देश सबृद्ध गर्नका लागि सबैको जागर चाहिन्छः वर्षमान पुनमगर

देश सबृद्ध गर्नका लागि सबैको जागर चाहिन्छः वर्षमान पुनमगर
मानसिंह बिक
रोल्पा ५ माघ
रोल्पाबाट निर्वाचित प्रतिनिनिध सदस्य बर्षमान पुनमगरले नेपालमा राजनीतिक क्रान्ति पूरा भइसकेको बताउँदै अब आर्थिक क्रान्तिमा देशलाई अगाडि बढाउन र देश समृद्ध बनाउनको लागि सबैको जागर आवश्यक हुने बताउनुभयो । सबै नागरिकलाई समृद्ध बनाउनको लागि अबको बामपन्थी सरकारले नयाँ रोडम्याप तयार गरेर सबै जनतालाई समृद्ध बनाउने योजना निर्माण र कार्यन्वयन गर्ने समेत बताउनुभयो ।


यस्तो कुरा पूर्व अर्थमन्त्री एवं प्रतिनिधिसभा सदस्य पुनमगरले दोस्रो चतुर्भुज माण्डवी कृषि, पर्यटन तथा सास्ँकृतिक तथा महोत्सव २०७४ को उद्घाटन गर्दै आज रोल्पाको खुग्री चुतुर्भुजमा बताउनुभएको हो । उहाँले सबै नागरिक आर्थिक रुपमा समृद्ध नभएमा देश धनी नबन्ने भन्दै अबको सरकारको प्राथमिकता सबै नागरिकलाई आर्थिक आत्म निर्भर बनाउने हुने समेत बताउनुभयो ।

आफ्नो अर्थमन्त्री कार्यकालमा युवा स्वरोजगार, सहकारी विकास, पर्यटन र साँस्कृतिक क्षेत्रको विकासमा सकेजति पहल गरेको बताउँदै अबको सरकारले पनि युवाहरुलाई रोजगार बनाउनु पर्ने, सबैलाई श्रम गर्ने सँस्कारको निर्माण गर्नु पर्ने, श्रम गर्ने जनशक्तिलाई सम्मान गर्ने, व्यावसायीहरुलाई अनुदान दिनुपर्ने बताउनुभयो ।
युवा नेता वर्षमान पुनमगरले सफल युवाहरुले आफू पनि रोजगार बन्दै अरुलाई पनि रोजगार प्रदान गरेपछि मात्रै बेरोजगार अन्त्य हुने धारण व्यक्त गर्नुभयो । उहाँले स्वर्गद्वारी र जलजला लगायत रोल्पा र प्यूठान जिल्ला युद्ध पर्यटन, धार्मिक र साँस्कृतिक पर्यटनको सम्भावना राम्रो भएको यसको विकास गरी सबैलाई आर्थिक उत्पादन तिर लाग्नका लागि आह्वान गर्नुभयो ।
नेकपा –माओवादी केन्द्र) ५ नं. प्रदेश इन्चार्ज समेत रहनुभएका नेता वर्षमान पुनमगरले हाल प्रदेशको अस्थायी राजधानीका विषयमा भइरहेको आन्दोलनका बारेमा सरकारले जनसंख्यालाई मात्रै आधार मानेको भन्दै भौगलिक सुगमतालाई पनि ध्यान दिनु पर्ने बताउनुभयो साथै आन्दोलनलाई सचेत र कुशल ढंगले अगाडि बढाउँदै यो प्रक्रियाबाट टुङ्ग्याउनुपर्ने बताउनुभयो ।

कार्यक्रमका विशिष्ट अतिथि निवर्तमान सभामुख ओनसरी घर्तीमगरले व्यवस्थापन परिवर्तनको लागि आन्दोलन पूरा भएको बताउँदै भन्नुभयो ः–“जस्तो भए पनि राजाकै सन्तान राजा हुनु पर्ने व्यवस्थानको विरुद्धमा आन्दोलन गरेका थियौँ सफल भयो अब जनताको छोराछोरीले पनि राजनीति गर्न सक्ने र सत्ताको नेतृत्व गर्न सक्ने व्यवस्था लिएका छाँै ” घर्तीमगरले यो परिवर्तन र नयाँ संविधानको कार्यन्वयको अन्तिम चरणमा पुगेको बताउँदै अब वाँकी संविधानको पनि कार्यन्वय गर्नुपर्ने बताउनुभयो । उहाँले सबै राजनीतिक दलहरुको सहमतिमा नेपालको सम्बृद्ध हुने बताउँदै विकासका लागि सबै नागरिक एक हुनु पर्ने बताउनुभयो । रोल्पा जिल्लाबाट निर्वाचित भएर रोल्पाको विकासका लागि लागेको बताउँदै अझै पनि रोल्पाको विकामा लाग्ने बताउनुभयो ।

