मानसिंह बिक
२०७३ फागुन २२ गते
देशैभरी स्ववियू निर्वाचन सम्पन्न भइरहेको बेलामा रोल्पाको जलजला बहुमुखी क्याम्पस लिबाङमा भने निर्वाचन हुन सकेन । विभिन्न विद्यार्थी संगठन बीचमा सहमति नहुँदा क्याम्पस प्रसाशनले शनिबार निर्वाचन प्रक्रिया अगाडि बढाउन नसक्ने भन्दै निर्वाचन सम्बन्धी सम्पूर्ण प्रक्रिया स्थगन भएको घोषणा गरेपछि निर्वाचन रोकिएको हो ।
जलजला बहुमुखी क्याम्पसमा नेपाली कांग्रेस निकट नेपाल विद्यार्थी संघ, नेकपा एमाले निकट अनेरास्ववियू, नेकपा (माओवादी केन्द्र) निकट अखिल (क्रान्तिकारी) र नेकपा निकट अखिल (क्रान्तिकारी) संगठन क्रियाशील छन् । निर्वाचनसम्बन्धी विभिन्न छलफलसहित फागुन २१ गते गर्ने भनिए पनि फेरी विद्यार्थी संगठनबीचमा सहमति नहुँदाम क्याम्पस प्रसानले निर्वाचन प्रक्रिया अगाडि बढाउन नसक्ने भन्दै त्रिभुवन विश्व विद्यालयलयले अर्काे निर्णय नगर्दासम्मका लागि निर्वाचन स्थगन भएको घोषणा पछि निर्वाचन प्रक्रिया नहुने भएको हो ।
शनिबार नेपाल कम्युनिष्ट निकट अखिल (क्रान्तिकारी) का प्रकाश बुढामगरको प्यानल र नेकपा (माओवादी केन्द्र) निकट अखिल क्रान्तिकारीका अशोक ओलीको प्यानलबीचमा सहमति नुहँदा शनिबार जलजला क्याम्पस तवावग्रष्त भएको थियो । (माओवादी केन्द्र) अखिल क्रान्तिकारी प्यानलले निर्वाचनका लागि आफू हदैँसम्म लचिलो भएर सहमतिकाको वातावरण निर्माण गर्न खोज्दा पनि सहमति विपरित अन्य संगठन अगाडि बढेकोले क्याम्पसमा ताला लगाउन बाध्य भएको बताएको छ । यस्तै प्रकाश बुढामगरको प्यानलले निर्वाचनको प्रक्रिया स्वीकार गर्न नसकेको आरोप लगाएको छ ।
शनिबार अखिल क्रान्तिकारी प्रकाश बुढामगरको प्यानल क्याम्पसमा लगाएको ताला खोलेर भए पनि निर्वाचन गराउनु पर्ने र अखिल क्रान्तिकारीका अशोक ओलीको प्यानलले सहमति नुहँुदासम्म गर्न निर्वाचन हुन नसक्ने अडान लिएपछि स्थगन गर्न वाध्य भएको क्याम्पस प्रशासनले बताएको छ । विवाद बढेपछि क्याम्पस प्रशासनले निर्वाचन प्रक्रिया अगाडि बढाउन नसकेको हो । शनिबार विहान दुई पक्षबीचमा झडव हुने अवस्था भएपछि जिल्ला प्रहरी कार्यालय, सशस्त्र प्रहरी लगायतको निकायले कडा सुरक्षा व्यवस्था गरिएको थियो ।
शनिबार विहान तनावयुक्त समयमा क्याम्पस प्रमुख कृष्णप्रसाद न्यौपानेलेले सूचना जारी गर्दै स्ववियू निर्वाचन नहुने जानकारी गराउनुभएको थियो । सो सूचनामा लेखिएको छ ः–“स्ववियू निर्वाचनबारेमा विद्यार्थी संगठनबीचमा असहमति, असहज पस्थिति सृजना भएकोले यस्तो असहज परिस्थतिमा स्व.वि.यू. निर्वाचन हुन नसक्ने भएका निर्वाचनसंग सम्धित गठन भएको समितिलाई विघटन गरी आजैका मितिदेखि सम्पूर्ण निर्वाचन कार्य बन्द गरिएको र अव उपरान्त त्रि.वि.ले निर्देशन नगरेसम्म निर्वाचन नहुने व्यहोरा सबैका जानकारी लागि सूचित गरिएको छ । ”
