रोल्पा समाचार साप्ताहिक पत्रिका १५ औं वर्षको वार्षिक उत्सव अन्तिम चरणमा
कार्तिक २५ गते
लिबाङ–रोल्पा
भोली आयोजित रोल्पा समाचार राष्ट्रिय साप्ताहिक पत्रिकाको १५ औं वार्षिक उत्सवको तयारी पूरा भएको छ । कोरोना भाइरसबाट सुरक्षित रहनका लागि स्वास्थ्य मापदण्डको कार्यान्वय गर्दै वार्षिक उत्सवको तयारी भएको छ ।
लुम्बिनी प्रदेश सभा सदस्य माननीय दीपेन्द्र कुमार पुनको प्रमुख आतिथ्यतामा यस पत्रिकाको भवनमा वार्षिक उत्सव कार्यक्रम आयोजना गरेको प्रकाशक÷सम्पादक मानसिंह विश्वकर्माले बताउनुभयो । पत्रिकाको वार्षिक उत्वस सम्पन्नका लागि बेलुकी सम्पन्न बैठकले विभिन्न निर्णय समेत निर्णय गरेको उहाँले बताउनुभयो । यस पत्रिकामा नियमित विभिन्न विषयवस्तुमा लेखहरु लेख्दै आउनुभएका लेखक लेखमणी खड्का, भुप बहादुर के.सी, पूर्ण बहादुर भण्डारी, साहित्य विधिमा साहित्यकार लोकेन्द्र सेन ‘सिम्पल कान्छा’ र कर्मचारीहरुको तर्फबाट उत्कृष्टि कर्मचारी सर्मिला बि.क.लाई सम्मान गर्ने निर्णय बैठकले गरेको छ । वार्षिक उत्वसमा आमन्त्रित अतिथिहरुलाई पत्रचार भई सकेको छ । तर, सम्बन्धित निकायमा पत्रकार विभिन्न कारणले आई नपुगेको खण्डमा फोनलाई नै आधारिक निमन्त्रणालाई स्वीकार गरि दिनका लागि आमन्त्रित अतिथिहरुलाई उहाँले अनुरोध गर्नुभयो ।
