रोल्पा समाचारदाता
फागुन २३ गते
नेपाल कम्युनिष्ट पार्टी (बिप्लब) का कार्यकताहरुलाई सरकारले विना कारण गिरिफतार गरेको भन्दै विनाशर्त रिहाईको गर्दै विरोध स्वरुप रोल्पामा विभिन्न विरोधका कार्यक्रम गरेको छ । यसैक्रममा माडी गाउँपालिका वडा नं. २ घर्तीगाउँ रोल्पाको वाईक पनि जलाई दिएको गाउँपालिकाले बताएको छ ।
माडी गाउँपालिका वडा नं. २ को रा.१ व ३४३ नं. को बाईक माडी ३ व्यङखोलामा जलाई दिएको वडा अध्यक्ष ललित घर्तीमगरले बताउनुभयो । वडा अध्यक्षले घर्तीमगरले भन्नुभयोः“ मेरो छोरी २२ गते साँझ राती विरामी भएको खवर आयो, राती म घर वाइकमा गएको थिए, मैले बाइक मसिना झक्लीमा राखेर घर गए, बन्दको बेलामा जनताको काम गर्नका लागि केही अवेर गरेर जाने भन्ने बेलामा स्थानीयले बाइक जलेको खवर गरे आउँदा त साँच्चिकै जलेको रहेछ । त्यो नेकपा भन्दा अरु हुन सक्दैन उहाँहरुले होला भन्ने अनुमान गर्दछु ।”
उता माडी गाउँपालिका जनसरकार प्रमुख सुर्य खड्काले बन्दको बेलामा कुनै अप्रिय घटना नभएको जानकारी दिनुभयो ।
जनसरकार प्रमुख खड्काले भन्नुभयोः–“ हाम्रो माडीमा कुनै अप्रिय घटना हुन दिएका छाँै । हामी पनि जिम्मेवार बनेका छाँै, हामीले त्यस बाइकमा आगो लगाएका होइनाँै, कसै व्यक्तिले गरेको हुन सक्छ पार्टीलाई बदनाम र मलाई फसाउने नेटका साथ आरोप लगाएको हो ?” आफूलाई यही घटनामा मुछेर प्रहरीले गिरिफतार गर्ने धम्कि दिएको समेत बताउनुयो ।
यो घटनाका बारेमा गाउँपालिका नन्दबहादुर घर्तीमगरले सबैलाई जानकारी गरि सकेको समेत बताउनुभएको छ । उहाँले नेकपा विना अरुले नगरेको हुन सक्ने आसंका समेत गर्नुभएको छ ।
माडी गाउँपालिकामा यस्तो घटना हुनु र हिजो एउटै बाटोबाट क्रान्तिको झण्डा उठाएका पार्टी विचमा हाल आएर यस्तो विवाद बढ्दा माडी बासी नै चिन्चित बनेका छन् ।
