आज भएको नेपाल कम्युनिष्ट पार्टी केन्द्रका घोषणा कार्यक्रमले जनयुद्धका उद्गम थलो रोल्पालीहरु खुशी भएका छन् । यो विषय निकै राम्रो भएको तर समय ढिला गरेको प्रक्रिया बडाचौरका शिवरा केसीले बताउनुभएको छ ।
पार्टी एकतामा माओवादी अध्यक्ष लगायतले नेताले बोलेको यी कुराले आफूलाई प्रभावित बनाएको छ । विभाजित माओवादीहरु मिलेर बनेको नेकपा माओवादी केन्द्रका अध्यक्ष पुष्पकमल दाहाल प्रचण्डले माओवादीहरुको पराजयका दिन सकिएको घोषणा गरेका छन् ।
एमाओवादीसहित १० वटा माओवादीको एकता भएको छ । र, नेकपा माओवादी केन्द्र गठन भएको छ । कम्युनिष्टका पाका नेता कष्णदास श्रेष्ठको अध्यक्षतामा भएको एकता घोषणा सभा भएको थियो ।
एकता घोषणा सभालाई सम्बोधन गर्दै प्रचण्डले भने, ‘माओवादीका पराजयका दिन सकियो । विजयको दिन सुरु भएको छ ।’
उनले अघि भने, गणतन्त्र, धर्मनिरपेक्षता, समानुपातिक समावेशी लगायतका परिवर्तनका एजेण्डाहरु पराजय हुने दिन सकिए । माओवादीहरुलाई कमजोर पार्न, अपमानित गर्ने प्रवृत्तिको पराजयको दिन सुरु भयो । जनताको विजयको दिन सुरु भयो ।’
‘राजतन्त्र फर्काउने सपना देखेकाहरुको मृत्युको दिन सुरु’
पार्टी एकता, माओवादीहरुको एकता मात्र नभई सच्चा कम्युनिष्टहरुको र राष्ट्रिय एकता पनि भएको उनले बताए । यो एकता वृहत शान्ति सम्झौता अनुसार सत्य निरुपणको काम गर्ने सुनिश्चित भएको उनले दाबी गरे । उनले भने, ‘माओवादीलाई कमजोर पारेपछि राजतन्त्र फर्काउने सपना देखेकाहरुको मृत्युको दिन सुरु भयो ।’
प्रचण्डले यो वर्षको अन्त्यसम्म पार्टीको महाधिवेशन गर्ने र कार्यदिशालाई विकसित गर्दै जाने बताए ।
पुरै विजयी नभएको तर, सुरुवात भएको भन्दै उनले सडक, सदन र सरकारबाट संघर्ष गर्ने बताए । स्थानीय, प्रादेशिक र केन्द्रको चुनावमा जाने र शान्ति प्रक्रियामा आउँदाको दिनमा जस्तै पार्टीलाई जीवन्त बनाउने समझदारी भएको उनले बताए ।
भट्टराईलाई पनि एकतामा आउन आग्रह
उनका अनुसार पार्टी एकतापछि ६९९ सदस्यीय महाधिवेशन आयोजक समिति बनाइएको छ । यसको बैठक केही समयमा नै बस्नेछ र जनसभा, भेला तथा संगठन विस्तार गर्ने काम सुरु हुनेछ ।
अब पुरानो कार्यशैलीले नचल्ने भन्दै नेकपा माओवादी केन्द्रका अध्यक्ष प्रचण्डले भने, ‘हाम्रा केन्द्रीय सदस्यहरु गाउँ-गाउँमा बसेर संगठन बनाउनेछन्, चमत्कार देखाउनेछन् । केही महिनाभित्र यो पार्टीलाई देशको शक्तिशाली पार्टी बनाउने प्रतिवद्धता गरेका छौं ।’
उनले नयाँ शक्ति बनाउन हिँडेका डा. बाबुराम भट्टराईलाई पनि एकतामा आउन अपील गरे ।
पार्टी एकताका लागि गरिएको यो पहलकदमीले आम जनयुद्धका उद्घम स्थल रोल्पालीहरु पनि खुशी भएका छन् । आम पार्टीका कार्यकर्ता, शुभचिन्तक, लगायत आम जनतालाई खशी बनाएको प्रक्रिया दिएका छन् रोल्पालीले । अब जनताको सपना पूरा हुनेमा विश्वस्त रहेको समेत बताएका छन् ।
मानसिंह बिक रोल्पा २०७३ जेठ