 

यस्तै कार्यक्रममा विशिष्ट अतिथि प्रदेश सभा सदस्य दिपेन्द्र पुनमगर ‘सिजल’ ले देशको सम्बृद्ध गर्ने हो भने पहिले आफू, परिवार, गाउँ, जिल्ला सम्बृद्ध बताउनुभयो । उहाँले राजा फाल्ने, पञ्चायन ढाल्ने आन्दोलन लगायत थुपै्र समय व्यवस्था परिवर्तनको आन्दोलमा लागेको बताउँदै अब आफू र देश सम्बृद्ध बनाउने यात्रामा लाग्नु पर्ने बताउनुभयो । उहाँले उत्पादन, व्यापार, व्यवसायी लगायत साँस्कृतिक, पर्यटन एवं साँस्कृतिक महोत्सवबाट जिल्लाको विकास एवं नागरिकलाई स्वरोजगार बनाउनुपर्ने बताउनुभयो ।


नेपाल पत्रकार महासंघका केन्द्रीय उपाध्यक्ष विपुल पोख्रेलले जनताको सम्बृद्धका लागि महोत्सवले पनि कोशेढुङ्गा हुने बताउँदै यसको विकास र विस्तार गर्नका लागि सम्पूर्ण सञ्चार क्षेत्र लाग्नुपर्ने बताउनुभयो । उहाँले सञ्चार माध्यमले सहयोग गर्न समेत आग्रह गर्नुभयो ।
कार्यक्रममा रोल्पा नगरपालिकाका प्रमुख पूर्ण केसी, स्वर्गद्वारी नगरपालिका प्रमुख नेत्र बहादुर रोकाय, प्रमुख जिल्ला अधिकारी डा. डिजन भट्टराई, सुवावती गाउपालिका अध्यक्ष गुणेन्द्र घर्तीमगर, स्वर्गद्वारी नगरपालिका उपप्रमुख गोमा रेग्मी,
सुवर्णावती गाउँपालिका उपाध्यक्ष बागमति थापा क्षेत्रीनी, उद्योग वाणिज्य संघ रोल्पाका अध्यक्ष बालकृष्ण सुवेदीले सुभकामना मनतव्य राख्नुभएको थियो ।
कार्यक्रममा सुवर्णती गाउँपालिका विभिन्न वडाका अध्यक्षहरु, स्वर्गद्वारा नगरपालिका अध्यक्ष विभिन्न सामाजिक रुपमा काम गर्ने सरोकारवाला व्यक्ति पत्रकारहरुको समेत आतिथ्यता रहेको थियो । कार्यक्रममा सत्यावती कला केन्द्रका नृत्य निर्देशक उदिराम खड्का, राष्ट्रिय कलाकारहरुको सहभागिता रहको छ ।
कार्यक्रमको सञ्चालन नेपाल पत्रकार महासंघ रोल्पा रोल्पाका अध्यक्ष मानसिंह बिक र कलाकार रुपा घर्तीमगरले सञ्चालन गर्नुभएको थियो । महोत्सवको प्रतक्ष्य प्रशारण रेडियो मालाश्री १००.५ ले गरेको थियो । महोत्सव उद्घाटन समारोमा संयोजक इमान विष्टको अध्यक्षताम भएको थियो । कलाकारहरुले विभिन्न स्थानीय तथा अन्य साँस्कृतिक कार्यक्रम समेत प्रस्तुत गरेका थियो । महोत्सवमा करिव १५० वटा स्थल राखिएको छ । व्यापारिक एवं अन्य स्थलहरु राखिएको छ । ७ दिनसम्म चल्ने आयोजक समितिले बताएकोछ ।

You may also like