उर्जा मन्त्री पुनमगरद्वारा उपलब्ध राहत ऐपेको पहिरो पीडितलाई हस्तान्तरण
भाद्र ३० गते
लिबाङ–रोल्पा
संघीय सरकार, उर्जा, जलस्रोत तथा सिंचाई मन्त्री वर्षमान पुनमगरद्वारा लुङ्ग्री गाउँपालिका–१ पाङ ऐपेका पहिरो पीडितलाई आइतबार राहत सामाग्री उपलब्ध भएको छ । पीडितलाई दैनिक जीवन यापनमा सहज बन्ने भएको छ ।
नेपाल कम्युनिष्ट पार्टी (नेकपा) लुङ्ग्री गाउँपालिका कमिटी सदस्य लाल बहादुर घर्ती सहित एक टोलले उक्त राहत सामाग्री हस्तान्तरण गरेको छ ।
पीडितलाई पीडितलाई परिवारलाई दुई कुइन्टल चामल, एक पेटी तेल, एक थान त्रिपाल, १५ के.जी. दाल, दुई पाकेट स्वीबन, नुन १० के.जी. राहत सामाग्रीले दैनिक जीवनमा सहजता बनेको छ । राहत हस्तान्तरणमा नेपाली काँग्रेस पार्टीको प्रतिनिधि सुर्ज घर्तीमगर, नेपाल कम्युनिष्ट पार्टी (नेकपा) लुङ्ग्री गाउँपालिका–१ पाङ ऐपे टोल कमिटी अध्यक्ष सोमबहादुर घर्तीमगर सहित सरोकारवाला निकायहरुको सहभागिता थियो । गत शुक्रबार राती १२ः०० तिर पहिरोमा पुरिएर दुई बालको मृत्यु भएको थियो । जिल्ला प्रशासन कार्यालयबाट र प्रदेशबाट उपलब्ध राहतका समन्वय भएको लाल बहादुर घर्तीले बताउनुभयो । साथै अन्य विभिन्न सहयोगी निकायहरुसँग पनि राहतको विषयमा समन्वय भइरहेको उहाँको भनाई छ ।