“रोल्पालाई अझै समृद्धि र विकासमा अगाडि बढाउनु पर्दछ” उपाध्यक्ष कृष्णबहादुर महरा

नेपाल कम्युनिष्ट पार्टी (माओवादी केन्द्र) का उपाध्यक्ष कृष्णबहादुर महराले रोल्पाको विकासमा नेपाल कम्युनिष्ट पार्टी (माओवादी केन्द्र) ले शान्ति प्रक्रियापछि सरकारको नेतृत्व गरेपछि तिव्र विकास भएको दावी गर्दै अझै रोल्पालाई समृद्धि र विकासका अगाडि बढाउन आफूहरु लागि परेको बताउनुभयो ।
यस्तो विचार शुक्रबार संयुक्त लोकतान्त्रिक बाम गठबन्धन निर्वाचन क्षेत्रीय समिति रोल्पाद्वारा आयोजित चुनावी आम सभालाई सम्वोधन गर्दै रोल्पाको सुलिचौरमा बताउनुभएको हो । प्रमुख अतिथि महराले राष्ट्रिय आवश्यकताले गठबन्धन भएको बताउँदै आगामी दिनमा पनि देशको समृद्धिका गठबन्धन जारी राखिने बताउनुभयो । उहाँले भन्नुभयोः–“देशको आवश्यकता प्रतिगामीहरुको विरुद्धमा मोर्चा बनायाँै, गबन्धन बनायाँै, त्यसका लागि नेपालका राजनीतिक दलहरु एक स्थानमा उभियाँै, रोल्पामा भने अलि फरक भयो तै पनि गबन्धनलाई विजय बनाउनु पर्दछ ।”
रोल्पाका अभिभावकको रुपमा परिचित कृष्ण बहादुर महराले रोल्पाको विकासका लागि आफ्नो कार्यकाल लामो समय सरकारमा भएकोले पनि रोल्पा जिल्लाको विकासमा अगुवाई गरेको बताउँदै रोल्पाको विकासमा अझै सबैको साथ नै रहेको प्रतिवद्धता व्यक्त गर्नुभयो । उहाँले रोल्पा जिल्लाको सडक, सञ्चार, विद्युत, स्वास्थ्य, शिक्षा, कृषि पर्यटनमा तिव्र गतिमा विकास भएको बताउँदै त्यसलाई अझै सुधार्न बाँकी रहेको बताउनुभयो । सबै रोल्पाली जनताले फेरी पनि पाँच वर्षका लागि आफ्नो मत सचेतपूर्वक मतदात गर्नका लागि अपिल गर्नुभयो ।
यस्तै कार्यक्रमका विशिष्ट अतिथि नेपाल कम्युनिष्ट पार्टी (माओवादी केन्द्र) का उप महासचिव एवं रोल्पा प्रतिनिधी सभाका उमेद्वार वर्षमान पुनमगरले नेपाली जनताको त्याग तपस्या र बलिदानबाट प्राप्त उपलब्धीहरुका रक्षाका लागि पनि गठबन्धन आवश्यक भएको बताउनुभयो । संविधानको रक्षा र परिवर्तनका ऐजेण्डालाई आत्मसाथ गर्दै अगाडि बढ्दै गर्दा राजनीतिक हिसावले फरक फरक स्थानमा भएपनि गठबन्धनलाई विजयी बनाउनको लागि सबैलाई अपिल गर्नुभयो ।

पूर्व उर्जा जलश्रोत तथा सिचाई मन्त्री वर्षमान पुनमगरले आफूहरुलाई आगामी ५ वर्ष स्थायी सरकार दिने भ्रष्टचारमुक्त समाज निर्माण गर्ने, शुसासन प्रदान रहेको बताउँदै लोकतन्त्रको रक्षा स्वतन्त्रताको रक्षाको गर्ने बताउनुभयो । उहाँले भन्नुभयोः–“राजनीतिमा नलागेका मानिसहरुले पनि व्यापार गर्नुपर्ने, जागिर खानका लागि नै स्वतन्त्र रुपमा ग्यारेन्टी गर्दछौँ ।”
उहाँले समृद्ध रोल्पाको विकासमा आफूले सबैको सहकार्यमा नेतृत्व गर्नका लागि आफ्नो उमेद्वार भएको बताउँदै भन्नुभयोः– “मदन भण्डारी राजमार्ग यसै जिल्लाबाट गएको छ, १५६ मेगावाटको माडी जलविद्युत यसै सबै अध्ययन अनुसन्धानको काम पूरा भएको छ, कृषि, पशुपालनमा आधुनिकरण गर्न लागि लागि परेको बताउनुभयो । देश र रोल्पाको समृद्धिका लागि आफूहरुलाई विजयी बनाउनको लागि अफिल गर्नुभयो ।

