सुनछहरी गाउँपालिकामा ४५ दिने हाउस वायरिङ तालिमको उद्घाटन
जुनिस कुमार बिष्ट
पुष १० गते (जेल्बाङ–रोल्पा)
रोल्पा, सुनछहरी गाउँपालिकामा मुख्यमन्त्री ग्रामीण विकास तथा रोजगार कार्यक्रम अन्तर्गत हाउस वायरिङ तालिम आज उद्घाटन भएको छ ।
यस कार्यक्रमको प्रमुख अतिथि गाउँपालिका अध्यक्ष आशबहादुर पुनले जिल्लामा विद्युतिकरणको अभियान तीव्र रुपमा सञ्चालन भैरहेको अवस्थामा हाउस वायरिङ तालिमबाट स्वरोजगार एवम् सञ्चालनका लागि हाउस वायरिङले थप सहयोग पुग्ने विश्वास व्यक्त गर्नुभयो । यस गाउँपालिकामा पनि विद्युत उपभोक्ताहरु बढ्दो क्रममा भएका हुँदा आफ्नै ठाउँमा व्यवसायी सञ्चालन गर्ने वातावरण सिर्जना भएको हुँदा तालिममा सहभागीहरुलाई सक्रिय सहभागी बन्न अनुरोध गर्नुभयो । साथै गाउँपालिका निमित्त प्रमुख प्रशासकीय अधिकृत सुनबहादुर पुन, मुख्यमन्त्री ग्रामीण विकास तथा रोजगार कार्यक्रमका गाउँपालिका स्तरीय छनोट समिति सदस्य चन्द्र बहादुर बुढामगर, ७ नं. वडा सदस्य राज रोका, पत्रकार जुनिस कुमार विष्ट, गाउँपालिका आन्तरिक लेखापरीक्षक मित्रमणी पौडेल, ७ नं. वडा सचिव छबिलाल महरा, प्रशिक्षक राज विक्रम राम्जालीको आतिथ्यता थियो । यो तालिम ४५ दिनसम्म चल्ने कार्यक्रमको प्रशिक्षण राज विक्रम राम्जाली मगरले सहजिकरण गर्नुभएको छ । तालिममा १४ जना प्रशिक्षार्थी सहभागी सामाजिक विकास शाखाका अधिकृत पौडेलले जानकारी दिनुभयो । सहभागी प्रशिक्षार्थीहरुलाई तालिममा आवश्यक पर्ने दश प्रकारका सामाग्रीहरु गाउँपालिका अध्यक्ष आशबहादुर पुन सहित अन्य अतिथिहरुले हस्तारण गर्नुभएको थियो । ७ नं. वडा अध्यक्ष टिकाबहादुर बुढामगरको अध्यक्षतामा सम्पन्न कार्यक्रमको सञ्चालन सामाजिक विकास शाखा अधिकृत बलराम पौडेलले गर्नु भएको थियो भने स्वागत स्वागत मन्तव्य मित्रमणी पौडेलले गर्नुभएको थियो ।