, राष्ट्रिय जनामोर्चा नेपालका उपाध्यक्ष दुर्गा पौडेल, वरिष्ट पत्रकार बालकृष्ण चापागाई, नेपाल पत्रकार महासंघका सचिव रेम विश्वकर्मा, नेपाल पत्रकार महासंघ केन्द्रीय सदस्य जन्मदेव जैसी, लगायतले शुभकामना मनतव्य राख्नुभयो ।
महाधिवेशनमा अबसरमा ५० हजार नगद पशु सवरी स्मृति पत्रकारिता पुरुस्कार २०७७ बाट नेपाल पत्रकार महासंघ रोल्पाका अध्यक्ष एवं रोल्पा समाचार साप्ताहिकका प्रकाशक एवं सम्पादक तथा सामाचार दैनिक अनलाईनका प्रतिनिधी मानसिंह विश्वकर्मा, ५० हजार नगदको टिआर स्मृतिबाट विश्वकर्मा पत्रकारिता पुरस्कारबाट पत्रकार द्वयकलेन्द्र सेजुवाल, बृजलाल पासवान, १० हजारको नगद देवदत्त स्मृति १० पत्रकारिता पुरुस्कारबाट बुटवलका मिना दकाल, १० हजार नगद राशीको राममायाँ च्यामे लोक पुरस्कारबाट नेपाल पत्रकार महासंघको पूर्व सभापति विष्णु निष्ठुरी, १० हजार राशीको राम सविन सामाजिक मर्यादा पुरुस्कारबाट गुल्मीका प्रेम सुनुवार सम्मानित हुनुभएको थियो ।
पर्शु सवरी पत्रकारिता पुरुस्कारबाट सम्मानित नेपाल पत्रकार महासंघ रोल्पा शाखाका अध्यक्ष एवं रोल्पा समाचार साप्ताहिकका प्रकाशक सम्पादकले आफूले पाएको रु. ५० हजार नगद र आफुले ५० हजार थपेर १ लाखको अक्षयकोको स्थापना गरी संघीय लोकतान्त्रिक गणतान्त्रिक नेपालका प्रथम शहीद दिलबहादुर स्मृति पत्रकारिता पुरुस्वकार घोषणा गर्नुभएको छ । विश्वकर्माको यो कार्यलाई आयोजकले उच्च प्रंशसा गरेको छ ।
देशभरीबाट करिव ५ सय प्रतिनिधी पर्यवेक्षकहरुको सहभागी रहेको प्रथम राष्ट्रिय दलित पत्रकार संघको प्रथम महाधिवेशनको उद्घाटन सत्र अध्यक्ष विनोद पहाडीको अध्यक्षतामा भएको थियो भने महसचिव लक्ष्मण दर्नालले सञ्चालन गर्नुभएको थियो ।
शुक्रबार उदघाटन शत्र सकिएपछि साँस्कृतिक साझ भएको थियो । शनिबार बन्द शत्र चलिरहेको छ । यो समाचार तयार पार्दासम्म बन्दसत्र चलिरहेको छ । केन्द्रीय समितिको निर्वाचन समेत सम्पन्न हुनेछ ।