स्यूरी–रोल्पा
२०७५ असार १६ गते
रोल्पा जिल्लामा जातीय छुवाछुतमुक्त अभियान तीव्र रुपमा चलिरहेको बेलामा रोल्पा जिल्लाका नवौँ वडा घोषणा आज सुनछहरी गाउँपालिका वडा नं. ४ स्यूरी आज घोषणा हुने भएको छ । जिल्ला समन्वय समितिका सदस्य एवं दलित अधिकारकर्मी कर्मलाल परियारले घोषणा गर्नुहुने भएको छ ।
स्यूरीमा करिव २०७१ सालदेखि सो अभियान सञ्चालन गरिएको थियो । सो अभियान अन्तर्गत रोल्पा जिल्लाको विभिन्न वडाहरुमा अभियानहरु सञ्चालन भइरहेको बेलामा रोल्पा जिल्लाको स्यूरीमा पनि अभियान तीव्र रुपमा सञ्चालन भइरहेको थियो । वडा कार्यालयको पहलमा अभियान सञ्चालन भइरहेको थियो । स्यूरीमा विगत ४ वर्षदेखि जातीय विभेद विरुद्धको अभियान सञ्चालन भइरहेका थिए । दलितहरुको क्षमता अभिबृद्धि, दलित र गैर दलित समुदायमा अन्तरक्रिया, सहभोज, दलित समुदायको परम्परागत पेशा व्यवसायिलाई आधुनिकीकरण, बालिघरे खलोप्रथा अन्त्य लगायतको विषयमा अभियान सञ्चालन भएको थियो । कार्यक्रममा वडापालिकाले नै विभिन्न टोलबाट झाँकी प्रर्दशन गर्ने, विभिन्न आमा समूह, क्लव, आमा समूहलाई सहभागिताका लागि अनुरोध गरेको छ ।
अब सो वडामा गाउँपालिले सबैलाई अनिवार्य सहभागि भइ दिनका लागि समेत अनुरोध गरेको छ । सो वडामा जातीय छुवाछुत गर्नेलाई कानूनी कारवाही भागिदार बनाउने छ । सो वडामा एउटै भान्सा, मन्दिर लगायत सार्वजनिक स्थलमा प्रवेश, बालीघरे खलो प्रथाको अन्त्य लगायतको सबैप्रकारका जातीय विभेद गर्न नपाइने भएको छ । सो कार्यक्रमको लागि सम्पूर्ण तयारी भइसकेको वडा अध्यक्ष खड्कबहादुर घर्तीमगरले जानकारी दिनुभयो । साथै सो कार्यक्रममा अन्य विविध कार्यक्रमको आयोजना समेत गरिएको वडा सचिव लक्ष्मण खड्काले जानकारी दिनुभयो ।
स्यूरी आज जातीय छुवाछुत एवं बालिघरे खलोप्रथामुक्त घोषणा हुँदै
२०७५ असार १६, शनिबार १६:३७ गते