केपी ओलीको तानाशाह प्रबृत्तिको विरुद्धमा बाम लोकतान्त्रिक गठबन्धनलाई विजय बनाउनु पर्दछ स्थायी समिति सदस्य जोखबहादुर महरा

खुमबहादुर सुनार
ह्वामा रोल्पा
कात्तिक २६ गते

नेपाल कम्युनिष्ट पार्टी (मओवादी केन्द्र) का स्थायी समिति सदस्य एवं रोल्पा प्रदेश (क) का बाम लोकतान्त्रिक गठबन्धनका साझा उमेद्वार जोखबहादुर महराले विगतका आमूल परिवर्तनका लागि सञ्चालन गरिएको जनयुद्ध र जनआन्दोलनबाट प्राप्त उपलब्धिलाई श्रीपेज विनाको राजा केपी ओलीले सिंहदरबारबाट विगठन गरेकोले त्यसका विरुद्धमा भएको बाम लोकतान्त्रिक गठबन्धनलाई विजयी बनाउनु पर्ने बताउनुभयो ।
यस्तो विचार बाम लोकतान्त्रिक रोल्पा न.पा. ९ ह्वामा आयोजित चुनावी सभालाई संम्वोधन गर्दै बताउनुभएको हो । उहाँले तत्कालीन ने.क.पा. (माओवादी) ले सञ्चालन गरेको जनयुद्ध र जनआन्दालनबाट आएको उपलब्धीलाई गबन्धनले रक्षा गर्ने बताउँदै आफूहरुलाई निर्वाचनमा मतदान गर्नका लागि अपिल गर्नुभयो । रोल्पा क्षेत्र नं. १ का उमेरद्वारले विगतदेखि जनताको सेवा गरिरहेकोले यस पटक यतैबाट निर्वाचित भएर प्रतक्ष्यरुपमा जनताको सेवा गर्ने जिम्मा जनताहरुले दिने विश्वास व्यक्त गर्नुभयो । आफूहरुको विजय अनिवार्य भएको बताउँदै त्यसमा सबैको सहमति र सहकार्यबाट विकास निर्माणलाई समानुपातिक ढंगले वितरण गरिने समेत बताउनुुभयो ।
कार्यक्रममा प्रमुख अतिथि जोखबहादुर महराले राजा महेन्द्रले नारायणहिटी र केपी ओलीले सिंहदरबारबाट प्रतिक्रान्ति गर्न लागेकाले पाँचदलिय गठबन्धन गर्नु परेको बताउँदै हिजो कांग्रेस र माओवादीको बीचमा लडाई नभइ सत्तासँग लडेको बताउनुभयो । २०५२ सालमा विभिन्न माग राख्दा नेपाली कांग्रेसको सरकार रहेकाले सत्ताको रक्षा गर्न नेपाली कांग्रेस लागेको र त्यसको विरुद्धमा माओवादीले जनयुद्ध गरेको बताउनुभाये । २०१५ सालमा आम निर्वाचनबाट जननिर्वाचित बीपी कोइरालाको सरकार २ वर्ष नपुग्दै नारायण हिटीबाट राजा महेन्द्रले ‘कु’ गरेर तीसवर्ष पञ्चायती शासन चलाएको चर्चा गर्दै महराले अहिले केपी ओलीले पनि सिंहदरबारबाट ‘कु’ गर्न लागेपछि कांग्रेस, माओवादी, समाजवादी र जनमोर्चाबीच गठबन्धन गरिएको बताउनुभयो ।
