दलित समुदायको अगुवाहरुद्वारा नव आगन्तुक प्र.जि.अ. रानामगरलाई स्वागत
जेठ, २७ गते
लिबाङ–रोल्पा
रोल्पा जिल्लाको दलित समुदायहरुको अगुवाईहरुले नव आगन्तुक नरेन्द्र कुमार रानामगरलाई आज खादा ओढाएर स्वागत गरेका छन् । स्वागतमा यस जिल्लाका दलित समुदायहरुको अवस्थाको बारेमा जानकारी गराएको थियो ।
दलित समुदायको अग्रज व्यक्ति एवं जिल्ला समन्वय समिति रोल्पाको सदस्य कर्मलाल परियारले प्रमुख जिल्ला अधिकारी नरेन्द्र कुमार रानामगरलाई खादा ओढाएर स्वागत गर्नुभएको थियो । परियारले यर जिल्लाका दलित समुदायहरुको अवस्थाको बारेमा प्रमुख जिल्ला अधिकारी रानामगरलाई जानकारी दिनुभएको थियो । पछिल्लो समयमा जिल्लामा दलित समुदायहरु जतिय छुवाछुतको बढिरहेको जिल्ला समन्वय समिति एवं दलित समुदायको अग्रज व्यक्ति परियारले बताउनुभयो । यस जिल्लाको पूर्वी गाउँपालिका लुुङ्ग्री गाउँपालिका–१मा गैर दलित समुदायबाट दलित समुदाय एक परिवारलाई जातिय छुवाछुत भएको थियो ।
उहाँले ति पीडित परिवारलाई कानुन बमोजिम न्यायाको व्यवस्था गरी पीडकलाई कानुन बमोजिम कानुनी दायरामा ल्याउनुपर्ने जोड दिनुभयो । प्रमुख जिल्ला अधिकारी नरेन्द्र कुमार रानामगरले त्यो घटनाको सत्य तथ्य अनुसन्धान गरी कानुन बमोजिम अगाडि बढ्ने प्रतिवद्वता व्यक्त गर्नुभयो । उहाँको स्वागत कार्यक्रममा यस जिल्लाका दलित समुदायको अग्रज व्यक्तिहरुको सहभागिता रहेको थियो ।
