सुनिलस्मृति गाउँपालिकाद्वारा रु ४० लाख राहत काेषकाे लक्ष्यसँगै भाइरस नियन्त्रणका लागि अपिल

२३ चैत्र, सुलिचौर रोल्पा ।


सुनिल स्मृति गाउँपालिका सुलिचौर रोल्पाले विश्वव्यापी रुपमा फैलिएको कोरोना भाइरस (कोभिड–१९) को संक्रमण फैलिन नदिन तथा रोकथाम, नियन्त्रण र प्रतिरक्षाका लागि सहयोगका शुक्रबार जारी सूचना मार्फत अपिल गरेको हो ।
गाउँपालिका अध्यक्ष गुणेन्द्र घर्तीको हस्ताक्षरमा एक अपिल सार्वजनिक अपिलमा भनिएको छ,‘आदरणी आमा, बुबा, दाजुभाई तथा दिदिबहिनिहरु, विश्वव्यापी रुपमा फैलिएको कोरोना भाइरस (कोभिड–१९) को संक्रमण फैलिन नदिन तथा रोकथाम, नियन्त्रण र प्रतिरक्षा गर्न सवै एकतावद्ध रुपमा लागि सतर्कता अपनाउनु आजको गम्भीर आवश्यकता बनेको छ । संक्रमणको जोखिमबाट बच्न उच्च सतर्कताका साथ आ–आफ्नो स्थानबाट लागि पर्नु भएका सवै नागरिक, जनप्रतिनिधि, राजनीतिक दल, संघसंस्था, स्वास्थ्यकर्मी, सुरक्षाकर्मी एवं कर्मचारीहरु, गाउँपालिकाबासीहरु सहित अन्य सरोकारवाला निकायहरुलाई गाउँपालिकाले हार्दिक अपल गर्दछ ।’

यस विपद्को जोखिमलाई हटाउन साथै विपद् पूर्वतयारी, प्रतिकार्य योजना तथा पुनस्थापना जस्ता क्रियाकलाप गर्नुपर्ने अवस्था भएकाले यी सबै कुराको व्यवस्थापन गर्न गाउँपालिकाको तर्फबाट हालको विपद् व्यवस्थापन कोषमा रु २५ लाख रकमलाई वृद्धि गरि कम्तिमा ४० लाखसम्म पु¥याउने बिहीरबार सम्पन्न गाउँकार्यपालिका बैठकबाट निर्णय भएको र उक्त कोषमा गाउँपालिकाका अध्यक्ष, उपाध्यक्षले ७ हजार, वडा अध्यक्ष तथा कार्यपालिका सदस्यहरुले ५ हजार, वडा सदस्यहरुले कम्तिमा २ हजार तथा गाउँपालिकाबाट तलव भत्ता बुझिलिने शिक्षक, कर्मचारीहरुमध्ये अधिकृत स्तरका शिक्षक, कर्मचारीहरुले ५ दिन पारीश्रम र सहायक स्तरका शिक्षक, कर्मचारीहरुबाट ३ दिन पारीश्रम कोषमा जम्मा गर्ने निर्णय पारित भएको गाउँपालिकाबाट जारी अपिल मार्फत जानकारी गराउँदै यस कार्यको लागि थप आर्थिक तथा वस्तुगत सहायता गर्न चाहने व्यक्ति, संघसंस्था, उद्योगी, व्यापारी एवम् सरोकारवाला सवैलाई यस गाउँपालिकाको नाममा रहेको ग्लोवल आई.एम.ई. बैंक, शाखा कार्यालय सुलिचौर, रोल्पामा रहेको प्रकोप व्यवस्थापन कोष खाता नं. ८२०४०१००००००७ (ग–५–४) मा रहक जम्मा र वस्तुगत सहायताका लागि गाउँपालिकाले जारी अपिल मार्फत अनुरोध गरिएको छ । साथै अपिलमा भनिएको छ, थप जानकारीका लागि गाउँपालिका अध्यक्ष मोवाइल नं. ९८५७८२४८१७, उपाध्यक्ष मोवाइल ९८५७८२४८१८, प्रमुख प्रशासकीय अधिकृत मोवाइल ९८५७८२५७७५, लेखा अधिकृत ९८५७८२४८२० मा पनि सम्पर्क गर्न सकिने जानकारी गराइएको गाउँपालिका प्रेस संयोजक आशिष भारद्धाजले जनाकारी दिनुभयो ।

You may also like