–लुम्बिनी प्रदेश सभा सदस्य दिपेन्द्रकुमार पुनमगर
रोल्पा समाचारदाता
मंसिर २१ गते रोल्पा घर्तीगाउँ
लुम्बिनी प्रदेशका सभासदस्य दिपेन्द्र कुमार पुनमगर ‘सिजल’ अब देशलाई प्राविधिक जनशक्ति आवश्यक रहेको बताउँदै देशलाई सम्बृद्ध बनाउने भए कृषि र पशुपालनामा अध्यायपन गराई स्वरोजगारमुखी बनाउने बनाउनु पर्ने धारणा व्यक्त गर्नुभयो ।
यस्तो विचार पश्चि रोल्पाको केन्द्र घर्तीगाउँमा ९देखि १२ कक्षा सम्मको वाली विज्ञान विषयमा अध्ययन हुने प्राविधिक विद्यालयको उद्घाटन गर्दै आइतबार बताउनुएको हो । रोल्पाको पश्चिमी केन्द्र घर्तीगाउँमा नै विद्यार्थीहरुले बाली विज्ञान अध्ययन गर्न पाउने भएका छन् । शिक्षा क्षेत्रको समृद्धिका लागि यस विद्यालयमा अध्यापन गराइने यस विषयले विद्याथीहरुलाई नै थप प्राविधिक बन्न सहयोग गर्नेछ ।
प्रमुख अतिथिले पश्चिम रोल्पामा प्राविधिक शिक्षालाई अझै जनताको घरदैलो सम्म पु¥याउनको लागि आफ्नो पहलमा संघीय सरकार अन्तर्गत शिक्षा मन्त्रालयको मानव श्रोत विकास शाखाले २०७७ सालमा स्वीकृत प्रदान गरेको बताउँदै त्यसको निरन्तरता र दीगोपनासँगै शिक्षामा गुणस्तरीय प्रदान गर्नका लागि अनुरोध गर्नुभयो ।
उहाँले प्राविधिक रुपमा जनशक्ति तयार गरी घर, घरमा स्वारोजगारका रुपमा कृषि पेशालाई बनाएमा मात्रै देशका नागरिक सवल हुने र देश समृद्ध हुने बताउनुभयो । साथै कृषि विषय अध्ययन मात्रै होइन त्यसलाई स्वरोजगारको रुपमा लिनु पर्ने बताउनुभयो ।
कार्यक्रममा गाउँपालिका अध्यक्ष नन्दबहादुर पुनमगरले यस क्षेत्रका विद्यार्थीलाई पनि प्राविधिक रुपमा अध्ययपन गराउनका लागि आफूहरु निकै लागेको बताउनुभयो । अब विद्यार्थीहरुलाई अध्ययन गरी रोजगारको मुखी बनाउनको लागि गाउँपालिका लागेको बताउँदै पश्चिम क्षेत्रका नागरिकहरुलाई अब सहज हुने बताउनुभयो ।
कार्यक्रममा नेपाली कांग्रेस क्षेत्री सभापति गोपाल घर्तीमगर, नेपाल पत्रकार महासंघका दोस्रो कार्याकालका अध्यक्ष महेश न्यौपाने, पूर्व विद्यार्थी मञ्चका अध्यक्ष प्रेम घर्तीमगर लगायत शुभकामना मनतव्य दिनुभएको थियो ।
कार्यक्रम विद्यालय व्यवस्थापन समिति अध्यक्ष विजय घर्तीमगरको अध्यक्षामा भएको कार्यक्रमको सञ्चालन शिक्षक मोहन वलीले चन्द्रप्रकाश वलीले गर्नुभएको थियो । हाल सो विषय अध्ययनका लागि ४८ जना विद्यार्थीहरु भना भएको विद्यार्थीहरु उत्साहित रहेको विद्यालय प्र.अ. कविराज रिजालले बताउनुभयो ।