यो सूचना प्रकाशित गरेपछि अखिल क्रान्तिकारी अशोक ओलीको प्यानले कोणसभा गरेको थियो । कोणसभालाई संम्वोधन गर्दै अखिल क्रान्तिकारी केन्द्रीय सचिवालय सदस्य बीरबहादुर घर्तीमगर (हावा) ले सम्वोधन गर्नुभएको थियो । उहाँले सहमतिका लागि अधिकतम प्रयास गर्दा सहमति नर्गका लागि तयार नभएकोले ताला लगाउनु परेको बताउनुभयो । उहाँले जलजला क्याम्पसमा अखिल (क्रान्तिकारी) पहिलो शक्ति भएको दावी गर्दै आफूहरुको नेतृत्वमा सबै संगठनको सहभागितामा स्व.वि.यू. गठनलाई अगाडि बढाउने भन्दा अरु संगठनले अखिल (क्रान्तिकारी) संगठनको अस्तित्वलाई स्वीकार गर्नका लागि अुनरोध गर्नुभयो ।
यसैगरी नेकपा निकट अखिल क्रान्तिकारी प्यानलमा नेपाल विद्यार्थी संघ, अनेरास्ववियू, नेकपा निकट अखिल क्रान्तिकारी) सहभागि रहेका छन् । प्यानलले पनि कोणसभा सम्पन्न गरेका थिए । सो कोणसभालाई अनेरास्ववियूका केन्द्रीय सचिव अमृत बुढामगरले सम्वोधन गर्नुभएको थियो । बुढामगरले अखिल (क्रान्तिकारी) को प्यानल स्ववियू निर्वाचनदेखि डराए भागेको आरोप लगाउनुएको थियो । उहाँले क्याम्पस भ्रष्टको अखडा बनेको बताउँदै सो विषय सच्चाउन माग गर्नुभएको छ । क्याम्पसका प्राध्यापकहरुले विगतमा राजनीतिक नेताको रुपमा काम गरेको बताउँदै आगामी दिनमा नेता बनेर भाषण गर्ने भए राजनीतिक मञ्चमै आउनका लागि चुनौती दिनुभयो ।
यस्तै नेविसंघ रोल्पाका अध्यक्ष शेरबहादुर थापाले क्याम्पसमा अब आफूहरुको प्यानलले कार्यालय खोलेर कार्य सञ्चालन गर्ने बताउनुभयो । यस्तै नेकपा निकट अखिल क्रान्तिकारी केन्द्रीय सदस्य अमित बुढामगरले निर्वाचन नभएकाले आफूहरु प्यानल विजयी भएको दावी गर्नुभएको थियो ।
निर्वाचन स्थगनको सूचना क्याम्पस प्रमुखले सुनाएपछि दुवै पानलले लिबाङ बजार परिक्रमा गरेका थिए । अखिल क्रान्तिकारी अशोक ओलीको प्यानलले सुर्खेती डाँडा, सात्ताले, शिवालय टोल, टुखिखेल बीच बजार हुँदै सात्तालेमा पुगेर कोणसभामा परिणत भएको थियो । यस्तै प्रकाश बुढामगरको प्यानलले सात्तालेखोलादेखि टुडिखलेमा आएर कोणसभामा परिणत भएको थियो ।
रोल्पा जिल्लाको नव नेपाल क्याम्पस जुगाँरमा –माओवादी केन्द्र) निकट अखिल क्रान्तिकारी निकट सुमित राना सभापतिमा विजयी भएका छन् । जलजला बहुमुखी क्याम्पस लिबाङ रोल्पामा भने निर्वाचन हुन सकेको छैन । रोल्पा जिल्लामा हुन विभिन्न सामाजिक संघ संस्थाको निर्वाचनममा पनि बढी राजैतिक हस्तक्षेप भएको कारणले नै निर्वाचन स्थगन भएको विद्यार्थी नेताहरुले बताएको छ । विद्यार्थी नेताहरुले आफूलाई स्वतन्त्र निर्णय गर्न दिएमा सहमति बन्न सक्ने नाम नबताउने शर्तमा एक विद्यार्थी नेताले भने । “काम गर्नेलाई र नियमिति विद्यार्थीहरुलाई नेतृत्वको जिम्मेवारी दिएमा मिल्ने तर पनि सझा मानिस र काम गर्न सक्नेभन्दा पनि पनि आफ्नो पार्टी निकटको संगठनले विजयी बन्नुपर्ने धारणाले गर्दा समस्या भएको हो ।”
अब रोल्पा जिल्लाको जलजला बहुमुखी क्याम्पस लिबाङ रोल्पामा करिव २ वर्षका लागि निर्वाचन स्थगन हुने भएको छ । यसले क्याम्पसको विभिन्न शिक्षासँग सम्धित क्षेत्रमा प्रभावित बनाउने छ । त्यसमा सबै जो नियमिति विद्यालय जान्छन्, तिनै बिद्यार्थीले, क्याम्पस प्रशासन, रोल्पा जिल्लामा क्रियाशील विद्यार्थीसंगठन जो रोल्पाली विद्यार्थीका लागि केही गछौँ भन्ने संगठन र संगठनका नेताहरुले गम्भिर भएर सोच्नुपर्दथ्यो कि ?
जलजलामा निर्वाचन भएन
२०७३ फाल्गुन २१, शनिबार १६:०७ गते
