संघीयता खारेजको माग सहित राष्ट्रिय जनमोर्चा रोल्पाद्वारा विरोध सभा

संघीयता खारेजको माग सहित राष्ट्रिय जनमोर्चा रोल्पाद्वारा विरोध सभा
मंसिर १४ गते
लिबाङ–रोल्पा

“संघीयताको खारेज गरौं”भन्ने मुल नारा सहित कोरोना भाइरस रोकथाम र उपचारमा सरकारको असक्षमता एवम् लापरवाही र भ्रष्टचारकोे विरुद्धमा राष्ट्रिय जनमोर्चा रोल्पाले आज लिबाङमा विरोध सभा सम्पन्न गरेको छ ।
यस सभाको प्रमुख अतिथि अखिल नेपाल युवक संघकको पूर्व केन्द्रीय कासिनाथ प्रोख्रेल, राष्ट्रिय जनमोर्चा लुम्बिनि प्रदेश सदस्य एवम् जिल्ला अध्यक्ष मेघनाथ विष्ट, अखिल नेपाल किसान महासंघ केन्द्रीय सदस्य विवि विष्ट र अखिल छैठौंको केन्द्रीय सदस्य खगेन्द्र विष्ट सहितका अतिथिहरुले सभालाई सम्बोधन गर्नुभएको थियो । सभाको वक्ताहरुले संघीय प्रणाली नै शान्ति र समृद्धको बाधक बनेको धारणा व्यक्त गर्नुभएको थियो । शान्ति र समृद्धको लागि अब संघीय प्रणाली नै खारेज हुनुपर्ने व्यक्ताहरुको जोड थियो । संघीयता खारेजको अभियानमा राष्ट्रिय जनमोर्चा पार्टीलाई साथ सहयोगका लागि व्यक्ताहरुले अपिल गर्नुभएको थियो ।

विरोध सभामा रक्तिम संस्कृति अभियानले पनि संघीयले शान्ति समृद्धमा प्रभावसँग सम्बन्धित नृत्यहरु समेत प्रस्तुत गरेको थियो । रुन्टीगढी गाउँपालिका–९ सखी निबासी नेपाल कम्युनिष्ट पार्टी (नेकपा) कार्यकर्ता गुरु प्रसाद थापाले पार्टी परित्याग गरी राष्ट्रिय जनमोर्चामा प्रवेश गर्नुभएको थियो । सल्लाहकार हस्तमणी पुनको अध्यक्षतामा सम्पन्न विरोध सभाको सञ्चालन अखिल नेपाल युवक संघ रोल्पा जिल्लाको उपाध्यक्ष कृष्णराज वलीले गर्नुभएको थियो ।