यस्तै कार्यक्रममा विशिष्ट अतिथि नेपाल कम्युनिष्ट पार्टी (माओवादी केन्द्र) का स्थायी समिति सदस्य एवं पूर्वमन्त्री जयपुरी घर्तीमगरले विगतको जनयुद्ध र जनआन्दोलनले एकात्मक राज्यवस्थालाई अन्य गर्नका लागि ऐतिहासिक परिवर्तन गरेको बताउँदै आज समानुपातिक समावेशीलाई विकास गर्नका लागि संघीय लोकतान्त्रिक गणतन्त्रलाई बलियो बनाउन आवश्यक रहेको छ ।
उहाँले रोल्पा जिल्लाको विकासका लागि माओवादी शान्ति प्रक्रियामा आएपछि आफूलाई रोल्पाली जनताले सदनमा पठाएकाले गर्दा रोल्पा जिल्लाको विकास तिव्र रुपमा भएको बताउनुभयो । साथै उहाँले २०६४ सालको निर्वाचनको सस्मरण गर्दै भन्नुभयोः–“त्यतिवेला माओवादीका अध्यक्ष कमरेड प्रचण्ड र आफू विजयी भएपछि रोल्पाको शहीदमार्ग, लिबाङसम्म कालोपत्रे, सञ्चारको विकास भएकोछ आज हामी बन जादा पनि सञ्चारको प्रयोग गरिरहेका छाँै ।”
उहाँले रोल्पा जिल्लाका नेताहरुले रोल्पा जिल्लाको विकासमा महत्पूर्ण पहल गरेको बताउँदै शहीद मार्ग कालोपत्रेका लागि २ अर्व ७० करोड बजेटको व्यवस्था भईसकेको गर्दा अब रोल्पा जिल्लाको विकास भएको दावी गर्नुभयो । उहाँले स्वास्थ्य क्षेत्रमा १५ वेडको अस्पताल निर्माणका लागि, शिक्षा स्वास्थ्यमा आमुल परिवर्तन भएको बताउनुभयो ।
नेतृ जयपुरी घर्तीमगर अब सबैमा गुणस्तीय विकासका पहल गर्नुपर्ने, कृषि क्षेत्रमा आमूल परिवर्तन भएको बताउँदै त्यसका लागि आगामी दिनमा सबै लागी पर्ने बताउनुभयो ।
कार्यक्रममा नेपाल कम्युनिष्ट पार्टी (माओवादी केन्द्र) का स्थायी समिति सदस्य एवं रोल्पा प्रदेश (क) का बाम लोकतान्त्रिक गठबन्धनका साझा उमेद्वार जोखबहादुर महरा (प्रताव)ले गठबन्धन केन्द्र आवश्यकता भएको बताउँदै रोल्पा जिल्लामा पनि गठबन्धनको मर्म अनुसार मतदान गर्न अपिल गर्नुभयो । सधै रोल्पाली जनताको विकासमा काम गर्ने बताउनुभयो ।
यस्तै कार्यक्रमा नेपाली काग्रेसका प्रदेश सभापति एवं बाम लोकतान्त्रिक गठबन्धनका रोल्पा प्रदेश (ख) का साझा उमेद्वार अमरसिंह पुनमगरले गठबन्धलाई नै विजयी गराउनको लागि अपिल गर्दै रोल्पा जिल्लाको विकासमा लाग्ने बताउनुभयो ।
कार्यक्रममा एकीकृत समाजवादीका जिल्ला अध्यक्ष टंक बुढामगर, नेपाली कांग्रेस केन्द्रीय प्रचार समितिका सदस्य मनोजमनि आचार्य लगायतले पनि सम्वोधन गर्नुभयो ।
कार्यक्रम निर्वाचन परिचालन समितिका अध्यक्ष संयोजक आसबहादुर पुनको अध्यक्षतामा भएको थियो भने सह संयोजक दुर्गाबहादुरले सञ्चालन गर्नुभएको थियो ।