थबाङमा १५० किलोवाटको सोलार मिनिग्रीड आयोजना निर्माण कार्य अन्तिम चरणमा
कार्तिक २२ गते
लिबाङ–रोल्पा
रोल्पाको थबाङ गाउँपालिका– थबाङमा निर्माणाधिन १५० किलोवाटको सोलार मिनिग्रीड आयोजनाको निर्माण कार्य अन्तिम चरणमा पुगेको छ । यो आयोजना सम्पन्नपछि थबाङ गाउँ उज्यालो बन्ने भएको छ ।
यो आयोजना संघीय सरकार उर्जा, जलस्रोत तथा सिंचाई मन्त्री मानीय वर्षमान पुन ‘अनन्त’ को पहलमा मन्त्रालय अन्तर्गत वैकल्पिक उर्जा प्रबद्र्वन केन्द्रबाट थबाङमा निर्माण हुँदै छ । पुर्व सभामुख ओनसरी घर्तीद्वारा सिलान्यास गरिएको नेपालको सबैभन्दा ठूलो १५० किलोवाटको सोलार मिनिग्रीड आयोजनाको अवलोकन तथा अनुगमन मन्त्रालयको सचिवालयले गरेको छ ।
अबको १ महिनाभित्र आयोजना सम्पन्न भई ऐतिहासिक गाउँ थबाङ गाउँ उज्यालो हुने कुरा अनुगमनमा सहभागी टिमले बताएको छ । यो आयोजना निर्माण कार्य सुरुवातले स्थानीयबासीहरु खुसी व्यक्त गरेका छन् ।