त्यस्तै उहाँले मतदाताको एक भोटको तागतले प्रतिगामी र प्रतिक्रान्तिकारीहरुको अन्त्य हुने बताउँदै निर्वाचनपछि संघ र प्रदेशको सरकार बनाउने र त्यो सरकार कांग्रेस, माओवादी, समाजवादी र जनमोर्चा सहित गठबन्धनको हुने बताउनुभयो । उहाँले भन्नुभयोः“–त्यस्तै कांग्रेसले हसिया हथौडामा र माओवादीले रुखमा कसरी भोट हाल्ने ? भन्दै गाउँगाउँमा प्रश्न गरेको आफूले सुनेको बताउँदै नेताहरुले एकअर्कालाई भोट हाल्न हुने जनताले किन नहुने ?” अप्ठ्यारो नमानी ढुक्क साथ गठबन्धनलाई भोट हाल्न अनुरोध गर्नुभयो । संघ, प्रदेश र स्थानीयतहको तीनै तहको सरकार एकअर्कामा समझदारी गरी आवश्यकताको आधारमा विकास गर्ने बताउनुभयो ।
निर्वाचन जितेमा पाँच वर्षलाई विकास र समृद्धिको वर्ष बनाउने उहाँको भनाई थियो । महराले देश, संविधान र व्यवस्थाको रक्षा नहुँदासम्म यो गठबन्धन कायमै रहने दावी गर्नुभयो ।
कार्यक्रममा नेपाली कांग्रेसबाट प्रतिनिधिसभा सदस्य समानुपातिक उम्मेदवार कृष्णबहादुर घर्तीमगरले समानुपातिकमा आ–आफ्नै आस्थावान दललाई र प्रत्यक्षमा गठबन्धनलाई भोट दिन अपिल गर्नुभयो । राजनीतिक दल फरक भए पनि आफूहरुले गठबन्धनकै आधारमा कार्य साझा रुमपा कार्य गरिने बताउनुभयो ।
त्यस्तै नेकपा (माओवादी केन्द्र)बाट प्रदेशसभा सदस्य समानुपातिक उम्मेदवार मिना बुढामगरले नेकपा माओवादी र कांग्रेसको संघर्षले मुलुकलाई नयाँ व्यवस्था दिएएको बताउँदै आज यो देशमा समानुपातिक समावेशी, धर्म निरपेक्ष लगायत सबै प्रकारका विभेदलाई अन्त्य गर्नका लागि लागेको बताउनुभभयो । उहाँले जनयद्ध र जनआन्दोलका उपलब्धीहरुबाटै आज संघीय लोकतान्त्रिक गणतन्त्र बनेको बताउँदै त्यसका लागि आडि बढ्ने बताउनुभयो ।
त्यस्तै अर्का समानुपातिक उम्मेदवार कुस्मा महराले हिजो जनयुद्धको समयमा हामी गाउँगाउँमा क्रान्तिका कुरा गर्दै आएको र अब परिस्थिति फेरिएसँगै विकास र समृद्धिका कुरा लिएर आएको बताउनुभयो । त्यसका लागि नेपाल कम्युनिष्ट पार्टी माओवादी केन्द्रको चिन्ह गोलाकार हसिंया हथौडाभित्र मतदात गर्नका लागि मतदातालाई अपिल गर्नुभयो ।
कार्यक्रममा नेपाली कांग्रेस रोल्पा नगरपालिका सभापति चन्द्रप्रकाश आचार्य, नेपाली कांग्रेस पूर्व पार्टी सचिव जितविक्रम मल्ल लगायतले बोल्नुभएको थियो । कार्यक्रममा नेकपा (माओवादी केन्द्र) का पोलिटव्यूरो सदस्य मानबहादुर बुढामगर, नेकपा (माओवादी केन्द्र) का केन्द्रीय सदस्य सुकबहादुर रोका, नेपाली कांग्रेस क्षेत्रीय सभापति दुर्गाबहादुर खड्का, एकीकृत समाजवादी जिल्ला सचिवालय सदस्य तेजराज भण्डारी लगायतको सहभागिता रहेको थियो । नेकपा (माओवादी केन्द्र) ९ नं. वडाका पार्टी अध्यक्ष प्रलय रानाको अध्यक्षतामा आयोजित कार्यक्रमको सञ्चालन सचिव चुडामणि केसीले गर्नुभएको थियो ।